കോസ്റ്റ്യൂം ആൻഡ് ഫാഷൻ വിദ്യാർഥികളുടെ ഡിസൈനർ ഷോ 15-ന്
സെന്റർ ഫോർ കോസ്റ്റ്യൂം ആൻഡ് ഫാഷൻ ഡിസൈനിംഗ് വിദ്യാർഥികളുടെ ഫാഷൻ ഉത്പന്നങ്ങളുടെ പ്രദർശനം വൃഷ്ടി 15ന് കോഴിക്കോട് ടാഗോർ സെന്റിനറി ഹാളിൽ നടക്കും. രാവിലെ 10.30ന് വൈസ് ചാൻസലർ ഡോ. കെ. മുഹമ്മദ് ബഷീർ ഉദ്ഘാടനം ചെയ്യും. വിദ്യാർഥികൾ രൂപകൽപ്പന ചെയ്ത വസ്ത്രങ്ങളും ഉത്പ്പന്നങ്ങളും മേളയിൽ പ്രദർശിപ്പിക്കും.
ഒന്നാം സെമസ്റ്റർ പിജി കോണ്ടാക്ട് ക്ലാസ്
വിദൂരവിദ്യാഭ്യാസം ഒന്നാം വർഷ എംഎ, എംഎസ് സി, എംകോം പിജി വിദ്യാർഥികൾക്കുള്ള കോണ്ടാക്ട് ക്ലാസുകൾ 16ന് രാവിലെ 10 മുതൽ നടക്കും. പഠനസാമഗ്രികൾ പിന്നീട് വിതരണം ചെയ്യും. ഷെഡ്യൂൾ വെബ്സൈറ്റിൽ. ഫോണ് : 0494 2407494, 2407356.
പരീക്ഷാ അപേക്ഷ
കാലിക്കട്ട് സർവകലാശാലയുടെ അഫിലിയേറ്റഡ് കോളജുകളിലെ നാലാം സെമസ്റ്റർ ബിഎ/ബിഎസ് സി/ബിഎസ് സി ഇൻ ആൾട്ടർനേറ്റ് പാറ്റേണ്/ബികോം/ബിബിഎ/ബിഎ മൾട്ടിമീഡിയ/ബിസിഎ/ബികോം ഓണേഴ്സ്/ബികോം വൊകേഷണൽ/ബിഎസ്ഡബ്ല്യൂ/ബിടിഎച്ച്എം/ബിവിസി/ബിഎംഎംസി/ബിഎ വിഷ്വൽ കമ്യൂണിക്കേഷൻ/ബിഎച്ച്എ/ബികോം പ്രഫഷണൽ/ബിടിഎഫ്പി/ബിവോക്/ബിടിഎ/ബിഎ ഫിലിം ആൻഡ് ടെലിവിഷൻ/ബിഎ അഫ്സൽഉൽഉലമ പരീക്ഷയ്ക്ക് പിഴകൂടാതെ 25 വരെയും 160 രൂപ പിഴയോടെ 27 വരെയും ഫീസടച്ച് മാർച്ച് 30 വരെ രജിസ്റ്റർ ചെയ്യാം.
ഒന്ന്, രണ്ട് സെമസ്റ്റർ ബിആർക് 2017 സ്കീം2017 മുതൽ പ്രവേശനം റഗുലർ/സപ്ലിമെന്ററി, 2012 സ്കീം2012 മുതൽ 2016 വരെ പ്രവേശനം സപ്ലിമെന്ററി/ഇംപ്രൂവ്മെന്റ്, 2004 സ്കീം2009 മുതൽ 2011 വരെ പ്രവേശനം സപ്ലിമെന്ററി പരീക്ഷകൾക്ക് പിഴകൂടാതെ 23 വരെയും 160 രൂപ പിഴയോടെ 27 വരെയും ഫീസടച്ച് 30 വരെ രജിസ്റ്റർ ചെയ്യാം.
പരീക്ഷ
മൂന്നാം സെമസ്റ്റർ ബിഎഡ് സ്പെഷ്യൽ എഡ്യുക്കേഷൻ (ഹിയറിംഗ് ഇംപയർമെന്റ്ദ്വിവത്സരം2015 സിലബസ് വർഷം) റഗുലർ/സപ്ലിമെന്ററി പരീക്ഷ 26ന് ആരംഭിക്കും.
