സ്റ്റൈപ്പൻഡോടെ ഹിന്ദി ടീച്ചർ എഡ്യൂക്കേഷൻ കോഴ്സുകൾ പഠിക്കാം
കേന്ദ്ര മാനവശേഷി വികസന മന്ത്രാലയത്തിനു കീഴിൽ ആഗ്ര ആസ്ഥാനമായുള്ള കേന്ദ്രീയ ഹിന്ദി സൻസ്ഥാൻ (സെൻട്രൽ ഇൻസ്റ്റിറ്റ്യൂട്ട് ഓഫ് ഹിന്ദി) നടത്തുന്ന വിവിധ ടീച്ചർ എഡ്യൂക്കേഷൻ പ്രോഗ്രാമുകൾ സ്റ്റൈപ്പൻഡോടെ പഠിക്കാൻ അവസരം. എംഎഡ്, ബിഎഡ്, ടിടിസി എന്നിവയ്ക്കു തുല്യമായ കോഴ്സുകളാണ് ഡൽഹി, ഹൈദരാബാദ്, ഗോഹട്ടി, ഷില്ലോംഗ്, മൈസൂർ, ദിമാപൂർ, ഭുവനേശ്വർ, അഹമ്മദാബാദ് കേന്ദ്രങ്ങളിൽ നടത്തുന്നത്.
മേയ് 26ന് ഹൈദരാബാദ്, ഗോഹട്ടി, മൈസൂർ എന്നിവിടങ്ങളിൽ നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
മാർച്ച് 13നകം ഓൺലൈനായി അപേക്ഷിക്കണം. അപേക്ഷയുടെ ഹാർഡ് കോപ്പി മാർച്ച് 31നകം ലഭിക്കത്തക്കവിധം അയച്ചു കൊടുക്കണം.
ഹിന്ദി ശിക്ഷണ് നിശാന്ത്: എംഎഡിനു തുല്യമാ\യ കോഴ്സിന് ഏതെങ്കിലും വിഷയത്തിൽ 50 ശതമാനം മാർക്കോടെ ബിരുദവും പ്ലസ്ടു തലത്തിൽ ഹിന്ദിയും പഠിച്ച് ബിഎഡ് പാസായവർക്ക് അപേക്ഷിക്കാം. അല്ലങ്കിൽ ഹിന്ദി പഠിച്ച് 50 ശതമാനം മാർക്കോടെ ബിഎയും ബിഎഡും പാസായവർക്ക് അപേക്ഷിക്കാം.
ഹിന്ദി ശിക്ഷണ് പരംഗത്: ബിഎഡിനു തുല്യമായ കോഴ്സിന് ഹിന്ദി പഠിച്ചു 50 ശതമാനം മാർക്കോടെ ബിഎ നേടിയവർക്കും ഹിസ്റ്ററി, ജ്യോഗ്രഫി, പൊളിറ്റിക്കൽ സയൻസ്, സോഷ്യൽ സയൻസ്, ഇക്കണോമിക്സ് എന്നിവയിൽ 50 ശതമാനം മാർക്കോടെ ബിഎ പാസായവർക്കും പ്ലസ്ടു തലത്തിൽ ഹിന്ദി പഠിച്ചവർക്കും അപേക്ഷിക്കാം.
ഹിന്ദി ശിക്ഷണ് പ്രവീണ്: ഹിന്ദി പഠിച്ചു പ്ലസ്ടു പാസായവർക്കാണ് അപേക്ഷിക്കാവുന്നത്.
ക്ലാസുകൾ ജൂലൈയിൽ ആരംഭിക്കും. തെരഞ്ഞെടുക്കപ്പെടുന്നവർക്കു പ്രതിമാസം 4000 രൂപ സ്റ്റൈപ്പൻഡ് ലഭിക്കും.
അപേക്ഷാ ഫീസ് 200 രൂപ.
വിലാസം: സെക്രട്ടറി, കേന്ദ്രീയ ഹിന്ദി ശിക്ഷണ് മണ്ഡൽ, ആഗ്ര. വെബ്സൈറ്റ്: www.hindisansthan.org.