Auot Spot
കുട്ടികളാണ്, സൂക്ഷിക്കണം
കുട്ടികളാണ്, സൂക്ഷിക്കണം
Monday, October 1, 2018 3:01 PM IST
കാ​ർ യാ​ത്ര​ക​ളി​ൽ കു​ട്ടി​ക​ളു​ടെ സു​ര​ക്ഷ​യ്ക്കു പ്രാ​ധാ​ന്യം ന​ല്കേ​ണ്ട​തു​ണ്ട്. മു​തി​ർ​ന്ന​വ​ർ​ക്കു​വേ​ണ്ടി​യാ​ണ് കാ​റു​ക​ൾ ഡി​സൈ​ൻ ചെ​യ്തി​രി​ക്കു​ന്ന​ത്. അ​തു​കൊ​ണ്ടു​ത​ന്നെ അ​പ​ക​ട​മു​ണ്ടാ​യാ​ൽ സാ​ര​മാ​യി പ​രി​ക്കേ​ൽ​ക്കു​ന്ന​ത് കു​ട്ടി​ക​ൾ​ക്കു​മാ​യി​രി​ക്കും. ഇ​ന്ത്യ​യി​ൽ കു​ട്ടി​ക​ളു​ടെ സു​ര​ക്ഷ​യ്ക്ക് വ്യ​ക്ത​മാ​യ മാ​ർ​ഗ​നി​ർ​ദേ​ശ​ങ്ങ​ൾ ന​ല്കു​ന്നി​ല്ലെ​ങ്കി​ലും പു​തി​യ വാ​ഹ​ന​ങ്ങ​ളി​ൽ കു​ട്ടി​ക​ൾ​ക്കാ​യു​ള്ള സീ​റ്റ് ഘ​ടി​പ്പി​ക്കാ​നു​ള്ള സം​വി​ധാ​നം ഒ​രു​ക്ക​ണ​മെ​ന്ന് സ​ർ​ക്കാ​ർ നി​ർ​ദേ​ശി​ച്ചി​ട്ടു​ണ്ട്.

മു​ൻ​സീ​റ്റ് യാ​ത്ര​ക​ൾ കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും ഒ​രു​പോ​ലെ ആ​ന​ന്ദ​ക​ര​മാ​ണ്. എ​ന്നാ​ൽ, കു​ട്ടി​ക​ളെ മു​ൻ​സീ​റ്റിൽ ഒ​രി​ക്ക​ലും യാ​ത്ര​ചെ​യ്യാ​ൻ അ​നു​വ​ദി​ക്ക​രു​ത്. സീ​റ്റ് ബെ​ൽ​റ്റ് ഇ​ട്ടെ​ങ്കി​ൽ​പോ​ലും അ​പ​കട​മു​ണ്ടാ​യാ​ൽ അ​തി​ന്‍റെ ആ​ഘാ​തം കു​ട്ടി​ക്കാ​യി​രി​ക്കും ഏ​റെ ഏ​ൽ​ക്കു​ക. കു​ട്ടി​ക​ളു​ടെ പ്രാ​യ​ത്തി​ന​നു​സ​രി​ച്ച് വാ​ഹ​ന​ത്തി​ൽ ഘ​ടി​പ്പി​ക്കാ​വു​ന്ന ചൈ​ൽ​ഡ് സീ​റ്റു​ക​ൾ ഇ​ന്ന് മാ​ർ​ക്ക​റ്റി​ൽ ല​ഭ്യ​മാ​ണ്. അ​ത്ത​രം സീ​റ്റു​ക​ളെ​ക്കു​റി​ച്ച് വി​ശ​ദ​മാ​യി പ​രി​ച​യ​പ്പെ​ടാം.

