രാജ്കുമാരി അമൃത് കൗർ കോളജിൽ നഴ്സിംഗ്
കേന്ദ്ര ആരോഗ്യ മന്ത്രാലയത്തിനു കീഴിൽ ന്യൂഡൽഹിയിലുള്ള രാജ്കുമാരി അമൃത്കൗർ കോളജ് ഓഫ് നഴ്സിംഗിൽ ബിഎസ്സി (ഓണേഴ്സ്), എംഎസ്സി നഴ്സിംഗ് കോഴ്സുകളിലേക്ക് അപേക്ഷ ക്ഷണിച്ചു. ഇംഗ്ലീഷ്, ഫിസിക്സ്, കെമിസ്ട്രി, ബയോളജി പഠിച്ച് 50 ശതമാനം മാർക്കോടെ പ്ലസ്ടു പാസായവർക്ക് ബിഎസ്സി കോഴ്സിന് ഫെബ്രുവരി 19 മുതൽ മാർച്ച് 22 വരെ അപേക്ഷിക്കാം.
പെണ്കുട്ടികൾ മാത്രം അപേക്ഷിച്ചാൽ മതി. പ്രായം 2019 ഒക്ടോബർ ഒന്നിന് 17 വയസ് പൂർത്തിയായിരിക്കണം. ആകെ സീറ്റുകളുടെ എണ്ണം 69. ഏപ്രിൽ 28 നു ന്യൂഡൽഹിയിൽ നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. ഒബ്ജക്ടീവ് മാതൃകയിൽ രണ്ടര മണിക്കൂർ ദൈർഘ്യമുള്ളതായിരിക്കും പ്രവേശന പരീക്ഷ.
ഫിസിക്സ്, കെമിസ്ട്രി, ബയോളജി എന്നിവയിൽനിന്നു പ്ലസ്ടു നിലവാരത്തിലുള്ള ചോദ്യങ്ങളുണ്ടായിരിക്കും. ഇംഗ്ലീഷ് കോംപ്രിഹെൻഷൻ, ആരോഗ്യ മേഖലയുമായി ബന്ധപ്പെട്ട പൊതു വിജ്ഞാനം എന്നീ മേഖലകളിൽനിന്നു ചോദ്യങ്ങളുണ്ടായിരിക്കും.
വെബ്സൈറ്റ്: rakcon.com.