മാർച്ച് ഒന്നിന് നടത്താനിരുന്ന മൂന്നാം സെമസ്റ്റർ എംഎസ്സി കെമിസ്ട്രി/അപ്ലൈഡ് കെമിസ്ട്രി/മെഡിസിനൽ കെമിസ്ട്രി/അനലിറ്റിക്കൽ കെമിസ്ട്രി (റഗുലർ ആൻഡ് സപ്ലിമെന്ററി) എന്നീ വിഷയങ്ങളുടെ ഒന്നാം പേപ്പറായ (എച്ച് 231) ഇൻ ഓർഗാനിക് കെമിസ്ട്രി മൂന്ന് പരീക്ഷ (2016 അഡ്മിഷൻ മുതൽ) 11ന് നടത്തും. മറ്റു പരീക്ഷകൾക്കു മാറ്റമില്ല.
പ്രാക്ടിക്കൽ & വൈവാ വോസി
വിദൂര വിദ്യാഭ്യാസ വിഭാഗം 2018 നവംബർ/ഡിസംബർ, 2019 ജനുവരി/ഫെബ്രുവരി മാസങ്ങളിൽ നടത്തിയ എംഎ മ്യൂസിക് പ്രീവിയസ് ഫൈനൽ പ്രാക്ടിക്കൽ, വൈവാ വോസി പരീക്ഷകൾ മാർച്ച് 18 മുതൽ 28 വരെ തൈക്കാട് സർവകലാശാലയുടെ മ്യൂസിക് ഡിപ്പാർട്ട്മെന്റിൽ നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാഫലം
2018 മാർച്ച് / ഏപ്രിൽ മാസത്തിൽ നടത്തിയ ബികോം ഡിഗ്രി (ആന്വൽ സ്കീം) ഒന്നും, രണ്ടും വർഷ പരീക്ഷാഫലം പ്രസിദ്ധീകരിച്ചു. പുനർ മൂല്യ നിർണയത്തിനും, സൂക്ഷ്മ പരിശോധനയ്ക്കും 25 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പരീക്ഷാകേന്ദ്രം
മാർച്ച് 15 ന് ആരംഭിക്കുന്ന അഞ്ചാം സെമസ്റ്റർ ബിഎ/ബിഎസ്സി/ബികോം (സിബിസിഎസ് എഫ്ഡിപി 2010, 2011 അഡ്മിഷൻ മേഴ്സി ചാൻസ് 2012 അഡ്മിഷൻ സപ്ലിമെന്ററി) പരീക്ഷകൾക്ക് തിരുവനന്തപുരം ജില്ല എംജി കോളജ്, കൊല്ലം ജില്ല ടി.കെ.എം കോളജ് ഓഫ് ആർട്സ് & സയൻസ്, ആലപ്പുഴയും പത്തനംതിട്ടയും എസ്ഡി കോളജ്, ആലപ്പുഴ എന്നിങ്ങനെ പരീക്ഷാകേന്ദ്രങ്ങൾ പരിമിതപ്പെടുത്തിയിരിക്കുന്നു. വിദ്യാർഥികൾ പരീക്ഷാ കേന്ദ്രമായി രജിസ്റ്റർ ചെയ്ത കോളജുകളിൽ നിന്നും ഹാൾടിക്കറ്റ് കൈപ്പറ്റി മേൽപ്പറഞ്ഞ നിർദിഷ്ട പരീക്ഷാ കേന്ദ്രങ്ങളിൽ പരീക്ഷ എഴുതണം. കൂടുതൽ വിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
പരീക്ഷാഫീസ്
ഏപ്രിൽ ഒന്നു മുതൽ ആരംഭിക്കുന്ന ആറാം സെമസ്റ്റർ സിബിസിഎസ് ഫസ്റ്റ് ഡിഗ്രി പ്രോഗ്രാം ബിഎ/ബിഎസ്സി/ബികോം (2016 അഡ്മിഷൻ റഗുലർ, 2013, 2014, 2015 അഡ്മിഷൻ സപ്ലിമെന്ററി) പരീക്ഷകൾക്ക് മാർച്ച് എട്ടുവരെയും 50 രൂപ പിഴയോടെ മാർച്ച് 13 വരെയും 125 രൂപ പിഴയോടെ മാർച്ച് 15 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ഏപ്രിലിൽ ആരംഭിക്കുന്ന ഒന്നാം സെമസ്റ്റർ, മൂന്നാം സെമസ്റ്റർ (2011 സ്കീം) സപ്ലിമെന്ററി (2013 & 2014 അഡ്മിഷൻസ്) എംസിഎ പരീക്ഷകളുടെ ഓണ്ലൈൻ രജിസ്ട്രേഷൻ ഇന്ന് ആരംഭിക്കും. പരീക്ഷകൾക്ക് മാർച്ച് 11 വരെയും 50 രൂപ പിഴയോടെ മാർച്ച് 13 വരെയും 125 രൂപ പിഴയോടെ മാർച്ച് 15 വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ഇന്റർവ്യൂ
ബോട്ടണി വിഭാഗത്തിൽ കരാർ അടിസ്ഥാനത്തിൽ ഗ്രാജുവേറ്റ് ഫീൽഡ് അസിസ്റ്റന്റിനെ നിയമിക്കുന്നതിനായി മാർച്ച് ഒന്നിന് നടത്താനിരുന്ന ഇന്റർവ്യു മാർച്ച് രണ്ടിന് രാവിലെ 10.30 മുതൽ നടത്തും. വിശദവിവരങ്ങൾ വെബ്സൈറ്റിൽ. ഫോണ്: 0471 2386426.