1. ഇ​ന്‍ഫ​ന്‍റ് സീ​റ്റു​ക​ൾ
ഒ​രു വ​യ​സി​ൽ താ​ഴെ അ​ല്ലെ​ങ്കി​ൽ പ​ത്തു കി​ലോ​ഗ്രാ​മി​ൽ താ​ഴെ തൂ​ക്കം അ​തു​മ​ല്ലെ​ങ്കി​ൽ 50 സെ​ന്‍റി​മീ​റ്റ​റി​ൽ താ​ഴെ ഉ​യ​ര​മു​ള്ള കു​ട്ടി​ക​ളാ​ണ് ഈ ​വി​ഭാ​ഗ​ത്തി​ൽ​പ്പെ​ടു​ന്ന​ത്. പി​ന്നോ​ട്ട് നോ​ക്കി ഇ​രി​ക്കു​ന്ന വി​ധ​ത്തി​ലാ​ണ് വാ​ഹ​ന​ത്തി​ൽ ഇ​ൻ​ഫ​ന്‍റ് സീ​റ്റു​ക​ൾ ഘ​ടി​പ്പി​ക്കേ​ണ്ട​ത്. ക​ഴു​ത്തി​ലെ പേ​ശി​ക​ൾ വ​ള​ർ​ന്നു​കൊ​ണ്ടി​രി​ക്കു​ന്ന പ്രാ​യ​മാ​യ​തി​നാ​ൽ പി​ന്നോ​ട്ട് തി​രി​ഞ്ഞി​രി​ക്കു​ന്ന​താ​ണ് സു​ര​ക്ഷി​തം. ബാ​സ്ക​റ്റ് പോ​ലി​രി​ക്കു​ന്ന സീ​റ്റ് ആ​യ​തി​നാ​ൽ കു​ട്ടി​യെ സീ​റ്റോ​ടെ പു​റ​ത്തെ​ടു​ക്കാ​നും ക​ഴി​യും. ചി​ല ക​മ്പ​നി​ക​ളാ​വ​ട്ടെ ഇ​ത്ത​രം സീ​റ്റു​ക​ൾ​ക്കൊ​പ്പം സ്‌​ട്രോ​ള​ർ സെ​റ്റും അ​വ​ത​രി​പ്പി​ച്ചി​ട്ടു​ണ്ട്.

2. റ്റോ​ഡ്‌​ലേ​ഴ്സ് സീ​റ്റു​ക​ൾ
ഒ​രു വ​യ​സി​നു മു​ക​ളി​ലു​ള്ള കു​ട്ടി​ക​ൾ​ക്കാ​യി ഫ്ര​ണ്ട് ഫേ​സിം​ഗ് സീ​റ്റു​ക​ൾ ഉ​പ​യോ​ഗി​ക്കാം. പെ​ട്ടെ​ന്നു​ള്ള ബ്രേ​ക്കിം​ഗി​ൽ​പോ​ലും കു​ട്ടി മു​ന്നോ​ട്ട് ഒ​രുപാ​ട് ആ​യാ​തെ സം​ര​ക്ഷി​ക്കാ​ൻ ഇ​ത്ത​രം സീ​റ്റു​ക​ൾ​ക്കു ക​ഴി​യും. ഹെ​വി പാ​ഡിം​ഗ്, ക​ഴു​ത്തി​നു ചു​റ്റു​മു​ള്ള സോ​ഫ്റ്റ് ബ്രേ​സു​ക​ളും കു​ട്ടി​ക​ൾ​ക്ക് കൂ​ടു​ത​ൽ സു​ര​ക്ഷി​ത​ത്വം ന​ല്കും. യാ​ത്ര​യ്ക്കി​ടെ കു​ട്ടി​ക​ൾ​ക്ക് സു​ഖ​നി​ദ്ര ന​ല്കാ​നും ഈ ​സീ​റ്റു​ക​ൾ​ക്കാ​കും.

3. കൃ​ത്യ​മാ​യ ഉ​പ​യോ​ഗം
കു​ട്ടി​ക​ൾ​ക്ക് ആ​വ​ശ്യ​മാ​യ സീ​റ്റു​ക​ൾ വാ​ങ്ങി​യാ​ൽ മാ​ത്രം പോ​രാ, അ​ത് കൃ​ത്യ​മാ​യി ഉ​പ​യോ​ഗി​ക്കാ​നും ശ്ര​ദ്ധി​ക്ക​ണം. ആ​ദ്യം കാ​റി​ന്‍റെ സീ​റ്റ്ബെ​ൽ​റ്റ് സം​വി​ധാ​ന​ത്തി​ൽ കു​ട്ടി​ക​ളു​ടെ സീ​റ്റ് സു​ര​ക്ഷി​ത​മാ​യി ഉ​റ​പ്പി​ക്ക​ണം. അ​ല്ലാ​ത്ത​പ​ക്ഷം സ​ഡ​ൻ ബ്രേ​ക്കി​ൽ അ​പ​ക​ട​ക​ര​മാ​യ വി​ധ​ത്തി​ൽ സീ​റ്റ് ഉ​ൾ​പ്പെ​ടെ തെ​റി​ച്ചു​പോ​കും.

