ജൂണ്‍ ആറിന് തുറക്കും
സർവകലാശാലയ്ക്ക് കീഴിലെ അഫിലിയേറ്റഡ് കോളജുകളും പഠനവകുപ്പുകളും സർവകലാശാലാ സെന്‍ററുകളും മധ്യവേനലവധി കഴിഞ്ഞ് ആറിന് തുറക്കും.
ബിഎഡ് സ്പോർട്സ് ക്വാട്ട അപേക്ഷ
ബിഎഡ് സ്പോർട്സ് ക്വാട്ട വിഭാഗത്തിൽ അപേക്ഷിക്കുന്നവരുടെ റാങ്ക് ലിസ്റ്റ് തയ്യാറാക്കുന്നത് തിരുവനന്തപുരത്തെ കേരള സ്റ്റേറ്റ് സ്പോർട്സ് കൗണ്‍സിലാണ്. പ്രിന്‍റൗട്ട്, യോഗ്യതാ സർട്ടിഫിക്കറ്റിന്‍റെ പകർപ്പ്, സ്പോർട്സ് പ്രാവീണ്യം തെളിയിക്കുന്ന സർട്ടിഫിക്കറ്റുകളുടെ പകർപ്പ് എന്നിവ സഹിതം സെക്രട്ടറി, കേരള സ്റ്റേറ്റ് സ്പോർട്സ് കൗണ്‍സിൽ, തിരുവനന്തപുരം695 001 എന്ന വിലാസത്തിൽ 12നകം അപേക്ഷിക്കണം. ഫോണ്: 0494 2407016, 2407017.
വാക്ഇൻഇന്‍റർവ്യൂ
എൻജിനിയറിംഗ് വിഭാഗത്തിൽ അസിസ്റ്റന്‍റ് എൻജിനിയർ (ഇലക്‌ട്രിക്കൽ) കരാർ നിയമനത്തിന് ഏഴിന് ഉച്ചയ്ക്കുശേഷം രണ്ടിന് ഭരണ വിഭാഗത്തിൽ വാക്ഇൻഇന്‍റർവ്യൂ നടത്തും. പ്രതിമാസ മൊത്ത വേതനം: 25,830 രൂപ. യോഗ്യത: ഇലക്‌ട്രിക്കൽ എൻജിനിയറിംഗിൽ ബിരുദം/തത്തുല്യവും ബന്ധപ്പെട്ട മേഖലയിൽ രണ്ട് വർഷത്തെ പരിചയവും. പ്രായം ജനുവരി ഒന്നിന് 36 വയസ് കവിയരുത്. വിവരങ്ങൾ www.uoc.ac.in വെബ്സൈറ്റിൽ.
അഭിമുഖം ജൂലൈ എട്ടിന്
ലക്ഷദ്വീപ് കവരത്തി കേന്ദ്രത്തിൽ പ്രിൻസിപ്പൽ തസ്തികയിൽ അപേക്ഷിച്ചവരിൽ യോഗ്യരായവർക്കുള്ള അഭിമുഖം ജൂലൈ എട്ടിന് രാവിലെ 9.30നും ആന്ത്രോത്ത്, കടമത്ത് കേന്ദ്രങ്ങളിലെ പ്രിൻസിപ്പൽ അഭിമുഖം ഉച്ചയ്ക്ക് 1.30നും സർവകലാശാലാ ഭരണവിഭാഗത്തിൽ നടക്കും. വിവരങ്ങൾ വെബ്സൈറ്റിൽ.
തിയതി നീട്ടി
വയനാട് ചെതലയത്തെ ഇൻസ്റ്റിറ്റ്യൂട്ട് ഓഫ് ട്രൈബൽ സ്റ്റഡീസ് ആൻഡ് റിസർച്ചിൽ (ഐടിഎസ്ആർ) എംഎ സോഷ്യോളജി റസിഡൻഷൽ കോഴ്സിന് അപേക്ഷിക്കാനുള്ള തിയതി പത്ത് വരെ നീട്ടി. പട്ടികവർഗ വിദ്യാർഥികൾക്ക് അപേക്ഷിക്കാം. വിവരങ്ങൾ വെബ്സൈറ്റിൽ. ഫോണ്: 9447637542, 9605884635.
പഠനസാമഗ്രി വിതരണം
വിദൂരവിദ്യാഭ്യാസം നാലാം സെമസ്റ്റർ ബിഎ/ ബിഎസ് സി വിദ്യാർഥികൾക്കുള്ള പഠനസാമഗ്രികൾ മൂന്ന് മുതൽ പഠനകേന്ദ്രങ്ങളിൽ വിതരണം ചെയ്യും. ഫോണ്: 0494 2407354, 2407356.
പരീക്ഷാ അപേക്ഷ
ബിബിഎഎൽഎൽബി ഓണേഴ്സ് (2011 സ്കീം2011 മുതൽ പ്രവേശനം) ഒന്ന്, മൂന്ന് സെമസ്റ്റർ റഗുലർ/സപ്ലിമെന്‍ററി പരീക്ഷയ്ക്ക് പിഴകൂടാതെ 13 വരെയും 170 രൂപ പിഴയോടെ 15 വരെയും ഫീസടച്ച് 18 വരെ രജിസ്റ്റർ ചെയ്യാം.
പിജി ഡിപ്ലോമ ഇൻ റീഹാബിലിറ്റേഷൻ സൈക്കോളജി (പിജിഡിആർപി) റഗുലർ (2018 പ്രവേശനം) പരീക്ഷയ്ക്ക് മൂന്ന് മുതൽ പിഴകൂടാതെ ഏഴ് വരെയും 170 രൂപ പിഴയോടെ പത്ത് വരെയും ഫീസടച്ച് 12 വരെ രജിസ്റ്റർ ചെയ്യാം.
പുനർമൂല്യനിർണയ ഫലം
വിദൂരവിദ്യാഭ്യാസം നാലാം സെമസ്റ്റർ ബിഎ/ ബിഎ അഫ്സൽഉൽഉലമ/ബിഎസ് സി (സിയുസിബിസിഎസ്എസ്) ഏപ്രിൽ 2018 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ.
ഒന്നാം സെമസ്റ്റർ എംബിഎ ഡിസംബർ 2017 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ. ഉത്തരക്കടലാസ് തിരിച്ചറിയാനാഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.