കാലിക്കട്ട് സര്വകലാശാലാ സ്പോര്ട്സ് കോണ്വൊക്കേഷന് ജൂണ് 13 ന്
തേഞ്ഞിപ്പലം: കാലിക്കട്ട് സര്വകലാശാലയുടെ ഈ വര്ഷത്തെ സ്പോര്ട്സ് കോണ്വൊക്കേഷന് ജൂണ് 13ന് രാവിലെ 11 മുതല് സെമിനാര് കോംപ്ലക്സില് നടക്കും. 201819 വര്ഷത്തില് കായിക രംഗത്ത് അന്തര് സര്വകലാശാലാ മത്സരങ്ങളില് വിജയികളായ കായിക താരങ്ങള്ക്കുള്ള കാഷ് അവാര്ഡുകളും സ്പോര്ട്സ് കിറ്റുകളും വിതരണം ചെയ്യും. കോച്ചുമാരെയും ടീം മാനേജര്മാരെയും ആദരിക്കും.
കായിക മത്സരങ്ങളില് വിജയികളായിട്ടുള്ള വിദ്യാര്ഥികള്ക്ക് 10000, 9000, 5000 എന്നീ ക്രമത്തിലാണ് കാഷ് അവാര്ഡുകള് നല്കുക. മികച്ച കോളജുകള്ക്ക് 50,000, 30,000, 20,000 രൂപ എന്നീ ക്രമത്തില് ക്യാഷ് അവാര്ഡുകള് നല്കും. നൂറ് പേരാണ് ഈ വര്ഷം ക്യാഷ് അവാര്ഡിന് അര്ഹരായിട്ടുള്ളത്. മൊത്തം 7.5 ലക്ഷം രൂപ വിതരണം ചെയ്യും. സര്വകലാശാലയുടെ മുന് കായിക അധ്യാപകരെയും കോച്ചുമാരെയും ആദരിക്കും. സര്വകലാശാലാ ഉന്നതാധികാരികളും മുന് അന്തര്ദേശീയ കായിക താരങ്ങളും പങ്കെടുക്കും.