കു​ട്ടി​യെ ഇ​രു​ത്തി​യാ​ൽ ചൈ​ൽ​ഡ് സീ​റ്റി​ലെ സ്ട്രാ​പ്പു​ക​ൾ ഉ​പ​യോ​ഗി​ച്ചി​രി​ക്ക​ണം. അ​ല്ലാ​ത്ത​പ​ക്ഷം സീ​റ്റ് ഉ​പ​കാ​ര​പ്പെ​ടി​ല്ല.
എ​പ്പോ​ഴും ചൈ​ൽ​ഡ് സേ​ഫ്റ്റി സീ​റ്റു​ക​ൾ വാ​ഹ​ന​ത്തി​ന്‍റെ പി​ൻ​സീ​റ്റി​ൽ ഉ​റ​പ്പി​ക്കാ​ൻ ശ്ര​ദ്ധി​ക്കു​ക. ഒ​രു കാ​ര​ണ​വ​ശാ​ലും കോ-​ഡ്രൈ​വ​ർ സീ​റ്റി​ൽ ചൈ​ൽ​ഡ് സേ​ഫ്റ്റി സീ​റ്റ് ഉ​റ​പ്പി​ക്ക​രു​ത്. ഇ​നി ഉ​റ​പ്പി​ക്കേ​ണ്ടി​വ​ന്നാ​ൽ ആ ​സൈ​ഡി​ലെ എ​യ​ർ​ബാ​ഗ് ഡി​സേ​ബി​ൾ ചെ​യ്തി​രി​ക്ക​ണം.
സീ​റ്റു​ക​ൾ വാ​ങ്ങു​ന്പോ​ൾ വി​ല​യി​ൽ ക​ടും​പി​ടുത്തം അരു​ത്. കൈ​യി​ലൊ​തു​ങ്ങു​ന്ന വി​ല​യി​ൽ ഏ​റ്റ​വും മി​ക​ച്ച​ത് വാ​ങ്ങാ​ൻ ശ്ര​ദ്ധി​ക്ക​ണം. "പ​ണ​മ​ല്ല കു​ട്ടി​ക​ളു​ടെ സു​ര​ക്ഷ​'യാ​ണ​ല്ലോ വ​ലു​ത്.

4. ബൂ​സ്റ്റ​ർ സീ​റ്റു​ക​ൾ
സീ​റ്റ്ബെ​ൽ​റ്റ് ഉ​പ​യോ​ഗി​ക്കാ​നു​ള്ള ഉ​യ​രം ഇ​ല്ലാ​ത്ത കു​ട്ടി​ക​ൾ​ക്കു​വേ​ണ്ടി​യാ​ണ് ഇ​തു​പ​യോ​ഗി​ക്കു​ക. വാ​ഹ​ന​ത്തി​ന്‍റെ സീ​റ്റി​ൽ​നി​ന്ന് അ​ല്പം ഉ​യ​ര​ത്തി​ൽ ഇ​രി​ക്കാ​ൻ ഇ​ത് കു​ട്ടി​ക​ളെ സ​ഹാ​യി​ക്കു​ന്നു.

