എൽഎൽബി പ്രവേശന പരീക്ഷാ തീയതികൾ
തിരുവനന്തപുരം: കേരളത്തിലെ സർക്കാർ ലോ കോളജുകളിലെയും സംസ്ഥാന സർക്കാരുമായി സീറ്റ് പങ്കിടുന്ന സ്വകാര്യ സ്വാശ്രയ ലോ കോളജുകളിലേയും ഇന്റഗ്രേറ്റഡ് പഞ്ചവത്സര എൽഎൽബി കോഴ്സിലേക്കുള്ള കംപ്യൂട്ടർ അധിഷ്ഠിത പ്രവേശന പരീക്ഷ ജൂണ് എട്ടിനും ത്രിവത്സര എൽഎൽബി കോഴ്സിലേക്കുള്ള കംപ്യൂട്ടർ അധിഷ്ഠിത പരീക്ഷ ജൂണ് ഒൻപതിനും കേരളത്തിലെ വിവിധ കേന്ദ്രങ്ങളിൽ നടത്തും. ഇതിനായി അപേക്ഷകർക്കുള്ള അഡ്മിറ്റ് കാർഡുകൾ ജൂണ് ഒന്നു മുതൽ പ്രവേശന പരീക്ഷാ കമ്മീഷണറുടെ വെബ്സൈറ്റിൽ ലഭ്യമാക്കുന്നതാണ്.