ഇന്നു മുതൽ നടത്താനിരുന്ന ഒൻപതാം സെമസ്റ്റർ ഇന്‍റഗ്രേറ്റഡ് ബിഎ എൽഎൽബി/ബികോം എൽഎൽബി/ബിബിഎ എൽഎൽബി പരീക്ഷകൾ മാർച്ച് എട്ടു മുതൽ നടത്തും. വിശദവിവരങ്ങൾ വെബ്സൈറ്റിൽ.
25ന് നടത്താനിരുന്ന ബിഎ/ബിഎസ്സി ആന്വൽ സ്കീം പാർട്ട് ഒന്ന് ഇംഗ്ലീഷ് പേപ്പർ ഒന്ന് (പ്രോസ്) പരീക്ഷ മാർച്ച് എട്ടിലേക്ക് മാറ്റി. പരീക്ഷാ കേന്ദ്രങ്ങൾക്കും മറ്റു പരീക്ഷകൾക്കും മാറ്റമില്ല.
പ്രാക്ടിക്കൽ
2018 ഡിസംബറിൽ നടത്തിയ കരിയർ റിലേറ്റഡ് സിബിസിഎസ്എസ് അഞ്ചാം സെമസ്റ്റർ ബിഎസ്സി ഫിസിക്സ് ആന്‍റ് കന്പ്യൂട്ടർ ആപ്ലിക്കേഷൻസിന്‍റെ പ്രോഗ്രാമിംഗ് ലാബ് മൂന്ന് പരീക്ഷ 27, 28 തീയതികളിലും ബിഎസ്സി കെമിസ്ട്രി ആൻഡ് ഇൻഡസ്ട്രിയൽ കെമിസ്ട്രിയുടെ ഇൻഡസ്ട്രിയൽ കെമിസ്ട്രി ലാബ് മൂന്ന് പരീക്ഷ 26, 27 തീയതികളിലും അതതു പരീക്ഷാ കേന്ദ്രങ്ങളിൽ നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാഫലം
2018 ഒക്ടോബറിൽ നടത്തിയ രണ്ടാം സെമസ്റ്റർ എംഎസ്‌സി കന്പ്യൂട്ടർ സയൻസ്, സുവോളജി, കെമിസ്ട്രി, മെഡിസിനൽ കെമിസ്ട്രി, അനലിറ്റിക്കൽ കെമിസ്ട്രി, അപ്ലൈഡ് കെമിസ്ട്രി, ബോട്ടണി എന്നീ പരീക്ഷകളുടെ ഫലം വെബ്സൈറ്റിൽ.
2019 ജനുവരിയിൽ നടത്തിയ എംഡിഎസ് പാർട്ട് രണ്ട് (ഓറൽ പത്തോളജി & മൈക്രോബയോളജി) പരീക്ഷാഫലം പ്രസിദ്ധീകരിച്ചു.
ഗ്രേസ് മാർക്കിന് അപേക്ഷിക്കാം
2014 2017 അധ്യയന വർഷത്തിലെ (എഫ്ഡിപി സിബിസിഎസ്) ഗ്രേസ് മാർക്കിന് അർഹരായ വിദ്യാർഥികൾ (എൻഎസ്എസ്, എൻസിസി, സ്പോർട്സ് മുതലായവ) ഗ്രേസ് മാർക്ക് ലഭിക്കുന്നതിനാവശ്യമായ നടപടിക്രമങ്ങൾ കോളജ് തലത്തിലും ഗ്രേസ്മാർക്ക് ശിപാർശ ചെയ്യേണ്ട അതാത് വിഭാഗങ്ങളുടെ ഓഫീസിൽ നിന്നുമുളള നടപടിക്രമങ്ങൾ പൂർത്തിയാക്കി സർവകലാശാല കണ്ട്രോളർക്ക് മാർച്ച് 20 നു മുൻപായി സമർപ്പിക്കണം. നിശ്ചിത തീയതിയ്ക്ക് ശേഷം ലഭിക്കുന്ന അപേക്ഷകൾ പരിഗണിക്കുന്നതല്ല.
തീയതി നീട്ടി
സെന്‍റർ ഫോർ അഡൾട്ട് കണ്ടിന്യൂയിംഗ് എജ്യൂക്കേഷൻ എക്സ്റ്റൻഷനു കീഴിൽ പാങ്ങോട് മന്നാനിയ കോളജ് ഓഫ് ആർട്സ് & സയൻസിൽ നടത്തി വരുന്ന ലൈബ്രറി സയൻസ് സർട്ടിഫിക്കറ്റ് കോഴ്സിലേയ്ക്ക് അപേക്ഷകൾ സ്വീകരിക്കുന്ന അവസാന തീയതി മാർച്ച് 15 വരെ നീട്ടി. യോഗ്യത: പ്ലസ്ടു, ക്ലാസ് അവധി ദിവസങ്ങളിൽ. വിശദവിവരങ്ങൾക്ക്: 9048538210
സെന്‍റർ ഫോർ ട്രാൻസ്ലേഷൻ ആൻഡ് ട്രാൻസ്ലേഷൻ സ്റ്റഡീസ് നടത്തുന്ന ഡിപ്ലോമ ഇൻ ട്രാൻസ്ലേഷൻ സ്റ്റഡീസിലേയ്ക്ക് അപേക്ഷകൾ സ്വീകരിക്കുന്ന അവസാന തീയതി 28 വരെ നീട്ടി. യോഗ്യത: 50 ശതമാനം മാർക്കോടെയുളള അംഗീകൃത സർവകലാശാല ബിരുദം. അതോടൊപ്പം അപേക്ഷകർ ബിരുദ തലത്തിൽ ഹിന്ദി രണ്ടാംഭാഷയായി പഠിച്ചിട്ടുളളവരോ, അതല്ലെങ്കിൽ മറ്റേതെങ്കിലും സ്ഥാപനം നടത്തുന്ന ഹിന്ദി പരീക്ഷ പാസായിട്ടുളളവരോ ആയിരിക്കണം. കൂടുതൽ വിവരങ്ങൾക്ക്: 9207639544, 9349439544
പുതുക്കിയ ഇന്‍റർവ്യൂ തീയതി
ബോട്ടണി വിഭാഗത്തിൽ കരാർ അടിസ്ഥാനത്തിൽ ഗ്രാജ്വേറ്റ് ഫീൽഡ് അസിസ്റ്റന്‍റിനെ നിയമിക്കുന്നതിനായി 26ന് നടത്താനിരുന്ന ഇന്‍റർവ്യൂ മാർച്ച് ഒന്നിന് ഉച്ചയ്ക്ക് 12മുതൽ നടത്തും. വിശദവിവരങ്ങൾക്ക്: 0471 2386426