ജയിൻ യൂണിവേഴ്സിറ്റി ആഡ് ഓണ് കോഴ്സുകൾ ആരംഭിച്ചു
കൊച്ചി: ബിരുദ, ബിരുദാനന്തര വിദ്യാഭ്യാസത്തോടൊപ്പം സർട്ടിഫിക്കറ്റ് കോഴ്സുകളുമായി ബംഗളൂരു ആസ്ഥാനമായ ജയിൻ യൂണിവേഴ്സിറ്റി. കൊച്ചി കേന്ദ്രമായ കാന്പസിൽനിന്നാണു കേരളത്തിലെ വിദ്യാർഥികൾക്കായി വിവിധ ടെക്നിക്കൽ, നോണ് ടെക്നിക്കൽ, ഐടി, സയൻസ് കോഴ്സുകൾ അവതരിപ്പിച്ചിട്ടുള്ളത്. ഉദ്ഘാടനം എഐസിടിഇ വൈസ് ചെയർമാൻ ഡോ. എം.പി. പൂനിയ നിർവഹിച്ചു.
ജയിൻ യൂണിവേഴ്സിറ്റി പ്രസിഡന്റ് ചെൻരാജ് റോയ്ചന്ദ്, കുസാറ്റ് വൈസ് ചാൻസിലർ ഡോ. ശശിധരൻ, എംജി യൂണിവേഴ്സിറ്റി സിൻഡിക്കറ്റ് അംഗം അഡ്വ. ഹരികുമാർ, സിആപ്റ്റ് മാനേജിംഗ് ഡയറക്ടർ ഡോ. സി. അബ്ദുൾ റഹ്മാൻ, എഐസിടിഇ ഡയറക്റ്റർ ഡോ. രമേശ് ഉണ്ണികൃഷ്ണൻ, ജയഭാരത് ഗ്രൂപ്പ് ഓഫ് ഇൻസ്റ്റിറ്റ്യൂഷൻ ചെയർമാൻ എ.എം. കരീം, ഇന്നോവേഷൻ ആൻഡ് റിസേർച്ച് സൊസൈറ്റി ചെയർമാൻ ഡോ. നിസാം റഹ്മാൻ, എഐസിടിഇ നോഡൽ ഓഫീസർ ഡോ. അബ്ദുൾ റഹ്മാൻ അഹമ്മദ് തുടങ്ങിയവർ സന്നിഹിതരായിരുന്നു.
ജെയുഎക്സ് ഓണ് കാന്പസ് എന്നറിയപ്പെടുന്ന ഓണ്ലൈൻ വിദ്യാഭ്യസ പദ്ധതിയിൽ ഡാറ്റാ സയൻസ്, ബിഗ് ഡേറ്റാ അനലറ്റിക്സ്, മൊബൈൽ ആപ് വികസനം, ക്ലൗഡ് ടെക്നോളജി, ഐഒറ്റി, ഇൻഫോർമേഷൻ സെക്യൂരിറ്റി, അനലറ്റിക്കൽ ഇന്റലിജൻസ്, വെബ് ഡവലപ്ന്റ്, റിന്യൂവബിൾ എനർജി, റോബോട്ടിക് ആൻഡ് ഓട്ടമേഷൻ, അക്കൗണ്ടിംഗ് മാനേജ്മെന്റ്, ഫിനാഷ്യൽ മോഡലിംഗ്, ഡിജിറ്റൽ മാർക്കറ്റിംഗ്, ഇകൊമേഴ്സ്, അഡ്വർടൈസിംഗ് തുടങ്ങിയ വിവിധ കോഴ്സുകൾ ലഭ്യമാണ്.
ആദ്യഘട്ടത്തിൽ സർക്കാർ കോളജുകളിലെ 100 വിദ്യാർഥികൾക്കു കോഴസ് സൗജന്യമാണെന്നു ഭാരവാഹികൾ പറഞ്ഞു. മറ്റു വിദ്യാർഥികൾക്കു 90 മണിക്കൂർ കോഴ്സുകൾക്ക് ഫീസിളവും ലഭ്യമാണ്. പ്ലസ് ടു കഴിഞ്ഞ വിദ്യാർഥികൾക്കു കോഴ്സുകളിൽ ചേരാം.
ഓണ്ലൈനായാകും പഠനവും പരീക്ഷകളും. www.juxhu b.com/ juxoncampus.