ആറിന് ആരംഭിക്കുന്ന വിദൂരവിദ്യാഭ്യാസം രണ്ടാം സെമസ്റ്റർ ബിഐഡി സപ്ലിമെന്‍ററി/ഇംപ്രൂവ്മെന്‍റ് പരീക്ഷയുടെ ഹാൾടിക്കറ്റ് വെബ്സൈറ്റിൽ.
പരീക്ഷാഫലം 2018 ഡിസംബറിൽ നടത്തിയ ഒന്നാം സെമസ്റ്റർ എംഎ ഹിന്ദി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 12 വരെ അപേക്ഷിക്കാം.
മീഡിയ പഠനത്തിൽ റിഫ്രഷർ പ്രോഗ്രാം തുടങ്ങി കാലിക്കട്ട് സർവകലാശാലാ യുജിസി ഹ്യൂമണ്‍ റിസോഴ്സ് ഡവലപ്മെന്‍റ് കേന്ദ്രത്തിൽ കേരളത്തിലെ കോളജ്/സർവകലാശാലാ അധ്യാപകർക്ക് വേണ്ടി മീഡിയ പഠനത്തിൽ നടത്തുന്ന റിഫ്രഷർ പ്രോഗ്രാം ആരംഭിച്ചു. പഠിക്കാനും പഠിപ്പിക്കാനും ഇലക്ട്രോണിക്, വിഷ്വൽ മീഡിയകൾ എങ്ങിനെ ഉപയോഗപ്പെടുത്താമെന്നതാണ് 21 ദിവസത്തെ പ്രോഗ്രാമിലൂടെ ലക്ഷ്യമിടുന്നത്. ഉദ്ഘാടന സെഷനിൽ ഡയറക്ടർ ഡോ. ജോസഫ്, ജേർണലിസം പഠനവകുപ്പ് മേധാവി ഡോ. എൻ. മുഹമ്മദാലി തുടങ്ങിയവർ പ്രസംഗിച്ചു.
വോട്ടർപട്ടിക പ്രസിദ്ധീകരിച്ചു കാലിക്കട്ട് സർവകലാശാലയുടെ ജനുവരി 30 ലെ വിജ്ഞാപന പ്രകാരം അക്കഡേമിക് കൗണ്‍സിൽ തെരഞ്ഞെടുപ്പിന് മുന്നോടിയായി വിവിധ മണ്ഡലങ്ങളിലെ കരട് വോട്ടർ പട്ടികകൾ പ്രസിദ്ധീകരിച്ചു. ഇത് സംബന്ധിച്ച് തിരുത്തലുകൾക്കും കൂട്ടിച്ചേർക്കലുകൾക്കും 15 ദിവസത്തിനുള്ളിൽ രജിസ്ട്രാർ ആൻഡ് റിട്ടേണിംഗ് ഓഫീസർ, കാലിക്കട്ട് സർവകലാശാല എന്ന വിലാസത്തിൽ അറിയിക്കണം. കരട് വോട്ടർപട്ടികയുടെ പകർപ്പ് സർവകലാശാലാ വെബ്സൈറ്റിൽ ലഭ്യമാണ്. ഒരു പേജിന് 20 രൂപ നിരക്കിൽ പകർപ്പ് സർവകലാശാലയിൽ നിന്നും ലഭിക്കും.
സെമിനാറിൽ പങ്കെടുക്കാം കാലിക്കട്ട് സർവകലാശാലാ ഇസ്ലാമിക് ചെയർ 20, 21 തിയതികളിൽ മലബാറിലെ മുസ്ലിം വിദ്യാഭ്യാസ ശാക്തീകരണത്തിൽ കാലിക്കട്ട് സർവകലാശാലയുടെയും അതിന് കീഴിലുള്ള സ്ഥാപനങ്ങളുടെയും പങ്ക് എന്ന വിഷയത്തിൽ സംഘടിപ്പിക്കുന്ന സെമിനാറിൽ പങ്കെടുക്കുന്നതിന് രജിസ്റ്റർ ചെയ്യാം. സർവകലാശാലാ സെമിനാർ കോംപ്ലക്സിലാണ് പരിപാടി.
[email protected] എന്ന ഇമെയിലിൽ പത്തിനകം പ്രബന്ധത്തിന്‍റെ രത്നച്ചുരുക്കം അയയ്ക്കണം. ഫോണ്: 8113815263.
പ്രഫഷണൽ ഡവലപ്മെന്‍റ് പ്രോഗ്രാം കാലിക്കട്ട് സർവകലാശാലാ വിദ്യാഭ്യാസ വിഭാഗത്തിന് കേന്ദ്ര മാനവശേഷി വികസന വകുപ്പ് അനുവദിച്ച അധ്യാപക പരിശീലന കേന്ദ്രത്തിൽ സർവകലാശാലാ/കോളേജ് ശാസ്ത്ര, സാമൂഹിക ശാസ്ത്ര വിഭാഗം അധ്യാപകർക്ക് 21 മുതൽ മാർച്ച് 27 വരെ പ്രഫഷണൽ ഡവലപ്മെന്‍റ് എന്ന വിഷയത്തിൽ പരിശീലനം സംഘടിപ്പിക്കുന്നു. അപേക്ഷ സ്വീകരിക്കുന്ന അവസാന തിയതി 15. അപേക്ഷാ ഫോമും മറ്റ് വിവരങ്ങളും വെബ്സൈറ്റിൽ. ഫോണ്: 9495657594, 9446244359.