കേരള ആരോഗ്യശാസ്ത്ര സർവകലാശാല മാർച്ച് അഞ്ചു മുതലാരംഭിക്കുന്ന നാലാംവർഷ ബിഎസ്സി നഴ്സിംഗ് ഡിഗ്രി സപ്ലിമെന്ററി പരീക്ഷയ്ക്കു ഫെബ്രുവരി ഒന്നുമുതൽ 13 വരെ ഓൺലൈനായി രജിസ്റ്റർ ചെയ്യാം. പേപ്പറൊന്നിനു 105 രൂപ ഫൈനോടുകൂടി ഫെബ്രുവരി 15 വരെയും, 315 രൂപ സൂപ്പർ ഫൈനോടുകൂടി 18 വരെയും ഓൺലൈൻ രജിസ്ട്രേഷൻ നടത്താം.
മാർച്ച് 13 മുതലാരംഭിക്കുന്ന രണ്ടാംവർഷ ബിപിടി ഡിഗ്രി സപ്ലിമെന്ററി (2012 & 2016 സ്കീം) പരീക്ഷയ്ക്ക് ജനുവരി 28 മുതൽ ഫെബ്രുവരി 11 വരെ ഓൺലൈനായി രജിസ്റ്റർ ചെയ്യാം. പേപ്പറൊന്നിന് 105 രൂപ ഫൈനോടുകൂടി ഫെബ്രുവരി 15 വരെയും 315 രൂപ സൂപ്പർ ഫൈനോടുകൂടി 18 വരെയും ഓൺലൈൻ രജിസ്ട്രേഷൻ നടത്താം.
റീടോട്ടലിംഗ് ഫലം
2018 ഒക്ടോബറിൽ പരീക്ഷ നടത്തി ഫലപ്രഖ്യാപനം നടത്തിയ മെഡിക്കൽ പോസ്റ്റ് ഗ്രാഡ്വേറ്റ് ഡിഗ്രി/ഡിപ്ലോമ സപ്ലിമെന്ററി പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
പരീക്ഷാഫലം
ഒക്ടോബറിൽ നടത്തിയ ഫസ്റ്റ് പ്രഫഷണൽ ബിയുഎംഎസ് ഡിഗ്രി റെഗുലർ/സപ്ലിമെന്ററി (2015 സ്കീം) പരീക്ഷാഫലം, സെക്കൻഡ് പ്രഫഷണൽ ബിയുഎംഎസ് ഡിഗ്രി റെഗുലർ/സപ്ലിമെന്ററി (2015 സ്കീം) പരീക്ഷാഫലം, തേർഡ് പ്രഫഷണൽ ബിയുഎംഎസ് ഡിഗ്രി റെഗുലർ (2015 സ്കീം) പരീക്ഷാഫലം എന്നിവ പ്രസിദ്ധീകരിച്ചു.
റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്റെയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓൺലൈനായി ഫെബ്രുവരി നാലിനകം അപേക്ഷിക്കണം.
പരീക്ഷാ തിയതി
ഫെബ്രുവരി നാലു മുതൽ ആരംഭിക്കുന്ന അവസാനവർഷ ബിഡിഎസ് ഡിഗ്രി പാർട്ട് 1 സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
ഫെബ്രുവരി 15 മുതൽ ആരംഭിക്കുന്ന ഒന്നാം വർഷ ബിഎസ്സി എംഎൽടി ഡിഗ്രി സപ്ലിമെന്ററി (2016, 2015 & 2010 സ്കീം) തിയറി പരീക്ഷാ ടൈംടേബിൾ പ്രസിദ്ധീകരിച്ചു.
ഫെബ്രുവരി 18 മുതൽ ആരംഭിക്കുന്ന മൂന്നാംവർഷ ബിഎസ്സി എംആർടി ഡിഗ്രി റെഗുലർ/സപ്ലിമെന്ററി തിയറി പരീക്ഷാ ടൈംടേബിൾ പ്രസിദ്ധീകരിച്ചു.
ഫെബ്രുവരി 20 മുതൽ ആരംഭിക്കുന്ന ഫൈനൽ ബിഎച്ച്എംഎസ് ഡിഗ്രി സപ്ലിമെന്ററി (2010 സ്കീം) തിയറി പരീക്ഷാ ടൈംടേബിൾ പ്രസിദ്ധീകരിച്ചു.