സേ പരീക്ഷാഫലം പ്രസിദ്ധീകരിച്ചു
തിരുവനന്തപുരം:എസ്എസ്എൽസി/ടിഎച്ച്എസ്എൽസി./എഎച്ച്എസ്എൽസി/എസ്എസ്എൽസി (എച്ച്ഐ) സേ പരീക്ഷാഫലം www.keralapareekshabhavan.inൽ ലഭ്യമാണ്.
എംടെക് പ്രവേശനത്തിന് അപേക്ഷ നൽകാം തിരുവനന്തപുരം: കേരളത്തിലെ സർക്കാർ/എയ്ഡഡ്/സർക്കാർ നിയന്ത്രിത സ്വാശ്രയ എൻജിനിയറിംഗ് കോളജുകളിലേക്കുള്ള 201920 അധ്യയന വർഷത്തെ എംടെക് പ്രവേശനത്തിനുള്ള അപേക്ഷകൾ ആറ് മുതൽ 17 വരെ www.admissions.dtekerala.gov.in, www.dtekerala.gov.in എന്നീ വെബ്സൈറ്റുകൾ വഴി ഓൺലൈനായി സമർപ്പിക്കാം. വിശദവിവരങ്ങളും പ്രോസ്പെക്ടസും വെബ്സൈറ്റുകളിൽ ലഭിക്കുമെന്ന് സാങ്കേതിക വിദ്യാഭ്യാസ ഡയറക്ടർ അറിയിച്ചു.
സിവിൽ സർവീസ്: ലക്ഷ്യ സ്കോളർഷിപ്പിന് അപേക്ഷിക്കാം തിരുവനന്തപുരം: സംസ്ഥാനത്തെ പട്ടികജാതി പട്ടികവർഗ വിഭാഗത്തിലുള്ളവർക്ക് സിവിൽ സർവീസ് പരീക്ഷാ പരിശീലനത്തിനായി പട്ടികജാതി വികസന വകുപ്പ് നടപ്പിലാക്കുന്ന ലക്ഷ്യ സ്കോളർഷിപ്പിന് അപേക്ഷ ക്ഷണിച്ചു. അംഗീകൃത സർവ്വകലാശാല ബിരുദമാണ് യോഗ്യത. പ്രായപരിധി 2019 ഓഗസ്റ്റ് ഒന്നിന് 2036 വയസ്. പട്ടികജാതി വികസന വകുപ്പിന്റെ കീഴിൽ തിരുവനന്തപുരം മണ്ണന്തലയിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഫോർ സിവിൽ സർവ്വീസസ് എക്സാമിനേഷൻ ട്രെയിനിംഗ് സൊസൈറ്റി നടത്തുന്ന പ്രവേശന പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് സ്കോളർഷിപ്പിന് തെരഞ്ഞെടുക്കുന്നത്. ഈ വർഷം 30 പേർക്കാണ് സ്കോളർഷിപ്പ് നൽകുക. അഞ്ച് സീറ്റ് പട്ടികവർഗ്ഗ വിഭാഗക്കാർക്കായി സംവരണം ചെയ്തിട്ടുണ്ട്.
സിവിൽ സർവ്വീസ് പ്രിലിമിനറി പരീക്ഷാ സിലബസ് അടിസ്ഥാനമാക്കിയാണ് പ്രവേശന പരീക്ഷ നടത്തുക. ഒബ്ജക്ടീവ് മാതൃകയിൽ 100 മാർക്കിന്റെ 90 മിനിറ്റ് ദൈർഘ്യമുള്ള പരീക്ഷയ്ക്ക് നെഗറ്റീവ് മാർക്കുണ്ട്. പട്ടികജാതി വികസന വകുപ്പിന്റെ കീഴിൽ തിരുവനന്തപുരം, എറണാകുളം, പാലക്കാട്, കോഴിക്കോട് ജില്ലകളിൽ പ്രവർത്തിക്കുന്ന പ്രീഎക്സാമിനേഷൻ ട്രെയിനിംഗ് സെന്ററുകളിലാണ് പരീക്ഷ. 21 ന് രാവിലെ 11 നാണ് പരീക്ഷ. www.icsets.org മുഖേന ഓൺലൈനായി 15 ന് വൈകിട്ട് അഞ്ചിനകം അപേക്ഷിക്കണം. വിശദവിവരങ്ങൾക്ക്: 04712533272, , www.icsets.org,
[email protected].