ചെന്നൈ മാത്തമറ്റിക്കൽ ഇൻസ്റ്റിറ്റ്യൂട്ടിൽ ബിഎസ്സി, എംഎസ്സി പ്രോഗ്രാം
ചെന്നൈ മാത്തമറ്റിക്കൽ ഇൻസ്റ്റിറ്റ്യൂട്ടിൽ ബിഎസ്സി, എംഎസ്സി കോഴ്സുകളിലേക്ക് അപേക്ഷ ക്ഷണിച്ചു. ബിഎസ്സി (മാത്തമാറ്റിക്സ് ആൻഡ് കംപ്യൂട്ടർ സയൻസ്), ബിഎസ്സി (മാത്തമാറ്റിക്സ് ആൻഡ് ഫിസിക്സ്). എംഎസ്സി (മാത്തമാറ്റിക്സ്), എംഎസ്സി (ആപ്ലിക്കേഷൻ ഓഫ് മാത്തമാറ്റിക്സ്), എംഎസ്സി (കംപ്യൂട്ടർ സയൻസ്), എംഎസ്സി (ഡാറ്റാ സയൻസ്) പ്രോഗ്രാമുകൾക്കും മാത്തമാറ്റിക്സ്, കംപ്യൂട്ടർ സയൻസ്, ഫിസിക്സ് എന്നിവയിൽ പിഎച്ച്ഡി പ്രോഗ്രാമുകൾക്കുമാണ് അപേക്ഷിക്കാവുന്നത്. ഏപ്രിൽ 13 നകം അപേക്ഷിക്കണം. മേയ് 15നു നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
പ്രവേശന പരീക്ഷാകേന്ദ്രങ്ങൾ: തിരുവനന്തപുരം, കോഴിക്കോട്, അലഹബാദ്, അഹമ്മദാബാദ്, ബംഗളൂരു, ഭുവനേശ്വർ, ചെന്നൈ, കോയന്പത്തൂർ, ഡൽഹി, ഗോഹട്ടി, ഹൈദരാബാദ്, ഇംഫാൽ, ഇൻഡോർ, കോൽക്കത്ത, മധുര, മുംബൈ, നാഗ്പൂർ, പാറ്റ്ന, പൂന, റാഞ്ചി, ഷില്ലോംഗ്, സിൽച്ചാർ, ശ്രീനഗർ.
ത്രിവത്സര ബിഎസ്സി ഓണേഴ്സ് കോഴ്സിനു പ്ലസ്ടു പാസായവർക്കും അവസാന വർഷ വിദ്യാർഥികൾക്കും അപേക്ഷിക്കാം. ഒരു സെമസ്റ്ററിന് 1,00,000 രൂപയാണു ട്യൂഷൻ ഫീസ്. തെരഞ്ഞെടുക്കപ്പെടുന്നവർക്കു പ്രതിമാസം 5,000 രൂപ സ്കോളർഷിപ്പായി ലഭിക്കാനും അർഹതയുണ്ട്. 40 വിദ്യാർഥികൾക്ക് ട്യൂഷൻ ഫീസ് പൂർണമായും ഒഴിവാക്കികിട്ടും.
എംഎസ്സി മാത്തമറ്റിക്സിന് ബിഎസ്സി മാത്തമറ്റിക്സ്, ബിഎസ്സി സ്റ്റാറ്റിസ്റ്റിക്സ്, ബിടെക് പാസായവർക്കും അവസാന വർഷ വിദ്യാർഥികൾക്കും അപേക്ഷിക്കാം. കംപ്യൂട്ടർ സയൻസിൽ ബിരുദമോ ബിസിഎ അല്ലങ്കിൽ ബിടെക്കോ നേടിയവർക്ക് കംപ്യൂട്ടർ സയൻസ് എംഎസ്സിക്ക് അപേക്ഷിക്കാം. എംഎസ്സി ആപ്ലിക്കേഷൻ ഓഫ് മാത്തമാറ്റിക്സ് കോഴ്സിന് മാത്തമാറ്റിക്സ്, ഫിസിക്സ്, സ്റ്റാറ്റിസ്റ്റിക്സ് എന്നിവയിൽ ബിരുദം നേടിയവർക്കും ബിടെക് പാസായവർക്കും അപേക്ഷിക്കാം.
എംഎസ്സി ഡാറ്റാ സയൻസിന് മാത്തമാറ്റിക്സ്, സ്റ്റാറ്റിസ്റ്റിക്സ്, കംപ്യൂട്ടർ സയൻസ് എന്നിവ പഠിച്ച് ബിരുദം നേടിയവർക്കും ബിടെക് ബിരുദധാരികൾക്കും അപേക്ഷിക്കാം. എംഎസ്സി ഡാറ്റാ സയൻസ് പ്രോഗ്രാമിന് ഒരു സെമസ്റ്ററിന് രണ്ടുലക്ഷം രൂപയാണു ട്യൂഷൻ ഫീസ്. മറ്റ് എംഎസ്സി പ്രോഗ്രാമുകൾക്ക് ഇത് ഒരു ലക്ഷം രൂപ. തെരഞ്ഞെടുക്കപ്പെടുന്നവർക്ക് പ്രതിമാസം 6000 രൂപ വരെ സ്കോളർഷിപ്പ് ലഭിക്കും.
ബന്ധപ്പെട്ട വിഷയത്തിൽ ബിരുദാനന്തര ബിരുദം നേടിയവർക്കും ബിടെക്, എംസിഎ എന്നിവ പാസായവർക്കും പിഎച്ച്ഡി പ്രോഗ്രാമിന് രജിസ്റ്റർ ചെയ്യാം. മേയ് 15നാണ് ഇതിനുള്ള പ്രവേശന പരീക്ഷയും. പ്രതിമാസം 16,000 18,000 രൂപ വരെ പ്രതിമാസം സ്കോളർഷിപ് ലഭിക്കും.
ഓണ്ലൈനായി വേണം അപേക്ഷ സമർപ്പിക്കാൻ. അപേക്ഷാ ഫീസ് ബിരുദ കോഴ്സുകൾക്ക് 750 രൂപ. ഒന്നിലധികം കോഴ്സുകൾക്ക് അപേക്ഷിക്കാൻ 900 രൂപ. പിജി പ്രോഗ്രാമുകൾക്ക് അപേക്ഷാ ഫീസ് 900 രൂപ
കൂടുതൽ വിവരങ്ങൾക്ക്: ചെന്നൈ മാത്തമാറ്റിക്കൽ ഇൻസ്റ്റിറ്റ്യൂട്ട്, സിപ്കോട് ഐടി പാർക്ക്, ചെന്നൈ 603 103. www.cmi.ac.in/admissions. ഫോണ്:(044) 7196 1000, (044) 2747 0226–0229.