ചെ​യ്യാം, ചെ​യ്യാ​തി​രി​ക്കാം

1. ചൈ​ൽ​ഡ് സീ​റ്റി​ൽ കു​ട്ടി​ക​ളെ യ​ഥാ​യോ​ഗ്യം ഇ​രു​ത്താം.
2. ലാ​പ് ബെ​ൽ​റ്റ് ഇ​ടു​പ്പെ​ല്ലി​നു കു​റു​കെ ബ​ന്ധി​ക്കാം. വ​യ​റി​നു ചു​റ്റു​മാ​ക​രു​ത്.
3. കു​ട്ടി​ക​ളു​ടെ പോ​ക്ക​റ്റു​ക​ളി​ൽ കൂ​ർ​ത്ത​തും മൂ​ർ​ച്ച​യേ​റി​യ​തു​മാ​യ വ​സ്തു​ക്ക​ൾ ഇ​ല്ലെ​ന്ന് ഉ​റ​പ്പു​വ​രു​ത്ത​ണം.
4. ചൈ​ൽ​ഡ് സീ​റ്റ് ബെ​ൽ​റ്റ് ഘ​ടി​പ്പി​ക്കു​ന്പോ​ൾ കു​ട്ടി​ക്ക് ബു​ദ്ധി​മു​ട്ടു​ണ്ടാ​വു​ന്നി​ല്ലെ​ന്ന് ഉ​റ​പ്പു​വ​രു​ത്ത​ണം.
5. സ്ട്രാ​പ്പു​ക​ളു​ടെ പാ​ഡിം​ഗ് കു​ട്ടി​യു​ടെ തോ​ളി​ൽ കൃ​ത്യ​മാ​യാ​ണോ ഇ​രി​ക്കു​ന്ന​തെ​ന്ന് ശ്ര​ദ്ധി​ക്ക​ണം.
6. എ​ല്ലാ പ്രാ​യ​ത്തി​ലു​മു​ള്ള കു​ട്ടി​ക​ൾ​ക്കും ഏ​റ്റ​വും അ​നു​യോ​ജ്യം പി​ൻ​സീ​റ്റ് യാ​ത്ര​യാ​ണ്.
7. ഇ​ൻ​ഫ​ന്‍റ് സീ​റ്റു​ക​ൾ​ക്ക് 45 ഡി​ഗ്രി ചെ​രി​വു​ണ്ടാ​യി​രി​ക്ക​ണം.
8. ചൈ​ൽ​ഡ് സീ​റ്റ് ബെ​ൽ​റ്റു​ക​ൾ കൃ​ത്യ​മാ​യ ഇ​ട​വേ​ള​ക​ളി​ൽ പ​രി​ശോ​ധി​ക്ക​ണം. പൊ​ട്ടു​ന്ന അ​വ​സ്ഥ ശ്ര​ദ്ധ​യി​ൽ​പ്പെ​ട്ടാ​ൽ അ​റ്റ​കു​റ്റ​പ്പ​ണി ന​ട​ത്ത​ണം.

9. ബൂ​സ്റ്റ​ർ കു​ഷ്യ​നു പ​ക​രം സാ​ധാ​ര​ണ കു​ഷ്യ​നു​ക​ൾ ഉ​പ​യോ​ഗി​ക്ക​രു​ത്. കു​ട്ടി​ക​ൾ​ക്ക് അ​ത് കൂ​ടു​ത​ൽ അ​പ​ക​ടം വ​രു​ത്തി​വ​യ്ക്കും.

10. ചൈ​ൽ​ഡ് സീ​റ്റു​ക​ളു​ടെ ആ​വ​ശ്യ​ക​ത കു​ട്ടി​ക​ളെ പ​റ​ഞ്ഞു ബോ​ധ്യ​പ്പെ​ടു​ത്ത​ണം. ഓ​രോ യാ​ത്ര​യും ആ​ന​ന്ദ​ക​ര​വും സു​ര​ക്ഷി​ത​വു​മാ​യി​രി​ക്കാ​ൻ ചൈ​ൽ​ഡ് സീ​റ്റു​ക​ൾ സ​ഹാ​യി​ക്കു​മെ​ന്ന് കു​ട്ടി​ക​ൾ​ക്കു ബോ​ധ്യ​പ്പെ​ട​ണം.

സു​ര​ക്ഷി​ത​മാ​യ യാ​ത്ര​യ്ക്ക്
യാ​ത്ര​യ്ക്കി​ടെ കു​ട്ടി​ക​ൾ​ക്ക് ഭ​ക്ഷ​ണ​പാ​നീ​യ​ങ്ങ​ൾ ഉ​പ​യോ​ഗി​ക്കാ​നു​ള്ള പ്ര​വ​ണ​ത കൂ​ടും. അ​ത്ത​രം ആ​വ​ശ്യ​ങ്ങ​ളെ അ​വ​ഗ​ണി​ക്കു​ക. ജ​ങ്ക്ഫു​ഡു​ക​ൾ ഉ​പ​യോ​ഗി​ച്ചാ​ൽ കു​ട്ടി​ക​ൾ​ക്ക് അ​സി​ഡി​റ്റി​യു​ണ്ടാ​യി വാ​ഹ​ന​യാ​ത്ര അ​രോ​ച​ക​മാ​കും.
Copyright @ 2022 , Rashtra Deepika Ltd.