തൃശൂർ ഗവണ്മെന്റ് കോളജ് ഓഫ് ഫൈൻ ആർട്സിലെ ഒന്ന്, അവസാന വർഷ ബിഎഫ്എ പരീക്ഷ 27ന് ആരംഭിക്കും.
ബിവോക് ഒന്നാം സെമസ്റ്റർ (2018 പ്രവേശനം) ബ്രോഡ്കാസ്റ്റിംഗ് ആൻഡ് ജേണലിസം (സുല്ലമുസ്സലാം സയൻസ് കോളജ്), ബിവോക് ഫാർമസ്യൂട്ടിക്കൽ കെമിസ്ട്രി (ഗുരുവായൂർ ലിറ്റിൽ ഫ്ളവർ കോളജ്) റഗുലർ പരീക്ഷ 26ന് ആരംഭിക്കും.
എൽഎൽബി (ത്രിവത്സരം2008 സ്കീം2013, 2014 പ്രവേശനം) നാലാം സെമസ്റ്റർ സപ്ലിമെന്ററി പരീക്ഷ ഏപ്രിൽ ഒന്നിന് ആരംഭിക്കും.
പരീക്ഷാഫലം
2018 ഏപ്രിലിൽ നടത്തിയ വിദൂരവിദ്യാഭ്യാസം മൂന്ന്, നാല് സെമസ്റ്റർ എംകോം പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 25 വരെ അപേക്ഷിക്കാം.
2018 നവംബറിൽ നടത്തിയ മൂന്നാം സെമസ്റ്റർ എംഎസ് സി അപ്ലൈഡ് പ്ലാന്റ് സയൻസ് (സിസിഎസ്എസ്) പരീക്ഷാഫലം വെബ്സൈറ്റിൽ.
2018 ഏപ്രിലിൽ നടത്തിയ ഒന്നാം സെമസ്റ്റർ എൽഎൽബി യൂണിറ്ററി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 27 വരെ അപേക്ഷിക്കാം.
എക്സാമിനേഴ്സ് മീറ്റിംഗ്
ബിഎസ് സി സുവോളജി ആറാം സെമസ്റ്റർ പ്രാക്ടിക്കൽ പരീക്ഷയുമായി ബന്ധപ്പെട്ട എക്സാമിനേഴ്സ് മീറ്റിംഗിന് കോഴിക്കോട് ജില്ലയിലെ കോളജുകളിലെ സുവോളജി അധ്യാപകർ 20ന് രാവിലെ 10.30ന് മടപ്പള്ളി ഗവണ്മെന്റ് കോളജിൽ ഹാജരാകണം.
ബിഎസ് സി മാത്തമാറ്റിക്സ് ആറാം സെമസ്റ്റർ പ്രോജക്ട്/വൈവ പരീക്ഷയുമായി ബന്ധപ്പെട്ട എക്സാമിനേഴ്സ് മീറ്റിംഗിന് മലപ്പുറം ജില്ലയിലെ കോളജുകളിലെ മാത്തമാറ്റിക്സ് അധ്യാപകർ മാർച്ച് 25ന് രാവിലെ 10.30ന് കൊളത്തൂർ, മങ്കട ഗവണ്മെന്റ് കോളജിൽ ഹാജരാകണം.
ബിഎസ് സി കെമിസ്ട്രി ആറാം സെമസ്റ്റർ പ്രാക്ടിക്കൽ പരീക്ഷയുമായി ബന്ധപ്പെട്ട എക്സാമിനേഴ്സ് മീറ്റിംഗിന് തൃശൂർ ജില്ലയിലെ കോളജുകളിലെ കെമിസ്ട്രി അധ്യാപകർ 26ന് രാവിലെ 10.30ന് തൃശൂർ സെന്റ് തോമസ് കോളജിൽ ഹാജരാകണം.
ഹിന്ദി ദേശീയ സെമിനാറിന് സമാപനം
തേഞ്ഞിപ്പലം: കാലിക്കട്ട് സർവകലാശാലാ ഹിന്ദി പഠനവകുപ്പ് ഹിന്ദിയിലെ നീണ്ട കവിതകൾ എന്ന വിഷയത്തിൽ നടത്തിയ ദ്വിദിന ദേശീയ സെമിനാറിന് സമാപനം. സമാപന ചടങ്ങിൽ കുസാറ്റ് സർവകലാശാലാ ഹിന്ദി പഠനവകുപ്പ് മേധാവി പ്രഫ. കെ. അജിത മുഖ്യാതിഥിയായിരുന്നു. അനുഭവങ്ങളുടെയും വിചാരങ്ങളുടെയും ആഴമാണ് നീണ്ട കവിതയെന്ന് അവർ പറഞ്ഞു. പ്രഭാഖേതാന്റെ അഹല്യ എന്ന കവിതയെ ഉദ്ധരിച്ചുകൊണ്ട് പുരുഷ മേധാവിത്വ സമൂഹത്തിൽ സ്ത്രീ എന്നും കളങ്കിനിയായും പാപിനിയായും ചിത്രീകരിക്കപ്പെടുന്നുവെന്നും സ്വയംബന്ധനത്തിൽ നിന്നും മുക്തയാവാൻ സ്ത്രീ പ്രാപ്തയാവണമെന്നും പ്രഫ.കെ.അജിത പറഞ്ഞു.
