ഏപ്രിലിൽ ആരംഭിക്കുന്ന എംസിഎ (2011 സ്കീം 2011 അഡ്മിഷൻ മാത്രം) ഒന്ന്, രണ്ട്, മൂന്ന് സെമസ്റ്റർ മേഴ്സി ചാൻസ് പരീക്ഷകൾ മേയ് മാസത്തിലേയ്ക്ക് മാറ്റി. മൂന്നാം സെമസ്റ്റർ എംസിഎ (2011 സ്കീം 2013 & 2014 അഡ്മിഷൻ മാത്രം) സപ്ലിമെന്‍ററി പരീക്ഷകൾ മേൽപ്പറഞ്ഞ മൂന്നാം സെമസ്റ്റർ മേഴ്സി ചാൻസ് പരീക്ഷകളോടൊപ്പം നടത്തും.
പരീക്ഷാകേന്ദ്രം
2019 ലോകസഭ തെരഞ്ഞെടുപ്പിനോട് അനുബന്ധിച്ച് എസ്ഡി കോളജ് ആലപ്പുഴയിലെ ആറാം സെമസ്റ്റർ സിബിസിഎസ്എസ് ബിഎ/ബിഎസ്‌സി/ ബികോം/സിബിസിഎസ്എസ് (കരിയർ റിലേറ്റഡ്) വിദ്യാർഥികൾ 25, 27 തീയതികളിലെ പരീക്ഷകൾ എസ്ഡിവി സെൻട്രൽ സ്കൂൾ, ആലപ്പുഴയിൽ എഴുതണം.
2019 ഏപ്രിൽ മാസം 26ന് ആരംഭിക്കുന്ന ബികോം ആന്വൽ ( പ്രൈവറ്റ് / എസ്ഡിഇ/ സപ്ലിമെന്‍ററി) പാർട്ട് മൂന്ന് അവസാനവർഷ പരീക്ഷാകേന്ദ്രമായി എസ്എൻ കോളജ് ഫോർ വിമെൻ കൊല്ലം തെരഞ്ഞെടുത്ത എല്ലാ വിദ്യാർഥികളും കരുനാഗപ്പള്ളി ശ്രീ വിദ്യാധിരാജ കോളജിൽ പരീക്ഷ എഴുതണം.
പ്രാക്ടിക്കൽ
ഏപ്രിലിൽ നടക്കുന്ന ആറാം സെമസ്റ്റർ ബിവോക് സോഫ്റ്റ്വെയർ ഡെവലപ്മെൻറ് കോഴ്സിന്‍റെ പ്രാക്ടിക്കൽ പരീക്ഷകൾ മേയ് രണ്ട്,മൂന്ന്,ആറ്,ഏഴ് തീയതികളിൽ നടത്തും. വിശദമായ ടൈംടേബിൾ സർവകലാശാല വെബ്സൈറ്റിൽ.
അപേക്ഷ
ബിടെക് പാർട്ട് ടൈം റീസ്ട്രക്ച്ചേഡ് 2008 സ്കീം സപ്ലിമെൻററി രണ്ടും,നാലും,ആറും സെമസ്റ്റർ പരീക്ഷകളുടെ ഓൺലൈൻ/ ഓഫ്ലൈൻ രജിസ്ട്രേഷൻ 24ന് ആരംഭിക്കും. പരീക്ഷക്ക് പിഴകൂടാതെ മേയ് രണ്ടുവരെയും 50 രൂപ പിഴയോടുകൂടി മേയ് നാല്വരെയും 125 രൂപ പിഴയോടുകൂടി മേയ് ആറുവരെയും അപേക്ഷിക്കാം. വിശദവിവരം വെബ്സൈറ്റിൽ.
രണ്ടും, നാലും സെമസ്റ്റർ എൽഎൽബി പഞ്ചവത്സര (prior to 201112 അഡ്മിഷൻ) പരീക്ഷകൾ യഥാക്രമം 2019 മേയ് 16, 29 എന്നീ തീയതികളിൽ ആരംഭിക്കും. 2005,06,07 അഡ്മിഷൻ വിദ്യാർഥികൾ 4000 രൂപ മേഴ്സി ചാൻസ് ഫീസ് ഇനത്തിലും 300 രൂപ സി.വി ക്യാമ്പ് ഫീസ് ഇനത്തിലും,2002,03,04 അഡ്മിഷൻ വിദ്യാർഥികൾ 7500 രൂപ മേഴ്സി ചാൻസ് ഫീസ് ഇനത്തിലും 300 രൂപ സി.വി ക്യാമ്പ് ഫീസ് ഇനത്തിലും അടയ്ക്കണം.മൂന്നിൽ കൂടുതൽ പേപ്പർ ഉണ്ടെങ്കിൽ ഓരോ പേപ്പറിനും 2500 രൂപ വീതം അടയ്ക്കണം. പിഴകൂടാതെ 29 വരെയും 50 രൂപ പിഴയോടുകൂടി മേയ് മൂന്നുവരെയും, 125 രൂപ പിഴയോടുകൂടി മേയ് ആറ്‌വരെയും അപേക്ഷിക്കാം.
ഹാൾടിക്കറ്റ്
2019 ഏപ്രിൽ 29 ന് ആരംഭിക്കുന്ന അവസാനവർഷ ബിബിഎ (ആന്വൽ സ്കീം പ്രൈവറ്റ് രജിസ്ട്രേഷൻ) പരീക്ഷക്ക് തിരുവനന്തപുരം പരീക്ഷാകേന്ദ്രമായി അപേക്ഷിച്ചവർ സ്കൂൾ ഓഫ് ഡിസ്റ്റൻസ് എഡ്യുക്കേഷൻ (എസ്ഡിഇ ) നിന്നും, കൊല്ലം കേന്ദ്രമായി അപേക്ഷിച്ചവർ എസ്എൻ കോളജ് ചാത്തന്നൂരിൽ നിന്നും, ആലപ്പുഴ കേന്ദ്രമായി അപേക്ഷിച്ചവർ സെന്‍റ് മൈക്കിൾസ് ചേർത്തലയിൽ നിന്നും ഹാൾടിക്കറ്റ് വാങ്ങി അതത് കേന്ദ്രങ്ങളിൽ പരീക്ഷ എഴുതണം.
സൂക്ഷ്മപരിശോധന
2018 ഓഗസ്റ്റ് മാസം നടത്തിയ എൽഎൽബി യൂണിറ്ററി രണ്ടാം സെമസ്റ്റർ (2011 സ്കീം) പരീക്ഷയുടെ സൂക്ഷ്മപരിശോധനയ്ക്ക് അപേക്ഷ സമർപ്പിച്ചിട്ടുള്ള വിദ്യാർഥികൾ ഫോട്ടോ പതിച്ച ഐഡി കാർഡും ഹാൾടിക്കറ്റുമായി റീവാല്യൂവേഷൻ സെക്‌‌ഷനിൽ 24 മുതൽ മേയ് രണ്ടുവരെയുള്ള പ്രവൃത്തി ദിനങ്ങളിൽ ഹാജരാകണം.