ഡിഫൻസ് ഇൻസ്റ്റിറ്റ്യൂട്ടിൽ എംടെക്
പ്രതിരോധ മേഖലയുമായി ബന്ധപ്പെട്ട ഗവേഷണത്തിനും ഉപരിപഠനത്തിനും ഊന്നൽ നൽകുന്ന ഡിഫൻസ് ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് ടെക്നോളജി (ഡിഐഎടി) രാജ്യത്ത് ഇത്തരത്തിലുള്ള ഏക സ്ഥാപനമാണ്. കേന്ദ്ര പ്രതിരോധ മന്ത്രാലയത്തിനു കീഴിൽ പൂനയിൽ പ്രവർത്തിക്കുന്ന ഇൻസ്റ്റിറ്റ്യൂട്ടിനു കൽപ്പിത സർവകലാശാലാ പദവിയുണ്ട്. സർവീസിലുള്ളതും വിരമിച്ചതുമായ ഉയർന്ന ഉദ്യോഗസ്ഥരുമായി ഇടപഴകാനും ആശയങ്ങൾ പങ്കു വയ്ക്കാനും ലഭിക്കുന്ന അവസരമാണ് ഡിഐഎടിയെ വേറിട്ട സ്ഥാപനമാക്കുന്നത്. കൂടാതെ പ്രതിരോധ ഗവേഷണ വികസന സ്ഥാപനം, ഐഎസ്ആർഒ തുടങ്ങിയവയുമായുള്ള സഹകരണവും വിദ്യാർഥികൾക്കു മുതൽക്കൂട്ടാകും.
ഡിഐഎടിയിലെ എംടെക് പ്രോഗ്രാമുകളും സ്പെഷലൈസേഷനുകളും ചുവടെ.
എയ്റോസ്പേസ് എൻജിനിയറിംഗ്: ഗൈഡഡ് മിസൈൽസ്, എയർ അമമെന്‍റ്സ്, യുഎവി.
മെക്കാനിക്കൽ എൻജിനിയറിംഗ്: മറൈൻ, അമമെന്‍റ് ആൻഡ് കോംബാറ്റ് വെഹിക്കിൾസ്, റോബോട്ടിക്സ്, മെക്കാനിക്കൽ സിസ്റ്റം ഡിസൈൻ.
കംപ്യൂട്ടർ സയൻസ് എൻജിനിയറിംഗ്: സൈബർ സെക്യൂരിറ്റി, സോഫ്റ്റവെയർ എൻജിനിയറിംഗ് ആൻഡ് ഇന്‍റലിജന്‍റ് സിസ്റ്റം.
ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗ്: സിഗ്നൽ പ്രോസസിംഗ് ആൻഡ് കമ്യൂണിക്കേഷൻ, റഡാർ ആൻഡ് കമ്യൂണിക്കേഷൻ, ഡിഫൻസ് ഇലക്ട്രോണിക്സ് സിസ്റ്റംസ്, നാവിഗേഷൻ സിസ്റ്റംസ്, വയർലെസ് നെറ്റ്‌വർക്ക് ആൻഡ് ആപ്ലിക്കേഷൻസ്.
മെറ്റീരിയൽ സയൻസ് ആൻഡ് കെമിക്കൽ ടെക്നോളജി: മെറ്റീരിയൽ സയൻസ് കെമിക്കൽ ടെക്നോളജി, കെമിക്കൽ സയൻസ് ആൻഡ് ടെക്നോളജി, എനർജെറ്റിക് മെറ്റീരിയൽസ് ആൻഡ് പോളിമേഴ്സ്. മോഡലിംഗ് ആൻഡ് സിമുലേഷൻ.
സെൻസർ ടെക്നോളജി: സെൻസർ ടെക്നോളജി, ലേസർ ആൻഡ് ഇലക്ട്രോ ഓപ്റ്റിക്സ്.
