എൻഎസ്എസ് പ്രോഗ്രാം ഓഫീസർമാരുടെ പരിശീലനം നാളെ
എൻഎസ്എസ് സെല്ലിന്‍റെ ആഭിമുഖ്യത്തിൽ പ്രോഗ്രാം ഓഫീസർമാർക്കായി സംഘടിപ്പിക്കുന്ന ഇടിഐ ഏകദിന പരിശീലനം നാളെ മണർകാട് സെന്‍റ് മേരീസ് കോളജിൽ നടക്കും. അപേക്ഷ നൽകിയവർ രാവിലെ 9.30നു കോളജിലെത്തണമെന്ന് പ്രോഗ്രാം കോഓർഡിനേറ്റർ പ്രഫ. എം.ജെ. മാത്യു അറിയിച്ചു.
പ്രാക്ടിക്കൽ
2018 ഡിസംബറിൽ തൃപ്പൂണിത്തുറ ആർഎൽവി കോളജിൽ നടത്തിയ ബിഎ ഒന്നാം സെമസ്റ്റർ ഭരതനാട്യം, മോഹിനിയാട്ടം സിബിസിഎസ് (2018 അഡ്മിഷൻ റെഗുലർ, 2017 അഡ്മിഷൻ റീ അപ്പിയറൻസ്), സിബിസിഎസ്എസ് (201316 അഡ്മിഷൻ റീ അപ്പിയറൻസ്, സപ്ലിമെന്‍ററി) പ്രാക്ടിക്കൽ പരീക്ഷകൾ 18 മുതൽ 20 വരെ ആർഎൽവി കോളജിൽ നടക്കും.2018 ഡിസംബറിൽ നടന്ന ഒന്നാം സെമസ്റ്റർ എംഎസ്‌സി ബയോകെമിസ്ട്രി (സിഎസ്എസ് റെഗുലർ, സപ്ലിമെന്‍ററി) ബിരുദ പരീക്ഷയുടെ പ്രാക്ടിക്കൽ 21 മുതൽ അതതു കോളജുകളിൽ നടക്കും. ടൈംടേബിൾ വെബ്സൈറ്റിൽ.
പരീക്ഷാഫലം
2017 ഡിസംബറിലെ മൂന്നാം സെമസ്റ്റർ എംഎസ്‌സി ഫൈറ്റോ മെഡിക്കൽ സയൻസ് ആൻഡ് ടെക്നോളജി (റെഗുലർ, ഇംപ്രൂവ്മെന്‍റ്, സപ്ലിമെന്‍ററി) പരീക്ഷാഫലം പ്രസിദ്ധീകരിച്ചു. പുനർമൂല്യ നിർണയത്തിനും സൂക്ഷ്മ പരിശോധനയ്ക്കും 22 വരെ അപേക്ഷിയ്ക്കാം.2018 നവംബറിലെ നാലാം സെമസ്റ്റർ മാസ്റ്റർ ഓഫ് സയൻസ് മെഡിക്കൽ ബയോകെമിസ്ട്രി (നോണ് സിഎസ്എസ്റെഗുലർ, സപ്ലിമെന്‍ററി) പരീക്ഷയുടെ ഫലം പ്രഖ്യാപിച്ചു. സൂക്ഷ്മ പരിശോധനയ്ക്ക് 22 വരെ അപേക്ഷിക്കാം.
റാങ്ക് പട്ടിക
സുസ്ഥിരജൈവകൃഷി കേന്ദ്രത്തിൽ ഓഫീസ് അസിസ്റ്റന്‍റ്, റിസേർച്ച് അസിസ്റ്റന്‍റ് എന്നീ തസ്തികകളിൽ കരാർ അടിസ്ഥാനത്തിൽ നിയമിക്കാനുള്ള അഭിമുഖ പരീക്ഷയുടെ റാങ്ക് പട്ടിക സർവകലാശാല വെബ്സൈറ്റിൽ. ഫോൺ: 0481 2733210
അലത്താളം രജിസ്ട്രേഷൻ
എംജി കലോത്സവം ’അലത്താള’ത്തിൽ പങ്കെടുക്കുന്നതിന് 12 മുതൽ 22 വരെ ഓണ്‍ലൈനായി രജിസ്റ്റർ ചെയ്യാം. www.mgukalolsavam19.com എന്ന വെബ്സൈറ്റിലൂടെയാണ് രജിസ്റ്റർ ചെയ്യേണ്ടത്. രജിസ്റ്റർ ചെയ്തശേഷം ഹാർഡ് കോപ്പി 23നകം സർവകലാശാല യൂണിയൻ ഓഫീസിൽ എത്തിക്കണം. 8606501203, 8606170434.