18 ന് നടത്താനിരുന്ന നാലാം സെമസ്റ്റർ ബിബിഎ (വിദൂരവിദ്യാഭ്യാസം) സപ്ലിമെന്‍ററി ക്യാപിറ്റൽ മാർക്കറ്റ് & ഇൻവെസ്റ്റ്മെന്‍റ് മാനേജ്മെന്‍റ് പരീക്ഷ 28 ന് നടത്തുന്നതാണ്. പരീക്ഷാകേന്ദ്രത്തിനും സമയത്തിനും മാറ്റമില്ല.
പരീക്ഷ മാറ്റി
25 ന് നടത്താനിരുന്ന നാലാം സെമസ്റ്റർ എംഎഫ്എ (പെയിന്‍റിംഗ് & സ്കൾപ്പ്ച്ചർ) പരീക്ഷകൾ മാറ്റി. പുതുക്കിയ തീയതി പിന്നീട്.
ടൈംടേബിൾ
ഒന്നാം വർഷം, നാലാം വർഷ ബിഎഫ്എ പരീക്ഷകൾ യഥാക്രമം മാർച്ച് 13, മാർച്ച് ഒന്ന് ആരംഭിക്കുന്നതാണ്. വിശദമായ ടൈംടേബിൾ വെബ്സൈറ്റിൽ.
പരീക്ഷാകേന്ദ്രം
27 ന് ആരംഭിക്കുന്ന ഒന്നാം സെമസ്റ്റർ തുടങ്ങിയുളള എല്ലാ എംബിഎ പരീക്ഷകൾക്കും സിഇടി തിരുവനന്തപുരം അപേക്ഷിച്ചവർ ഐഎംകെ കാര്യവട്ടത്തും, ടികെഎം കോളജ് ഓഫ് എൻജിനിയറിംഗ്, ബിഷപ് ജെറോം ഇൻസ്റ്റിറ്റ്യൂട്ട്, കൊല്ലം അപേക്ഷിച്ചവർ യുഐഎം മുണ്ട ക്കലും, ലൂർദ് മാതാ കോളജ്, കുറ്റിച്ചൽ അപേക്ഷിച്ചവർ കിക്മ നെയ്യാർഡാമിലും, മോഹൻദാസ് കോളജ് ഓഫ് എൻജിനിയറിംഗ്, നെടുമങ്ങാട് അപേക്ഷിച്ചവർ യുഐഎം പൂജപ്പുരയിലും, രാജധാനി ഇൻസ്റ്റിറ്റ്യൂട്ട് ഓഫ് എൻജിനിയറിംഗ് അപേക്ഷിച്ചവർ യുഐഎം വർക്കലയിലും, എസ്എൻ ഇൻസ്റ്റിറ്റ്യൂട്ട് ഓഫ് ടെക്നോളജി, അടൂർ അപേക്ഷിച്ചവർ യുഐഎം ഏഴംകുളത്തും പരീക്ഷ എഴുതേണ്ട താണ്. ഹാൾടിക്കറ്റുകൾ കോഴ്സ് പഠിച്ച കോളജിൽ നിന്നും കൈപ്പറ്റേണ്ട താണ്.
പരീക്ഷാഫലം
ഒക്ടോബറിൽ നടത്തിയ രണ്ടാം സെമസ്റ്റർ എംകോം പരീക്ഷാഫലം വെബ്സൈറ്റിൽ.
തുടർ വിദ്യാഭ്യാസ വ്യാപന കേന്ദ്രം കാഞ്ഞിരംകുളം കെഎൻഎം ഗവ.കോളജ്, കാട്ടാക്കട ക്രിസ്റ്റ്യൻ കോളജ്, സിഎസിഇഇ കേന്ദ്രം എന്നിവിടങ്ങളിൽ നടത്തിയ സിഎൽഐഎസ്‌സി പരീക്ഷാഫലം പ്രസിദ്ധപ്പെടുത്തി. എസ്. ദീപ (രജി.നം 12091) ഒന്നാം റാങ്ക് നേടി
ഇന്‍റേണൽ മാർക്ക് മെച്ചപ്പെടുത്താം
ബിടെക് ഡിഗ്രി കോഴ്സ് (2013 അഡ്മിഷൻ) അഞ്ച് വർഷം പൂർത്തിയാക്കിയ പരാജയപ്പെട്ടവർ ഈവൻ സെമസ്റ്ററുകളുടെ ഇന്‍റേണൽ മാർക്ക് മെച്ചപ്പെടുത്താൻ അപേക്ഷ നൽകുന്നതിനുളള അവസാന തീയതി മാർച്ച് ആറു വരെ ദീർഘിപ്പിച്ചു.
2013 അഡ്മിഷൻ പാർട്ട് ടൈം വിദ്യാർഥികൾക്കും അപേക്ഷിക്കാം. അപേക്ഷയോടൊപ്പം 700 രൂപ ഫീസ് ഓരോ സെമസ്റ്ററിലും അടയ്ക്കണം. അപേഷയുടെ പകർപ്പും വിശദവിവരങ്ങളും വെബ്സൈറ്റിൽ. നിശ്ചിത തീയതിക്ക് ശേഷം ലഭിക്കുന്ന അപേക്ഷകൾ നിരസിക്കും.
അദാലത്ത്
26 ന് രാവിലെ 10 മണിയ്ക്ക് സെനറ്റ് ഹൗസ് കാന്പസിൽ അദാലത്ത് നടത്തുന്നു. അപേക്ഷകൾ ഓണ്‍ലൈനായി 25 ന് വൈകുന്നേരം അഞ്ചു വരെ
സമർപ്പിക്കാം. അദാലത്തിനായി ഓണ്‍ലൈനിലൂടെ പരാതികൾ സമർപ്പിച്ച അപേക്ഷകർ രാവിലെ 9.30 മണിക്ക് സെനറ്റ് ഹൗസ് ക്യന്പസ്, പാളയത്ത് ഹാജരാകണം.
ഐഡിയ ഡേ
സർവകലാശാലയുടെ ടെക്നോളജി ബിസിനസ് സ്റ്റാർട്ടപ്പ് സെന്‍ററും കേരള സ്റ്റാർട്ടപ്പ് മിഷനും സംയുക്തമായി ആശയദിനം (ഐഡിയ ഡേ) ആചരിക്കുന്നു. വിദ്യാർഥികളുടെയും ഗവേഷകരുടെയും നൂതന ആശയങ്ങൾ ശേഖരിക്കുകയും അവയെ സ്റ്റാർട്ടപ്പ് എന്ന രൂപത്തിൽ നടപ്പിലാക്കാനുള്ള സാധ്യത പരിശോധിക്കുകയുമായിരിക്കും ലക്ഷ്യം. കോജ്/സർവകലാശാല പഠന വിഭാഗം വിദ്യാർഥികൾ/ഗവേഷകർ എന്നിവർക്ക് ആശയങ്ങൾ സമർപ്പിക്കാം. അവസാന തീയതി മാർച്ച് മൂന്ന്.