കളമശേരി: രാജ്യമെമ്പാടുമുള്ള ദേശീയ നിയമ സർവകലാശാലകളിലെ ബിരുദ, ബിരുദാനന്തര നിയമ കോഴ്സുകളിൽ പ്രവേശനത്തിനുള്ള പരീക്ഷയായ കോമൺ ലോ അഡ്മിഷൻ ടെസ്റ്റ് ഞായറാഴ്ച നടക്കും. കേരളത്തിൽ തിരുവനന്തപുരം, എറണാകുളം എന്നിവിടങ്ങളിലാണ് പരീക്ഷാകേന്ദ്രങ്ങൾ ഉള്ളത്.തിരുവനന്തപുരം പട്ടം സെന്റ് മേരീസ് ഹയർ സെക്കൻഡറി സ്കൂൾ ആണ് കേന്ദ്രം. എറണാകുളത്തു മൂന്നു കേന്ദ്രങ്ങൾ ഉണ്ട്. കളമശേരി നുവാൽസ്, കാക്കനാട് രാജഗിരി സെന്റർ ഫോർ ബിസിനസ് സ്റ്റഡീസ്, കളമശേരി രാജഗിരി കോളജ് ഓഫ് സോഷ്യൽ സയൻസസ് എന്നിവയാണ് ഈ മൂന്നു കേന്ദ്രങ്ങൾ. ഉച്ചകഴിഞ്ഞു മൂന്നു മുതൽ അഞ്ചു വരെയാണു പരീക്ഷ.