മോട്ടോർസൈക്കിൾ വിഭാഗത്തിൽ കൂടുതൽ ആവേശം നിറച്ചുകൊണ്ട് ഹോണ്ട പുതിയ 160സിസി സ്പോർട്ടി എക്സ്-ബ്ലേഡ് അവതരിപ്പിച്ചു. ഡൽഹിയിലെ എക്സ്-ഷോറൂം വില 87,776 രൂപ.
150-180സിസി മോട്ടോർസൈക്കിൾ വിഭാഗത്തിൽ ഹോണ്ടയുടെ സ്ഥാനം ശക്തിപ്പെടുത്തുന്ന എക്സ്-ബ്ലേഡ് രൂപകൽപ്പനയിലൂം സാങ്കേതിക വിദ്യയിലും മികച്ചു നിൽക്കുന്നുവെന്നും നൂതനമായ ഉൽപ്പന്നങ്ങളും ആധുനിക സാങ്കേതിക വിദ്യകളും അവതരിപ്പിച്ചുകൊണ്ട് ഇന്ത്യയിലെ ടൂവീലർ റൈഡിങിനെ ഹോണ്ട മാറ്റിമറിക്കുമെന്നും ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യ പ്രസിഡന്‍റും സിഇഒയുമായ മിനോരു കാറ്റോ പറഞ്ഞു.
എൽഇഡി ഹെഡ് ലാന്പ്, 162.71സിസി എച്ച്ഇടി എഞ്ചിൻ, 8500 ആർപിഎമ്മിൽ 13.93 ബിഎച്ച്പി കരുത്ത്, 6000ആർപിഎമ്മിൽ 13.9 എൻഎം ടോർക്ക്, വേഗത്തിലുള്ള ആക്സിലറേഷൻ, നീളമേറിയ സീറ്റ്, സീൽ ചെയിൻ, ഹസാർഡ് സ്വിച്ച്, ഡിജിറ്റൽ മീറ്റർ, ഡിജിറ്റൽ ക്ലോക്ക്, ഗിയർ പൊസിഷൻ ഇൻഡിക്കേറ്റർ തുടങ്ങിയ സവിശേഷതകളുമുണ്ട്.
മാറ്റ് മാർവൽ ബ്ലൂ മെറ്റാലിക്, മാറ്റ് ഫ്രോസണ് സിൽവർ മെറ്റാലിക്, പേൾ സ്പാർട്ടൻ റെഡ്, പേൾ ഇഗിനിയസ് ബ്ലാക്ക്, മാറ്റ് മാർഷൽ ഗ്രീൻ മെറ്റാലിക് എന്നിങ്ങനെ അഞ്ചു സ്പോർട്ടി നിറങ്ങളിൽ എക്സ്-ബ്ലേഡ് ലഭ്യമാണ്.