കൊ​ല്ല​പ്പെ​ട്ട​താ​ര്, കൊ​ന്ന​താ​ര് ..?
Friday, November 16, 2018 2:35 PM IST
സം​സ്ഥാ​ന​ത്തെ നി​ര​വ​ധി കൊ​ല​പാ​ത​ക​ങ്ങ​ളി​ല്‍ തു​മ്പി​ല്ലാ​തെ പോ​ലീ​സ് അ​ല​യു​ന്നു​ണ്ട്.​അ​തി​ല്‍ ഏ​റ്റ​വും മു​ന്‍​പ​ന്തി​യി​ലാ​ണ് കോ​ഴി​ക്കോ​ട് മു​ക്ക​ത്ത് ന​ട​ന്ന കൊ​ല​പാ​ത​കം.​ആ​ദ്യം ലോ​ക്ക​ല്‍ പോ​ലീ​സും പി​ന്നീ​ട് ക്രൈം​ബ്രാ​ഞ്ചും ‘ത​ല​കു​ത്തി' നി​ന്നി​ട്ടും ഇ​തു​വ​രെ പ്ര​തി​ക​ളെ ക​ണ്ടെ​ത്താ​നാ​യി​ട്ടി​ല്ല, എ​ന്ന​തു​പോ​ട്ടെ കൊ​ല്ല​പ്പെ​ട്ട​താ​രെ​ന്നു​പോ​ലും മ​ന​സി​ലാ​യി​ട്ടി​ല്ല. ചാ​ക്കി​ല്‍ കെ​ട്ടി ശ​രീ​ര​ത്തി​ന്‍റെ അ​വ​ശി​ഷ്ട​ങ്ങ​ള്‍ വി​വി​ധ സ്ഥ​ല​ങ്ങ​ളി​ലാ​യി കൊ​ണ്ടി​ടു​ക​യെ​ന്ന ‘നൂ​ത​ന' കൊ​ല​പാ​ത​ക രീ​തി​യാ​ണ് ഇ​വി​ടെ പോ​ലീ​സി​നെ കു​ഴ​ക്കി​യ​ത്.

ഇ​പ്പോ​ള്‍ അ​ന്വേ​ഷ​ണം ന​ട​ക്കു​ന്നു​ണ്ടോ എ​ന്നു​ചോ​ദി​ച്ചാ​ല്‍ ‘ആ' ​എ​ന്ന ഒ​ഴു​ക്ക​ന്‍ മ​ട്ടി​ലു​ള്ള മ​റു​പ​ടി​യാ​ണ് ക്രൈം ​ബ്രാ​ഞ്ച് സം​ഘം ന​ല്‍​കു​ന്ന​ത്. കാ​ര​ണം എ​വി​ടെ തു​ട​ങ്ങ​ണ​മെ​ന്നോ എ​വി​ടെ​അ​വ​സാ​നി​പ്പി​ക്ക​ണ​മെ​ന്നോ​ അ​റി​യാ​തെ ഉ​ഴ​ലു​ക​യാ​ണി​വ​ര്‍. പു​തി​യ തെ​ളി​വു​ക​ള്‍ എ​ന്തെ​ങ്കി​ലും ല​ഭി​ച്ചാ​ല്‍ അ​ത് പി​ടി​വ​ള്ളി​യാ​ക്കാ​മെ​ന്നു​മാ​ത​മാ​ണ് പോ​ലീ​സ് ഇ​പ്പോ​ള്‍ ചി​ന്തി​ക്കു​ന്ന​ത്. അ​തേ​സ​മ​യം നാ​ട്ടു​കാ​രു​ടെ അ​വ​സ്ഥ​യോ, പ​ല​രും പ​തി​വാ​യി ഉ​പ​യോ​ഗി​ച്ചി​രു​ന്ന വ​ഴി​യി​ലൂ​ടെ ന​ട​ക്കാ​താ​യി. അ​ങ്ങ​നെ നാ​ട്ടി​ലാ​കെ പ്ര​തി​സ​ന്ധി​യു​ണ്ടാ​ക്കു​ന്ന ത​ര​ത്തി​ലേ​ക്ക് സം​ഭ​വം വ​ള​ര്‍​ന്നു.

