ബിബിഎ എൽഎൽബി പരീക്ഷ ഏപ്രിൽ 10ന്
ഏപ്രിൽ 10ന് നടക്കുന്ന മൂന്നാം സെമസ്റ്റർ ബിബിഎ എൽഎൽബി ഹെൽത്ത്കെയർ മാനേജ്മെന്റ് എന്ന പേപ്പറിന്റെ പരീക്ഷ 2014, 2015, 2016 അഡ്മിഷൻ വിദ്യാർഥികളും എഴുതണം.
എംഫിൽ സംവരണ സീറ്റൊഴിവ്
സ്കൂൾ ഓഫ് മാനേജ്മെന്റ് ആൻഡ് ബിസിനസ് സ്റ്റഡീസിൽ 2018 അഡ്മിഷൻ എംഫിൽ കോഴ്സിൽ എസ്സി വിഭാഗത്തിൽ ഒരു സീറ്റൊഴിവുണ്ട്. യോഗ്യരായവർ സർട്ടിഫിക്കറ്റുകൾ സഹിതം 27ന് രാവിലെ 9.30ന് നേരിട്ടു ഹാജരാകണം. 04812732288.
പരീക്ഷ ഫലം
2018 ഒക്ടോബറിലെ മൂന്നാം വർഷ ബിഎസ്സി നഴ്സിംഗ് (റെഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഏപ്രിൽ ആറുവരെ അപേക്ഷിക്കാം.
2018 ഏപ്രിലിൽ നടന്ന ഒന്നും രണ്ടും സെമസ്റ്റർ എംഎ ചരിത്രം (പ്രൈവറ്റ്) റെഗുലർ, ഇംപ്രൂവ്മെന്റ്, സപ്ലിമെന്ററി, അഡീഷണൽ പിജി, മേഴ്സി ചാൻസ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഏപ്രിൽ ആറുവരെ അപേക്ഷിക്കാം.
സൂക്ഷ്മപരിശോധന
അഞ്ചാം സെമസ്റ്റർ ബികോം സിബിസിഎസ്എസ്, ഒക്ടോബർ 2018 പരീക്ഷയുടെ ഉത്തരക്കടലാസ് സൂക്ഷ്മപരിശോധനയ്ക്ക് അപേക്ഷിച്ചിട്ടുള്ള വിദ്യാർഥികൾ തിരിച്ചറിയൽ കാർഡ്, ഹാൾടിക്കറ്റുമായി 29, 30 തീയതികളിൽ സിൽവർ ജൂബിലി പരീക്ഷഭവനിലെ 225ാം നന്പർ മുറിയിൽ ഹാജരാകണം.