ഐഇടി സപ്ലിമെന്ററി വിദ്യാര്ഥികളുടെ പരീക്ഷാ കേന്ദ്രങ്ങളില് മാറ്റം
എന്ജിനീയറിംഗ് കോളജിലെ (കോഹിനൂര് ഐഇടി) സപ്ലിമെന്ററി വിദ്യാര്ഥികളുടെ പരീക്ഷാ കേന്ദ്രങ്ങളില് മാറ്റം. എന്ജിനിയറിംഗ് ഗ്രാഫിക്സ് എ പരീക്ഷയ്ക്ക് രജിസ്റ്റര് ചെയ്ത എല്ലാ സപ്ലിമെന്ററി വിദ്യാര്ഥികളും (2009, 2014 സ്കീം) നാളെ ചേലേമ്പ്ര ഡിജി കോളജ് ഓഫ് ആര്കിടെക്ചറിലാണ് പരീക്ഷ എഴുതേണ്ടത്.
ഗ്രാഫിക്സ് ബി പരീക്ഷയ്ക്ക് രജിസ്റ്റര് ചെയ്ത മെക്കാനിക്കല് (2009, 2014 സ്കീം), ഐടി (2009 സ്കീം), ഐടി (2015 വരെ പ്രവേശനം2014 സ്കീം) സപ്ലിമെന്ററി വിദ്യാര്ഥികള് 20ന് ഡിജി കോളജ് ഓഫ് ആര്കിടെക്ചറിൽ പരീക്ഷ എഴുതണം.
ഗ്രാഫിക്സ് ബി പരീക്ഷയ്ക്ക് രജിസ്റ്റര് ചെയ്ത (2016, 2017 പ്രവേശനം2014 സ്കീം) ഐടി സപ്ലിമെന്ററി വിദ്യാര്ഥികള് 20ന് കാരാടുപറമ്പ വേദവ്യാസ ആര്കിടെക്ചറില് പരീക്ഷ എഴുതണം. റഗുലര് വിദ്യാര്ഥികളുടെ പരീക്ഷാ കേന്ദ്രങ്ങളില് മാറ്റമില്ല. വിവരങ്ങള് വെബ്സൈറ്റില്.
അഫ്സല്ഉല് ഉലമ പ്രിലിമിനറി പ്രവേശനം
അഫ്സല് ഉല്ഉലമ പ്രിലിമിനറി കോഴ്സ് പ്രവേശനത്തിന് ഓണ്ലൈന് അപേക്ഷ ക്ഷണിച്ചു. 24 വരെ രജിസ്ട്രേഷന് ഫീസ് അടച്ച് 25 വരെ അപേക്ഷിക്കാം. ജനറല് 225 രൂപ, എസ്സി/എസ്ടി 115 രൂപ. അപേക്ഷകര്ക്ക് 2019 ജൂണ് ഒന്നിന് 15 വയസ് പൂര്ത്തിയായിരിക്കണം, 20 വയസ് കവിയരുത്. ഓണ്ലൈന് രജിസ്ട്രേഷനും പ്രോസ്പെക്ടസിനും വെബ്സൈറ്റ് സന്ദര്ശിക്കാം. ഫോണ് : 0494 2407016, 2407017.
പരീക്ഷാഫലം
2018 നവംബറില് നടത്തിയ മൂന്നാം സെമസ്റ്റര് എംലിബ്ഐഎസ്സി (സിസിഎസ്എസ്) പരീക്ഷാഫലം വെബ്സൈറ്റില്.
പത്താം സെമസ്റ്റര് ബിആര്ക് (2012 സ്കീം) സപ്ലിമെന്ററി ഡിസംബര് 2018 പരീക്ഷാഫലം വെബ്സൈറ്റില് .
പുനര്മൂല്യനിര്ണയ ഫലം
രണ്ടാം സെമസ്റ്റര് ബിഎസ്സി/ബിസിഎ (സിയുസിബിസിഎസ്എസ്) ഏപ്രില് 2017 പരീക്ഷയുടെ പുനര്മൂല്യനിര്ണയ ഫലം വെബ്സൈറ്റില്.
ബാഡ്മിന്റണ് അക്കാഡമി പ്രവേശനം
സര്വകലാശാലാ കായിക പഠനവിഭാഗത്തിന് കീഴില് ആരംഭിക്കുന്ന ബാഡ്മിന്റണ് അക്കാഡമിയിലേക്ക് അപേക്ഷ ക്ഷണിച്ചു.
ചെറുപ്രായത്തില് തന്നെ പ്രതിഭകളെ കണ്ടെത്തി വിദഗ്ധ പരിശീലനം നല്കുകയാണ് ലക്ഷ്യം. അപേക്ഷാ ഫോം സര്വകലാശാലാ വെബ്സൈറ്റിലും കായിക പഠനവിഭാഗത്തിലും ലഭ്യമാണ്. അവസാന തിയതി മേയ് 31. അക്കാഡമിയുടെ ഉദ്ഘാടനം ജൂണ് രണ്ടാം വാരം നടക്കും. ഉദ്ഘാടനത്തോടനുബന്ധിച്ച് അന്താരാഷ്ട്ര താരങ്ങളുടെ പ്രദര്ശന മത്സരം ഉണ്ടാകും.
ഫോണ് : 0494 2407501.