സം​ഭ​വം ഇ​ങ്ങ​നെ...

2017 ജൂ​ണ്‍ ആ​റി​ന് കൃ​ത്യ​മാ​യി പ​റ​ഞ്ഞാ​ല്‍ ഒ​ന്ന​ര​വ​ര്‍​ഷം മു​ന്‍​പ് വൈ​കി​ട്ട് കാ​ര​ശേ​രി ഗേ​റ്റും പ​ടി തൊ​ണ്ടി​മ്മ​ല്‍ റോ​ഡി​ല്‍ റ​ബ്ബ​ര്‍ എ​സ്‌​റ്റേ​റ്റി​ന് സ​മീ​പ​ത്തെ ആ ​കാ​ഴ്ച ക​ണ്ട് ഗ്രാ​മ​പ്ര​ദേ​ശ​ത്തെ നാ​ട്ടു​കാ​ര്‍ ഞെ​ട്ടി​ത്തരി​ച്ചു​പോ​യി. മ​ല​യോ​ര​ഗ്രാ​മ​ത്തി​ല്‍ ക​ണ്ടി​ട്ടും കേ​ട്ടി​ട്ടും ഇ​ല്ലാ​ത്ത കാ​ര്യ​മാ​യി​രു​ന്നു ഇ​ത്. മാ​ലി​ന്യ​ക്കൂ​മ്പാ​ര​ത്തി​നി​ട​യി​ലാണ് ചാ​ക്കു​കെ​ട്ട് ക​ണ്ടെ​ത്തി​യ​ത്.

ദു​ര്‍​ഗ​ന്ധം കൂ​ടി​യ​പ്പോ​ള്‍ കോ​ഴി മാ​ലി​ന്യ​മെ​ന്ന് ആ​ദ്യം ക​രു​തി.സം​ശ​യ​ത്തി​നി​ടെ നാ​ട്ടു​കാ​ര്‍ ഇ​ട​പെ​ട്ട് ചാ​ക്ക് പൊ​ളി​ച്ചു.​പോ​ലീ​സി​ന്‍റെ​യും ഡോ​ക്ട​ര്‍​മാ​രു​ടെ​യും പ​രി​ശോ​ധ​ന​യി​ല്‍ പു​രു​ഷ മൃ​ത​ദേ​ഹ​മെ​ന്ന് തി​രി​ച്ച​റി​ഞ്ഞു. നാ​ട്ടു​കാ​രു​ടെ നെ​ഞ്ചി​ടി​പ്പും ഏ​റി.

