മാർച്ചിൽ ആരംഭിക്കുന്ന മൂന്ന്, അഞ്ച് സെമസ്റ്റർ ബിആർക്ക് പരീക്ഷയുടേയും (2008 സ്കീം) അഞ്ചാം സെമസ്റ്റർ ബിആർക്ക് (2013 സ്കീം) പരീക്ഷയുടേയും ടൈംടേബിൾ വെബ്സൈറ്റിൽ.
13ന് ആരംഭിക്കുന്ന നാലാം സെമസ്റ്റർ എംസിഎ (2011 (സ്കീം) സപ്ലിമെന്ററി പരീക്ഷയുടെ ടൈംടേബിൾ വെബ്സൈറ്റിൽ.
സൂഷ്മ പരിശോധനയും പുന: പരിശോധനയും
ബികോം ഡിഗ്രി (ആന്വൽ) ഒന്നാം വർഷ റഗുലർ & ഇംപ്രൂവ്മെന്റ് വിദ്യാർഥികളും, രണ്ടാം വർഷ റഗുലർ പാർട്ട് ഒന്നും രണ്ടും എഴുതിയ ഓണ്ലൈൻ, സപ്ലിമെന്ററി വിദ്യാർഥികളും ഉത്തര കടലാസ് പുന: പരിശോധനയ്ക്കും, സൂക്ഷമ പരിശോധനയ്ക്കും 25 നു മുൻപായി ഓണ്ലൈൻ വഴി അപേക്ഷിക്കണം. മറ്റുളളവർ അപേക്ഷാ ഫോം വഴി നേരിട്ട് അപേക്ഷിക്കണം.
പഠനവൈകല്യക്ലിനിക്ക്
മന:ശാസ്ത്ര വിഭാഗത്തിൽ പഠനവൈകല്യ ക്ലിനിക്ക് കഴിഞ്ഞ പത്തു വർഷമായി പ്രവർത്തിച്ചു വരുന്നുണ്ട്. കുട്ടികളുടെ പഠന, വൈകാരിക, സ്വഭാവ പ്രശ്നങ്ങളെ കണ്ടെത്തുകയും അതിനുവേണ്ട പരിഹാര മാർഗങ്ങൾ നിർദേശിക്കുകയും ഫലപ്രദമായ ഇടപെടൽ നടത്തുകയുമാണ് ക്ലിനിക്കിന്റെ പ്രധാന ലക്ഷ്യം. പഠനവൈകല്യങ്ങളെ കുറിച്ചുളള എംഫിൽ കോഴ്സിന്റെ ഭാഗമായ ഈ സേവനം പൂർണമായും സൗജന്യമാണ്. ഈ വർഷത്തെ പഠനവൈകല്യ നിർണയ ക്യാന്പിനായി 12ന് മുൻപായി രജിസ്റ്റർ ചെയ്യണം. 9447769036, 8891859994, 8113059371. കൂടുതൽ വിവരങ്ങൾക്ക് ഡോ: ബിന്ദു. പി. കോ ഓഡിനേറ്റർ ( പഠനവൈകല്യം) മന:ശാസ്ത്ര വിഭാഗം, കേരള സർവകലാശാല, കാര്യവട്ടം, എന്ന വിലാസത്തിൽ ബന്ധപ്പെടുക.
പൂർവ വിദ്യാർഥി സംഗമം
സോഷ്യോളജി വകുപ്പിന്റെ സുവർണ ജൂബിലിയോടനുബന്ധിച്ച് ശനിയാഴ്ച പൂർവ വിദ്യാർഥി സംഗമം നടത്തുന്നു. 1969 മുതലുള്ള എല്ലാ വിദ്യാർഥികളേയും സ്വാഗതം ചെയ്യുന്നു. ഫോണ്. 9847524317, 8075498636.