നാലാം സെമസ്റ്റർ ബിഎസ്സി പ്രായോഗിക പരീക്ഷകൾ
നാലാം സെമസ്റ്റർ ബിഎസ്സി ഡിഗ്രി (സിബിസിഎസ്എസ് റഗുലർ/സപ്ലിമെന്ററി, സിസിഎസ്എസ് സപ്ലിമെന്ററി) പ്രായോഗിക പരീക്ഷകൾ ചുവടെ സൂചിപ്പിച്ച തീയതികളിൽ വിവിധ കേന്ദ്രങ്ങളിൽ ആരംഭിക്കും. ബയോടെക്നോളജി കോർ 18, കോംപ്ലിമെന്ററി 25, മൈക്രോബയോളജി കോർ 19, കോംപ്ലിമെന്ററി 26, സൈക്കോളജി കോർ18, ജ്യോഗ്രഫി കോർ 19, സുവോളജി കോർ 20, കോംപ്ലിമെന്ററി 22, ഹോം സയൻസ് കോർ 18, ബോട്ടണി/പ്ലാന്റ് സയൻസ് കോർ 18, കോംപ്ലിമെന്ററി 25, ജിയോളജി കോർ 19, കോംപ്ലിമെന്ററി 27, ഫിസിക്സ് കോർ 18, കോംപ്ലിമെന്ററി 21, ഇലക്ട്രോണിക്സ് കോർ 18, കോംപ്ലിമെന്ററി 21, ഫോറസ്ട്രി കോർ 20, കെമിസ്ട്രി, പോളിമർ കെമിസ്ട്രി, ബയോകെമിസ്ട്രി കോർ 18, കോംപ്ലിമെന്ററി 21. രജിസ്റ്റർ ചെയ്ത വിദ്യാർഥികൾ പരീക്ഷാകേന്ദ്രവുമായി ബന്ധപ്പെടണം. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
രണ്ട്, നാല് സെമസ്റ്റർ ബിരുദ പ്രാക്ടിക്കൽ പരീക്ഷകൾ
രണ്ട്, നാല് സെമസ്റ്റർ ബിരുദ കോഴ്സുകളുടെ പ്രാക്ടിക്കൽ പരീക്ഷകൾ (ഏപ്രിൽ 2019) തിയറി പരീക്ഷകൾക്കുമുമ്പേ നടക്കും. ഇതുപ്രകാരം നാലാം സെമസ്റ്റർ പ്രാക്ടിക്കൽ പരീക്ഷകൾ 18 ന് ആരംഭിക്കും. പ്രാക്ടിക്കൽ പരീക്ഷ എഴുതാൻ യോഗ്യരായ റഗുലർ വിദ്യാർഥികൾക്ക് മുൻ സെമസ്റ്ററിലെ രജിസ്ട്രേഷനും നോമിനൽ റോളും ഹാൾടിക്കറ്റും അടിസ്ഥാനമാക്കി അതത് കോളജ് പ്രിൻസിപ്പൽമാർ പ്രവേശനം അനുവദിക്കേണ്ടതാണ്. സപ്ലിമെന്ററി വിദ്യാർഥികളുടെ വിശദാംശങ്ങൾ ബന്ധപ്പെട്ട കോളജ് പ്രിൻസിപ്പൽമാർക്ക് ലഭ്യമാകുന്നതും മുൻ സെമസ്റ്ററിലെ ഹാൾടിക്കറ്റ് തിരിച്ചറിയൽ രേഖയായി പരിഗണിച്ച് ഇവർക്ക് പ്രവേശനം അനുവദിക്കേണ്ടതുമാണ്. നാലാം സെമസ്റ്ററിലെ പ്രാക്ടിക്കൽ സപ്ലിമെന്ററി പരീക്ഷ എഴുതുന്ന വിദ്യാർഥികൾ മുൻ സെമസ്റ്ററിലെ ഹാൾടിക്കറ്റുമായി രജിസ്റ്റർ ചെയ്ത പരീക്ഷാകേന്ദ്രവുമായി ബന്ധപ്പെടണം. മതിയായ ഹാജർനിലയുള്ള വിദ്യാർഥികൾക്ക് മാത്രമേ തിയറി പരീക്ഷയ്ക്കുള്ള ഹാൾടിക്കറ്റ് അനുവദിക്കുകയുള്ളൂ.
