ഒന്നാം സെമസ്റ്റർ എംപി എഡ് പരീക്ഷകൾ 21ന് നടക്കും
ഫെബ്രുവരി 18ന് നടത്താനിരുന്ന ഒന്നാം സെമസ്റ്റർ എംപി.എഡ് (2018 അഡ്മിഷൻ റഗുലർ, സപ്ലിമെന്ററി) പരീക്ഷകൾ 21ന് നടക്കും. 18ന് സ്കൂൾ ഓഫ് ഇന്ത്യൻ ലീഗൽ തോട്ടിൽ നടത്താനിരുന്ന അഞ്ചാം വർഷ ബിബിഎ എൽഎൽബി (ഓണേഴ്സ്) റഗുലർ, സപ്ലിമെന്ററി പരീക്ഷകൾ 22ന് നടക്കും. 18ന് നടത്താനിരുന്ന ഏഴാം സെമസ്റ്റർ ബിഎച്ച്എം (2015 അഡ്മിഷൻ റഗുലർ, 2013, 2014 അഡ്മിഷൻ സപ്ലിമെന്ററി), മൂന്നാം സെമസ്റ്റർ എംബിഎ ടൈം (2017 അഡ്മിഷൻ റഗുലർ, 2015, 2016 അഡ്മിഷൻ സപ്ലിമെന്ററി) പരീക്ഷകൾ യഥാക്രമം 22, 25 തീയതികളിൽ നടക്കും. മറ്റു പരീക്ഷകളുടെ തീയതി, സമയം, പരീക്ഷകേന്ദ്രം എന്നിവയ്ക്കു മാറ്റമില്ല.
പ്രാക്ടിക്കൽ
നാലാം സെമസ്റ്റർ ബിവോക് ഫാഷൻ ടെക്നോളജി (2016 അഡ്മിഷൻ റഗുലർ, 2014, 2015 അഡ്മിഷൻ സപ്ലിമെന്ററി) നവംബർ 2018 പരീക്ഷയുടെ പ്രാക്്ടിക്കൽ 21 മുതൽ തുടങ്ങും. ടൈംടേബിൾ വെബ്സൈറ്റിൽ.
എം.ഫിൽ പരീക്ഷ 28ന്
സ്കൂൾ ഓഫ് ലെറ്റേഴ്സിലെ 201819 വർഷത്തെ എംഫിൽ മലയാളം, ഇംഗ്ലീഷ്, തിയേറ്റർ ആർട്സ് വിഷയങ്ങളിലെ പ്രവേശന പരീക്ഷ ഫെബ്രുവരി 28നു പഠനവകുപ്പിൽ നടക്കും. തുടർന്ന് അഭിമുഖവും നടക്കും. 04812731041.
സീറ്റൊഴിവ്
സ്കൂൾ ഓഫ് ബയോസയൻസസിലെ എംഫിൽ ബയോസയൻസസ് പ്രോഗ്രാമിൽ പട്ടികവർഗ (എസ്ടി) വിഭാഗത്തിൽ ഒരു സീറ്റൊഴിവുണ്ട്. അസൽ സർട്ടിഫിക്കറ്റുകളുമായി 22ന് രാവിലെ 10ന് പഠനവകുപ്പിൽ എത്തണം.
പ്രിൻസിപ്പൽമാരുടെ യോഗം 23ന്
യുജി, പിജി പരീക്ഷകളുടെ ഓണ്ലൈൻ ചോദ്യപേപ്പർ ട്രാൻസാക്ഷൻ, സിവി ക്യാന്പ് ടീച്ചേഴ്സ് പോർട്ടൽ എന്നിവ ചർച്ച ചെയ്യാനായി എല്ലാ അഫിലിയേറ്റഡ് ആർട്ട്സ് ആൻഡ് സയൻസ് കോളജുകളിലെയും പ്രിൻസിപ്പൽമാരുടെ സംയുക്തയോഗം 23ന് നടക്കും.
മാതൃഭാഷാ പ്രതിജ്ഞ
മാതൃഭാഷാദിനമായ ഇന്നു എംജി സർവകലാശാലയ്ക്കു കീഴിലുള്ള കോളജുകളിലും പഠന വകുപ്പുകളിലും അധ്യാപകരും വിദ്യാർഥികളും മാതൃഭാഷാ പ്രതിജ്ഞയെടുക്കും.