ചാ​ക്കി​ല്‍ കെ​ട്ടി​യ നി​ല​യി​ല്‍ മ​നു​ഷ്യ​ന്‍റെ ക​യ്യും കാ​ലും ത​ല​യു​മി​ല്ലാ​ത്ത ശ​രീ​രാ​വ​ശി​ഷ്ടം ഉ​പേ​ക്ഷി​ച്ചി​രി​ക്കു​ന്നു. ക​ണ്ട​വ​രും കേ​ട്ട​വ​രും ഒ​രു​പോ​ലെ ന​ടു​ങ്ങി. ദു​ര്‍​ഗ​ന്ധം വ​മി​ച്ച നി​ല​യി​ലു​ള്ള മൃ​ത​ദേ​ഹം പോ​ലീ​സെ​ത്തി​യാ​ണ് പ​രി​ശോ​ധി​ച്ച​ത്. ആ​ദ്യം നാ​ട്ടു​കാ​രി​ലാ​രു​ടേ​തെ​ങ്കി​ലും ആ​ണെ​ന്നാ​യി​രു​ന്നു ചി​ന്തി​ച്ചി​രു​ന്ന​ത്. ആ ​വ​ഴി​ക്കാ​യി​രു​ന്നു അ​ന്വേ​ഷ​ണ​വും. പ​ക്ഷെ നാ​ട്ടി​ലാ​രു​ടേ​തു​മ​ല്ലെ​ന്ന് അ​ന്വേ​ഷ​ണ​ത്തി​ല്‍ വ്യ​ക്ത​മാ​യി. ഇ​തോ​ടെ കേ​സ് അ​ന്വേ​ഷി​ച്ച ലോ​ക്ക​ല്‍ പോ​ലീ​സി​ന് സ​മ്മ​ര്‍​ദ​വു​മാ​യി. അ​ന്വേ​ഷ​ണം മു​ന്നോ​ട്ടു​പോ​കു​ന്ന​തി​നി​ടെ ജൂ​ണ്‍ 28-ന് ​പോ​ലീ​സി​ന് ആ​ശ്വാ​സം ന​ല്‍​കു​ന്ന വാ​ര്‍​ത്ത​യെ​ത്തി.​ കാ​ത​ങ്ങ​ള്‍ അ​ക​ലെ ചാ​ലി​യം ക​ട​ല്‍ തീ​ര​ത്ത് നി​ന്ന് മൃ​ത​ദേ​ഹ​ത്തി​ന്‍റെ വെ​ട്ടി​മാ​റ്റി​യ കൈ​ക​ള്‍ ല​ഭി​ച്ചു എ​ന്ന​വാ​ര്‍​ത്ത​യാ​യി​രു​ന്നു അ​ത്. തു​ട​ര്‍​ന്ന് വീ​ണ്ടും അ​ന്വേ​ഷ​ണം...അ​ന്ന​ത്തെ കൊ​ടു​വ​ള്ളി സി​ഐ എ​ന്‍. ബി​ശ്വാ​സി​ന്‍റെ നേ​തൃ​ത്വ​ത്തി​ലുള്ള അ​ന്വേ​ഷ​ണ സം​ഘ​ത്തി​ല്‍ മു​ക്ക​ത്തെ പ്ര​മാ​ദ​മാ​യ ജ്വ​ല്ല​റി മോ​ഷ​ണ​ക്കേ​സി​ലെ മൂ​ന്ന് പ്ര​തി​ക​ളെ വി​വി​ധ സം​സ്ഥാ​ന​ങ്ങ​ളി​ല്‍ പോ​യി പി​ടി​കൂ​ടി​യ സം​ഘ​ത്തി​ലെ പോ​ലീ​സു​കാ​രു​ള്‍​പ്പെ​ട്ട വി​ദ​ഗ്ധരും ​ഉ​ണ്ടാ​യി​രു​ന്നു. എ​ന്നാ​ല്‍ മോ​ഷ​ണക്കേ​സു​ക​ള്‍ പോ​ലെ​യ​ല്ല, ഇ​തെ​ന്ന് പോ​ലീ​സി​ന് വ്യ​ക്ത​മാ​യി. തെ​ളി​വു​ക​ള്‍ ഒ​ന്നൊ​ന്നാ​യി അ​ട​ഞ്ഞു...

പു​തി​യ​തെ​ളി​വു​ക​ള്‍ കാ​ത്ത്...

സം​ഭ​വം ന​ട​ന്ന് ഒ​ന്ന​ര വ​ര്‍​ഷ​ം കേ​സ് തെ​ളി​യി​ക്കു​ന്ന​തി​നാ​വ​ശ്യ​മാ​യ തെ​ളി​വൊ​ന്നും അ​ന്വേ​ഷ​ണ സം​ഘ​ത്തി​ന് ല​ഭി​ച്ചി​ട്ടി​ല്ല. ഒ​രു വ​ര്‍​ഷ​ത്തോ​ളം ലോ​ക്ക​ല്‍ പോ​ലീ​സ് അ​ന്വേ​ഷി​ച്ച കേ​സ് ഇ​പ്പോ​ള്‍ ക്രൈം​ബ്രാ​ഞ്ചാ​ണ് അ​ന്വേ​ഷി​ക്കു​ന്ന​ത്. മ​രി​ച്ച​ത് ആ​രാ​ണ​ന്ന് പോ​ലും ഇ​തു​വ​രെ ക​ണ്ടെ​ത്താ​ന്‍ അ​ന്വേ​ഷ​ണ ഏ​ജ​ന്‍​സി​ക​ള്‍​ക്കാ​യി​ട്ടി​ല്ല.


