കൊച്ചി: ഇരുചക്ര-മുച്ചക്ര വാഹന നിർമാതാക്കളായ ടിവിഎസ് മോട്ടോർ കന്പനി, ടിവിഎസ് ജുപീറ്റർ ഗ്രാൻഡ് വിപണിയിൽ അവതരിപ്പിച്ചു. പൊസിഷൻ ലാംപോടുകൂടിയ എൽഇഡി ടെക്ഹെഡ് ലാന്പ്, ഡിജിറ്റൽ അനലോഗ് മീറ്റർ, ഡയമണ്ട് കട്ട് അലോയ് വീലുകൾ, അഡ്ജസ്റ്റബിൾ ഷോക്സ് എന്നിവയാണ് പ്രധാന ഫീച്ചറുകൾ.
ടിവിഎസ് ജുപീറ്റർ ബേസ്, സെഡ്എക്സ് (ഡിസ്ക് ആൻഡ് ഡ്രം), ക്ലാസിക് എന്നീ മൂന്ന് വേരിയന്‍റുകളിൽ വാഹനം ലഭ്യമാണ്. സെഡ്എക്സ് റോയൽ വൈൻ, മാറ്റ് ബ്ലൂ, സ്റ്റാലിയണ്‍ ബ്രൗണ്‍, ടൈറ്റാനിയം ഗ്രേ, മിഡ്നൈറ്റ് ബ്ലാക്ക്, വോൾക്കാനോ റെഡ്, പ്രിസ്റ്റൈൻ വൈറ്റ്, മിസ്റ്റിക് ഗോൾഡ് എന്നീ നിറങ്ങളിൽ ലഭിക്കുന്പോൾ സണ്‍ലിറ്റ് ഐവറി, ഓട്ടം ബ്രൗൺ നിറങ്ങളിൽ ക്ലാസിക് വേരിയന്‍റ് ലഭ്യമാണ്.
വില: ഡിസ്ക് 59,648 രൂപ, ഡ്രം 55,936 രൂപ (എക്സ് ഷോറൂം).