ജൂണിയർ ഡിപ്ലോമ ഇൻ കോ-ഓപ്പറേഷൻ (ജെഡിസി) കോഴ്സ്: മാർച്ച് 30 വരെ അപേക്ഷിക്കാം
തിരുവനന്തപുരം: സംസ്ഥാന സഹകരണ യൂണിയന്റെ ആഭിമുഖ്യത്തിൽ ജൂണിൽ ആരംഭിക്കുന്ന ജൂണിയർ ഡിപ്ലോമ ഇൻ കോഓപ്പറേഷൻ (ജെഡിസി) കോഴ്സിന് അപേക്ഷ ക്ഷണിച്ചു. അപേക്ഷാഫോം മാർച്ച് 30 വരെ എല്ലാ സഹകരണ പരിശീലന കേന്ദ്രങ്ങളിലും ആറൻമുള, പാലാ, നോർത്ത് പറവൂർ, തിരൂർ, തലശേരി എന്നീ സഹകരണ പരിശീലന കോളജുകളിലും ലഭിക്കും.
അപേക്ഷകർ എസ്എസ്എൽസി/തത്തുല്യമായ സർക്കാർ അംഗീകരിച്ചിട്ടുളള പരീക്ഷ പാസാകണം. ജൂൺ ഒന്നിന് 16 വയസ് പൂർത്തിയായവരും 40 വയസ് കഴിഞ്ഞിട്ടില്ലാത്തവരുമായിരിക്കണം. പട്ടികജാതി/പട്ടികവർഗ വിഭാഗക്കാർക്ക് 45, ഒബിസി വിഭാഗക്കാർക്ക് 43 വയസ്. സഹകരണ സംഘം ജീവനക്കാർക്ക് ഉയർന്ന പ്രായപരിധി ബാധകമല്ല.
ജനറൽ, പട്ടികജാതി/പട്ടികവർഗം, സഹകരണ സംഘം ജീവനക്കാർ എന്നീ മൂന്ന് വിഭാഗങ്ങളിലേക്കുളള അപേക്ഷാഫോം പ്രത്യേകം ലഭിക്കും. അപേക്ഷാഫോം തിരുവനന്തപുരം (04712436689), കൊട്ടാരക്കര (04742454787), ആറൻമുള (04682278140), ചേർത്തല (04782813070), കോട്ടയം (04812564738), പാല (04822213107), ഇടുക്കി(04868234311), നോർത്ത് പറവൂർ ( 04842447866), തൃശൂർ (04872380462), പാലക്കാട് (04912522946), തിരൂർ (04942423929), കോഴിക്കോട് (04952702095), തലശേരി (04902354065), കണ്ണൂർ (04972706790), വയനാട് (കരണി, 04936289725), കാസർകോട് (മുന്നാട്, ചെങ്കള 04994207350) എന്നീ സ്ഥലങ്ങളിലെ സഹകരണ കേന്ദ്രങ്ങളിൽ/കോളജുകളിൽനിന്നു ലഭിക്കും.പൂരിപ്പിച്ച അപേക്ഷാഫോം, പരിശീലന കേന്ദ്രം/കോളജ് പ്രിൻസിപ്പലിന് മാർച്ച് 30നു മുൻപായി ലഭിക്കണം.