സാ​ഹ​ച​ര്യ തെ​ളി​വു​ക​ള്‍ പോ​ലും ല​ഭി​ക്കാ​ത്ത കേ​സാ​യ​തി​നാ​ലും മ​റ്റു ശ​രീ​രാ​വ​ശി​ഷ്ട​ങ്ങ​ള്‍ ഇ​തു​വ​രെ ക​ണ്ടെ​ത്താ​ന്‍ ക​ഴി​യാ​ത്ത​തി​നാ​ലും അ​ന്വേ​ഷ​ണ സം​ഘം ക​ടു​ത്ത പ്ര​തി​സ​ന്ധി​യാ​ണ് നേ​രി​ടു​ന്ന​ത്. തു​ട​ക്ക​ത്തി​ല്‍ 2017 ജൂ​ണ്‍ ഒ​ന്നു മു​ത​ല്‍​കാ​ണാ​താ​യ​വ​രെ പ​റ്റി ന​ട​ത്തി​യ അ​ന്വേ​ഷ​ണ​ത്തി​ല്‍ കേ​സ​ന്വേ​ഷ​ണ​ത്തി​ന് സ​ഹാ​യ​ക​മാ​യ യാ​തൊ​രു തെ​ളി​വും പോ​ലീ​സി​ന് ല​ഭി​ച്ചി​ട്ടി​ല്ല. മാ​ത്ര​മ​ല്ല സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ല്‍ ഇ​ത് സം​ബ​ന്ധി​ച്ച അ​റി​യി​പ്പു​ക​ള്‍ ന​ല്‍​കി​യി​ട്ടും കാ​ര്യ​മാ​യ പ്ര​തി​ക​ര​ണ​ങ്ങ​ള്‍ ഉ​ണ്ടാ​യി​ട്ടി​ല്ല. കേ​സു​മാ​യി ബ​ന്ധ​പ്പെ​ട്ട് സം​സ്ഥാ​ന​ത്തെ ഒ​ട്ടു​മി​ക്ക പോ​ലീ​സ് സ്‌​റ്റേ​ഷ​നു​ക​ളി​ലു​മെ​ത്തി അ​ന്വേ​ഷ​ണ സം​ഘം കാ​ണാ​താ​യ​വ​രു​ടെ ക​ണ​ക്കെ​ടു​ത്തി​ട്ടു​ണ്ട്. എ​ന്നാ​ല്‍ ഈ ​നീ​ക്ക​വും ഗു​ണം ചെ​യ്തി​ല്ല. അ​ഞ്ചോ​ളം മി​സിം​ഗ് കേ​സു​ക​ള്‍ നോ​ക്കി​യ​ങ്കി​ലും ക​ണ്ടെ​ടു​ത്ത ശ​രീ​രാ​വ​ശി​ഷ്ട​വു​മാ​യി ഇ​തി​ന് യാ​തൊ​രു ബ​ന്ധ​വു​മി​ല്ല. സം​ഭ​വ ദി​വ​സ​ത്തേ​യും സ​മീ​പ ദി​വ​സ​ങ്ങ​ളി​ലേ​യും നി​ര​വ​ധി ഫോ​ണ്‍ കോ​ളു​ക​ള്‍ കേ​ന്ദ്രീ​ക​രി​ച്ചും പോ​ലീ​സ് അ​ന്വേ​ഷ​ണം ന​ട​ത്തി​യെങ്കി​ലും അ​തും അ​ന്വേ​ഷ​ണ​ത്തി​ന് സ​ഹാ​യ​ക​മാ​യ രീ​തി​യി​ല്‍ വി​ജ​യി​ച്ചി​ല്ല.​ഇ​ത​ര സം​സ്ഥാ​ന തൊ​ഴി​ലാ​ളി​ക​ളെ കേ​ന്ദ്രീ​ക​രി​ച്ചാ​ണ് ഇ​പ്പോ​ഴും അ​ന്വേ​ഷ​ണം പു​രോ​ഗ​മി​ക്കു​ന്ന​ത്.

