പ്ലാന്റ് ഡിഎൻഎ ബാർകോഡിംഗ് ത്രിദിന പരിശീലന പരിപാടി ആരംഭിച്ചു
തേഞ്ഞിപ്പലം: ഇന്റർ യൂണിവേഴ്സിറ്റി സെന്റർ ഫോർ പ്ലാന്റ് ബയോടെക്നോളജിയുടെ ആഭിമുഖ്യത്തിൽ പ്ലാന്റ് ഡിഎൻഎ ബാർകോഡിംഗ് ത്രിദിന പരിശീലന പരിപാടി കാലിക്കട്ട് സർവകലാശാലയിൽ ആരംഭിച്ചു.
പ്രോവൈസ് ചാൻസലർ ഡോ. പി. മോഹൻ ഉദ്ഘാടനം ചെയ്തു. പ്രഫ. സന്തോഷ് നന്പി, പ്രഫ. കെ.വി. മോഹനൻ, ഡോ.എ.യൂസുഫ്, ആർ.സന്തോഷ് കുമാർ എന്നിവർ പ്രസംഗിച്ചു. വിവിധ ദക്ഷിണേന്ത്യൻ സർവകലാശാലകളിൽ നിന്നുള്ള അധ്യാപകരും വിദ്യാർഥികളും പങ്കെടുക്കുന്നുണ്ട്.
അധ്യാപക പരിശീലന പരിപാടിക്ക് തുടക്കമായി
തേഞ്ഞിപ്പലം: കേന്ദ്ര മാനവശേഷി വികസന മന്ത്രാലയത്തിന് കീഴിലെ മദൻമോഹൻ മാളവ്യ അധ്യാപക പരിശീലന കേന്ദ്രത്തിൽ കോളജ് അധ്യാപകർക്കായി സംഘടിപ്പിക്കുന്ന ഒരു മാസത്തെ പരിശീലന പരിപാടി കാലിക്കട്ട് സർവകലാശാലാ പരീക്ഷാ കണ്ട്രോളർ ഡോ. വി.വി.ജോർജ്കുട്ടി ഉദ്ഘാടനം ചെയ്തു.
ചടങ്ങിൽ പ്രഫ. പി.കെ. അരുണ അധ്യക്ഷത വഹിച്ചു. ഡോ. സി. അബ്ദുൾ മജീദ്, ഡോ. ടി. വസുമതി തുടങ്ങിയവർ പ്രസംഗിച്ചു. അധ്യാപകർക്കായി നടത്തുന്ന മൂന്നാംഘട്ട പരിശീലന പരിപാടിയാണിത്.