ടെക്നോളജി മാനേജ്മെന്‍റ്: ടെക്നോളജി മാനേജ്മെന്‍റ്. ലേസർ ആൻഡ് ഇലക്ട്രോ ഒപ്റ്റിക്സ്. ഒപ്റ്റോ ഇലക്ട്രോണിക്സ് ആൻഡ് കമ്യൂണിക്കേഷൻ സിസ്റ്റം: ഒപ്റ്റിക്കൽ കമ്യൂണിക്കേഷൻ ആൻഡ് ഫോട്ടോണിക്സ്.
മോഡലിംഗ് ആൻഡ് സിമുലേഷൻ, സെൻസർ ടെക്നോളജി, ലേസർ ആൻഡ് ഇലക്‌ട്രോഓപ്റ്റിക്സ്, ഒപ്റ്റോ ഇലക്ട്രോണിക്സ് ആൻഡ് കമ്യൂണിക്കേഷൻ സിസ്റ്റംസ്. മെറ്റീരിയൽസ് എൻജിനിയറിംഗ്, കോറോഷൻ ടെക്നോളജി എന്നിവയാണ് ഇൻസ്റ്റിറ്റ്യൂട്ട് നടത്തുന്ന മറ്റു കോഴ്സുകൾ.
ഡിഫൻസ് ഇൻസ്റ്റിറ്റ്യൂട്ടും യുകെയിലെ ക്രാണ്‍ഫീൽഡ് യൂണിവേഴ്സിറ്റിയുമായി സഹകരിച്ച് ഡബിൾ ഡിഗ്രി പ്രോഗ്രാമും ആരംഭിച്ചിട്ടുണ്ട്. ഇതനുസരിച്ച് എംടെക് ബിരുദം ഡിഫൻസ് ഇൻസ്റ്റിറ്റ്യൂട്ടിൽനിന്നും എംഎസ്‌സി ക്രാണ്‍ഫീൽഡ് യൂണിവേഴ്സിറ്റിയിൽ നിന്നും ലഭിക്കും. രണ്ടു വർഷമാണ് കോഴ്സിന്റെ കാലാവധി. ഇതിൽ രണ്ടു സെമസ്റ്റർ ഇന്ത്യയിലും രണ്ടു സെമസ്റ്റർ യുകെയിലുമായിരിക്കും പഠനം.
വ്യാവസായ സ്ഥാപനങ്ങൾ സ്പോൺസർ ചെയ്യുന്നവർക്കായി എംഎസ്‌സി ഫുഡ് ടെക്നോളജി, പിജി ഡിപ്ലോമ ഇൻ ഫയർ എൻജിനിയറിംഗ്, എംഎസ് പ്രോഗ്രാമുകളും നടത്തുന്നുണ്ട്.
ബിടെക് അല്ലെങ്കിൽ ബന്ധപ്പെട്ട വിഷയത്തിൽ എംഎസ്‌സി യാണ് അപേക്ഷിക്കാനുള്ള യോഗ്യത. കൂടാതെ ഗേറ്റ് സ്കോറും ഉണ്ടായിരിക്കണം. പ്രായം 2019 ജൂലൈ ഒന്നിന് 26 വയസ് കവിയരുത്. ഓണ്‍ലൈനായി വേണം അപേക്ഷിക്കാൻ. അപേക്ഷാ ഫീസ് 500 രൂപ. പട്ടികജാതിവർഗക്കാർക്ക് 250 രൂപ. ഈ മാസം 26 മുതൽ ഏപ്രിൽ 23 വരെ ഓൺലൈനായി അപേക്ഷിക്കാം. അപേക്ഷയുടെ പ്രിന്‍റൗട്ട് സ്പീഡ് പോസ്റ്റായി ഏപ്രിൽ 30നകം ലഭിക്കണം.
കൂടുതൽ വിവരങ്ങൾക്ക് : www.diat.ac.in. ഫോണ്: +91 20 24304025. വിലാസം: ഡെപ്യൂട്ടി രജിസ്ട്രാർ അക്കാഡമിക്, ഡിഐഎടി, ഗിരിനഗർ, പൂന411025.