ഓണ്ലൈൻ അപേക്ഷാ സമർപ്പണത്തിനു സമയം നീട്ടി
തിരുവനന്തപുരം: കേരളത്തിലെ വിവിധ സർക്കാർ മെഡിക്കൽ കോളജുകളിലും തിരുവനന്തപുരം റീജണൽ കാൻസർ സെന്ററിലും ലഭ്യമായ സ്റ്റേറ്റ് ക്വോട്ടാ സീറ്റുകളിലേക്കും സ്വകാര്യ സ്വാശ്രയ മെഡിക്കൽ കോളജുകളിലെ മൈനോറിറ്റി/എൻആർഐ ക്വോട്ട ഉൾപ്പെടെ ലഭ്യമായ എല്ലാ സീറ്റുകളിലേക്കും ബിരുദാനന്തര ബിരുദ മെഡിക്കൽ (ഡിഗ്രി/ഡിപ്ലോമ) കോഴ്സുകളിലേക്കുള്ള പ്രവേശനത്തിനായി സംസ്ഥാന പ്രവേശന പരീക്ഷാ കമ്മീഷണർക്ക് വെബ്സൈറ്റിലൂടെ ഓണ്ലൈൻ അപേക്ഷകൾ സമർപ്പിക്കുന്നതിനും രേഖകൾ അപ്ലോഡ് ചെയ്യുന്നതിനുമുള്ള സമയം നാളെ വൈകുന്നേരം അഞ്ച് വരെ ദീർഘിപ്പിച്ചു.
സർവീസ് വിഭാഗം അപേക്ഷകർ അപേക്ഷയുടെ പ്രിന്റൗട്ട് സർവീസ് സംബന്ധമായ രേഖകൾ സഹിതം നാളെ വൈകുന്നേരം അഞ്ചിനകം ബന്ധപ്പെട്ട വകുപ്പ് മേലധികാരികൾക്ക് സമർപ്പിക്കേണ്ടതും വകുപ്പ് മേലധികാരികൾ അപേക്ഷകരുടെ സർവീസ് വിവരങ്ങൾ കാണിക്കുന്ന ലിസ്റ്റ് അംഗീകരിച്ച് പ്രവേശന പരീക്ഷാ കമ്മീഷണർക്ക് 30നകം ലഭ്യമാക്കേണ്ടതുമാണ്.