ചടങ്ങിൽ പ്രഫ. വി.ജി. മാർഗരറ്റ് അധ്യക്ഷത വഹിച്ചു. പ്രഫ. എൻ.എം. ശ്രീകാന്ത് , പ്രഫ.പി.ജെ. ഹെർമൻ പ്രസംഗിച്ചു. സെമിനാറിൽ കേരളത്തിലെ വിവിധ സർവകലാശാലകളിലെയും കോളജുകളിലെയും വിദഗ്ധർ പ്രബന്ധങ്ങൾ അവതരിപ്പിച്ചു.
ദേശീയ മാധ്യമ ഗവേഷണ സമ്മേളനം
തേഞ്ഞിപ്പലം: നയതന്ത്ര ഭരണരംഗത്തെ പരാജയങ്ങൾ മറക്കാനാണ്, രാജ്യത്ത് വർഗീയധ്രൂവീകരണവും കപടദേശീയതയും സൃഷ്ടിക്കുന്നതെന്ന് ക്വിൽ ഫൗണ്ടേഷൻ ഡയറക്ടർ കെ.കെ. സുഹൈൽ. കാലിക്കട്ട് സർവകലാശാലാ മാധ്യമപഠനവിഭാഗം സംഘടിപ്പിച്ച ദേശീയ മാധ്യമ ഗവേഷണ സമ്മേളനത്തിന്റെ രണ്ടാം ദിനം പ്രസംഗിക്കുകയായിരുന്നു അദ്ദേഹം.
വിവിധ സംസ്കാരങ്ങളെ ഉൾക്കൊള്ളുന്ന ഇന്ത്യൻ ജനാധിപത്യത്തിന്റെ സവിശേഷതയെ ഭരണകൂടം നിക്ഷിപ്ത താൽപര്യങ്ങൾക്ക് വേണ്ടി പുറംതള്ളുകയാണ്. തങ്ങളുടെ താൽപ്പര്യങ്ങൾക്ക് പുറത്തുള്ളവരെ രാജ്യത്തിന് വേണ്ടെന്ന് ആവശ്യപ്പെടുന്നത് അവർ ആഗ്രഹിക്കുന്ന രീതിയിൽ ദേശീയതയെ നിർവചിക്കാനാണ്. രാജ്യദ്രോഹാരോപണങ്ങളും വിദ്വേഷപ്രചാരണങ്ങളും പ്രതികരിക്കുന്ന നാവുകളെ നിശബ്ദമാക്കാനുള്ള ആയുധമായി ഉപയോഗിക്കുകയാണെന്നും അദ്ദേഹം പറഞ്ഞു.
ചടങ്ങിൽ ഡോ.ഷുഹൈബ് മുഹമ്മദ് ഹനീഫ് അധ്യക്ഷത വഹിച്ചു. മാധ്യമ ഗവേഷകരുടെ പ്രബന്ധാവതരണവും നടന്നു. 14ന് രാവിലെ പത്തിന് പ്രമുഖ സ്വതന്ത്ര മാധ്യമ പ്രവർത്തകനും ഇക്കണോമിക് ആൻഡ് പൊളിറ്റിക്കൽ വീക്ക്ലി മുൻ എഡിറ്ററുമായ പരണ്ജോയ് ഗുഹ താക്കൂർത്ത ഇന്ത്യയിലെ സമകാലിക രാഷ്ട്രീയ സാന്പത്തിക അവസ്ഥകളെക്കുറിച്ച് സംസാരിക്കും. മാധ്യമ പഠന വിഭാഗം അധ്യാപിക ഡോ.സുചേത നായർക്കുള്ള യാത്രയയപ്പും സമാപന സമ്മേളനത്തിൽ നടക്കും.