റിവൈസ്ഡ് നാക് അക്രിഡിറ്റേഷന്‍ ഫ്രെയിം വര്‍ക്ക്: ദ്വിദിന ശില്‍പ്പശാല
തേഞ്ഞിപ്പലം: ഇന്‍റേണല്‍ ക്വാളിറ്റി അഷ്വറന്‍സ് സെല്ലിന്‍റെ (ഐക്യുഎസി) ആഭിമുഖ്യത്തില്‍ സര്‍വകലാശാലാ പഠനവകുപ്പിലെ അധ്യാപകര്‍ക്കും അഫിലിയേറ്റഡ് കോളജുകളിലെ പ്രിന്‍സിപ്പല്‍/ഐക്യുഎസി കോഓര്‍ഡിനേറ്റര്‍മാര്‍ക്കും റിവൈസ്ഡ് അക്രഡിറ്റേഷന്‍ ഫ്രെയിം വര്‍ക്ക് ഓഫ് നാക് ആൻഡ് ക്വാളിറ്റി സിസ്റ്റം ഇന്‍ ഹയര്‍ എഡ്യുക്കേഷന്‍ എന്ന വിഷയത്തില്‍ അഞ്ച്, ആറ് തിയതികളില്‍ ഇഎംഎസ് സെമിനാര്‍ കോപ്ലക്സില്‍ ശില്‍പശാല സംഘടിപ്പിക്കും. പങ്കെടുക്കുനന്നതിന് http://events.uoc.ac.in/iqac എന്ന ലിങ്കില്‍ ഓണ്‍ലെന്‍ ആയി രജിസ്റ്റര്‍ ചെയ്യണം.
ജല പരിശോധനാ ലബോറട്ടറി ഉദ്ഘാടനം ആറിന്
തേഞ്ഞിപ്പലം: കെമിസ്ട്രി പഠനവകുപ്പില്‍ ജല പരിശോധനാ ലബോറട്ടറിയുടെ ഉദ്ഘാടനം ആറിന് വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ നിര്‍വഹിക്കും. രാവിലെ 10.30ന് ആര്യഭട്ട ഹാളില്‍ നടക്കുന്ന പരിപാടിയില്‍ കോഴിക്കോട് സിഡബ്ല്യൂആര്‍ഡിഎമ്മിലെ രജിസ്ട്രാര്‍ ആൻഡ് പ്രിന്‍സിപ്പല്‍ സയന്‍റിസ്റ്റ് ഡോ.പി.എസ്. ഹരികുമാര്‍ മുഖ്യപ്രഭാഷണം നടത്തും.
അഖിലേന്ത്യാ സോഫ്റ്റ് ബോള്‍ വനിതാ ചാമ്പ്യന്‍ഷിപ്പ് ഇന്ന് മുതല്‍; കാലിക്കട്ടിനെ പി.എസ്. ശ്രീജ നയിക്കും
തേഞ്ഞിപ്പലം: അഖിലേന്ത്യാ അന്തര്‍ സര്‍വകലാശാലാ സോഫ്റ്റ് ബോള്‍ വനിതാ ചാമ്പ്യന്‍ഷിപ്പിന് കാലിക്കട്ട് സര്‍വകലാശാലാ സ്റ്റേഡിയത്തില്‍ ഇന്ന് രാവിലെ 7.30ന് തുടക്കമാകും. ഈ വര്‍ഷത്തെ അഞ്ചാമത്തെ അഖിലേന്ത്യാ മത്സരത്തിനാണ് കാലിക്കട്ട് സര്‍വകലാശാല ആതിഥ്യം വഹിക്കുന്നത്. പ്രത്യേകം സജ്ജമാക്കിയ മൂന്ന് ഗ്രൗണ്ടുകളിലായാണ് മത്സരങ്ങള്‍.
രാജ്യത്തെ 73 സര്‍വകലാശാലകളില്‍ നിന്നായി 1500 താരങ്ങള്‍ പങ്കെടുക്കും. ചാമ്പ്യന്‍ഷിപ്പിന്‍റെ ഉദ്ഘാടനം വൈകുന്നേരം നാലിന് മന്ത്രി ഡോ.കെ.ടി.ജലീല്‍ നിര്‍വഹിക്കും. വൈസ് ചാന്‍സലര്‍ ഡോ.കെ.മുഹമ്മദ് ബഷീര്‍ അധ്യക്ഷത വഹിക്കും. ചാമ്പ്യന്‍ഷിപ്പ് അഞ്ചിന് സമാപിക്കുമെന്ന് കായിക വിഭാഗം ഡയറക്ടര്‍ ഡോ.വി.പി. സക്കീര്‍ ഹുസൈന്‍ അറിയിച്ചു.
കാലിക്കട്ട് സർവകലാശാല ടീമിനെ ബിപിഎഡ് ഒന്നാം വര്‍ഷ വിദ്യാര്‍ഥി പി.എസ്. ശ്രീജ നയിക്കും. മറ്റ് ടീമംഗങ്ങള്‍: കെ.സി.ശരണ്യ, അനിഷ ഷാജി, റിന്‍റ ചെറിയാന്‍, ശില്‍പ കാതറിന്‍, മേരി അക്ഷയ, ചെല്‍സിയ ജോണ്‍സണ്‍ (സര്‍വകലാശാലാ കായിക പഠനവിഭാഗം), എന്‍. അക്ഷയ, എ. നിത്യ, ആര്‍. രംഗീല, വി. നീതു (പാലക്കാട് മേഴ്സി കോളജ്), കെ.അനഘ, ടി.സ്നേഹ (തൃശൂര്‍ വിമല കോളജ്), ബ്ലസി ബാബു, സി.കെ.അതുല്യ, എം.എസ്.ശ്രുതി, കെ.കെ. സന ജിന്‍സിയ (ഫാറൂഖ് കോളജ്), എ.കെ. അഭിലാഷ (കല്‍പ്പറ്റ എന്‍എംഎസ്എം ഗവണ്‍മെന്‍റ് കോളജ്). സര്‍വകലാശാലാ കായിക വിഭാഗത്തിലെ ജെ. കീര്‍ത്തനാണ് കോച്ച്. വി.പി.അജ്നാസ് അസിസ്റ്റന്‍റ് കോച്ചും എം.എസ്. ഇന്ദു ടീം മാനേജരുമാണ്.