അഞ്ചാം സെമസ്റ്റർ എംസിഎ പരീക്ഷാഫലം
കണ്ണൂർ സർവകലാശാല മാങ്ങാട്ടുപറമ്പ് കാമ്പസിലെ അഞ്ചാം സെമസ്റ്റർ എംസിഎ (റഗുലർ), നവംബർ 2018, അഞ്ചാം സെമസ്റ്റർ എംസിഎ(എൽഇ) (റഗുലർ/ സപ്ലി), നവംബർ 2018 പരീക്ഷാഫലം പ്രസിദ്ധീകരിച്ചു. പരീക്ഷാഫലം വെബ്സൈറ്റിൽ ലഭ്യമാണ്. പുനഃപരിശോധന /സൂക്ഷ്മ പരിശോധന /ഫോട്ടോകോപ്പി എന്നിവയ്ക്ക് അപേക്ഷിക്കേണ്ട അവസാന തീയതി 25.
ഗ്രേസ് മാർക്ക് അപേക്ഷകൾ
201617, 201718 അധ്യയനവർഷങ്ങളിൽ വിവിധ ഇനങ്ങളിൽ ഗ്രേസ് മാർക്ക് അനുവദിക്കപ്പെട്ട് ഉത്തരവ് ലഭിച്ച 2016 പ്രവേശന ബിരുദവിദ്യാർഥികൾ അവരുടെ ഗ്രേസ് മാർക്ക് ചേർത്തു ലഭിക്കുന്നതിലേക്ക് നിശ്ചിത മാതൃകയിലുള്ള അപേക്ഷകൾ രേഖകൾ സഹിതം പ്രിൻസിപ്പൽ മുഖേന 28 നകം പരീക്ഷാകണ്ട്രോളർക്ക് സമർപ്പിക്കണം. അതിനുശേഷം ലഭിക്കുന്ന അപേക്ഷകൾക്ക് 250 രൂപ വീതം പിഴ ഈടാക്കുന്നതാണ് .
എം ഫിൽ പരീക്ഷാഫലം
രണ്ടാം സെമസ്റ്റർ എംഫിൽ (ഫിസിക്കൽ എഡ്യുക്കേഷൻ ഡിഗ്രി,സപ്ലിമെന്ററി) ജൂണ് 2017 പരീക്ഷയുടെ ഫലം പ്രസിദ്ധീകരിച്ചു. ഫലം വെബ്സൈറ്റിൽ ലഭ്യമാണ്.
കണ്ണൂർ സർവകലാശാല അദാലത്തിൽ പരാതികൾ സമർപ്പിക്കാം
കണ്ണൂർ സർവകലാശാലയിൽ ഫയൽ അദാലത്ത് നടത്തുന്നതിനായി വിദ്യാർഥികൾ, അധ്യാപകർ, പ്രിൻസിപ്പൽമാർ, മാനേജർമാർ എന്നിവരിൽനിന്ന് 19 മുതൽ 28 വരെ പരാതികൾ സ്വീകരിക്കും. 2019 ജനുവരി ഒന്നിനുമുന്പ് സർവകലാശാലയിൽ സമർപ്പിച്ചതും തീർപ്പാകാത്തതുമായ പരാതികളാണ് അദാലത്തിൽ പരിഗണിക്കുക. മുന്പ് സർവകലാശാലയിൽ സമർപ്പിച്ച പരാതിയുടെ വിഷയം, തീയതി, പരാതിക്കാരന്റെ പേര്, വിലാസം, ഫോണ്നന്പർ, മുന്പ് സമർപ്പിച്ച പരാതിയുടെ പകർപ്പ് എന്നിവസഹിതം അദാലത്തിൽ പരിഗണിക്കുന്നതിനായി അപേക്ഷിക്കാം. പരാതികൾ ഓണ്ലൈനായാണ് സമർപ്പിക്കേണ്ടത്. ഇതിനായി പ്രത്യേക വെബ് പേജ് സർവകലാശാല തയാറാക്കിയിട്ടുണ്ട്. പരാതി സംബന്ധിച്ച വിഷയങ്ങളും വിശദാംശങ്ങളും വെബ്സൈറ്റിൽ ലഭ്യമാണ്. ഓണ്ലൈനായും അല്ലാതെയും രജിസ്ട്രാർക്ക് പരാതി സമർപ്പിക്കാം. ഇതിൽ ’അദാലത്തിലേക്കുള്ള അപേക്ഷ’ എന്ന് പ്രത്യേകം എഴുതണം. പുതിയ പരാതികൾ അദാലത്തിൽ പരിഗണിക്കില്ല. ഹെൽപ്പ് ലൈൻ നന്പറുകൾ: 0497 2715300, 271533. വെബ്സൈറ്റ്:www.kannuruniversity.ac.in.