അ​തേ​സ​മ​യം പു​രു​ഷ മൃ​ത​ദേ​ഹം ക​ണ്ടെ​ത്തി​യ​തി​ന് പ​തി​നെ​ട്ട് കി​ലോ​മീ​റ്റ​ര്‍ മാ​ത്രം അ​ക​ലെ ര​ണ്ടു​മാ​സ​ത്തി​ന് ശേ​ഷം പ​റ​മ്പി​ല്‍ ബ​സാ​റി​ല്‍ പു​രു​ഷ​ന്‍റെ ക​ത്തി​ക്ക​രി​ഞ്ഞ മൃ​ത​ദേ​ഹ​വും ക​ണ്ടെ​ത്തി​യി​രു​ന്നു. അ​ടി​വ​സ്ത്ര​മൊ​ഴി​കെ മ​റ്റൊ​ന്നും ശ​രീ​ര​ത്തി​ല്‍ ശേ​ഷി​ച്ചി​രു​ന്നി​ല്ല. പ്ര​ത്യ​ക്ഷ​ത്തി​ല്‍ ഈ ​ര​ണ്ടു​സം​ഭ​വ​ങ്ങ​ള്‍ ത​മ്മി​ല്‍ ബ​ന്ധ​മൊ​ന്നു​മി​ല്ല. പ​ക്ഷെ ഈ ​ര​ണ്ടു​കേ​സു​ക​ളി​ലും ആ​രാ​ണ് കൊ​ല്ല​പ്പെ​ട്ട​തെ​ന്നോ, കാ​ര​ണ​ക്കാ​രാ​യ​വ​ര്‍ ആ​രെ​ന്നോ ഇ​തു​വ​രെ ക​ണ്ടെ​ത്താ​ന്‍ ക​ഴി​ഞ്ഞി​ട്ടി​ല്ല. ല​ഹ​രി​മാ​ഫി​യ, ഗു​ണ്ടാ​സം​ഘ​ങ്ങ​ളു​ടെ പ​ക​പോ​ക്ക​ല്‍ . ഇ​ത​ര​സം​സ്ഥാ​ന​ത്തൊ​ഴി​ലാ​ളി​ക​ളു​ടെ രേ​ഖ​യി​ല്ലാ​തെ​യു​ള്ള കൂ​ടു​മാ​റ്റം തു​ട​ങ്ങി​യ​വ​യെ​ല്ലാം അ​ന്വേ​ഷി​ക്കേ​ണ്ടി​വ​രു​ന്ന​ത് കാ​ല​താ​മ​സം ഉ​ണ്ടാ​ക്കു​ന്നു​വെ​ന്നാ​ണ് പോ​ലീ​സ് പ​റ​യു​ന്ന​ത്.

അ​ന്വേ​ഷ​ണം ഇ​ത​ര​സം​സ്ഥാ​ന​ങ്ങ​ളി​ലേ​ക്കും...

കേ​ര​ള​ത്തി​ലെ ഒ​ട്ടു​മി​ക്ക ജി​ല്ല​ളി​ലും എ​ത്തി അ​ന്വേ​ഷ​ണം ന​ട​ത്തി​യ പോ​ലീ​സ് പി​ന്നീ​ട് തു​മ്പു​തേ​ടി ഇ​ത​ര​സം​സ്ഥാ​ന​ങ്ങ​ളി​ലു​മെ​ത്തി. ബം​ഗാ​ള്‍, ഒ​ഡീഷ, ജാ​ര്‍​ഖ​ണ്ഡ് തു​ട​ങ്ങി​യ സം​സ്ഥാ​ന​ങ്ങ​ളി​ലേ​ക്കാ​ണ് അ​ന്വേ​ഷ​ണ സം​ഘം കേ​സ​ന്വേ​ഷ​ണ​ത്തി​നാ​യി പോ​യ​ത്. പോ​ലീ​സി​ന്‍റെ​യോ സം​സ്ഥാ​ന സ​ര്‍​ക്കാ​രി​ന്‍റെ​യോ അ​ടു​ത്ത് യാ​തൊ​രു രേ​ഖ​ക​ളു​മി​ല്ലാ​ത്ത ആ​യി​ര​ക്ക​ണ​ക്കി​ന് തൊ​ഴി​ലാ​ളി​ക​ളാ​ണ് ജി​ല്ല​യി​ലും മ​ല​യോ​ര മേ​ഖ​ല​യി​ലെ വി​വി​ധ സ്ഥ​ല​ങ്ങ​ളി​ലും ക​ഴി​യു​ന്ന​ത്. അ​തുകൊ​ണ്ട് ത​ന്നെ മ​ല​യോ​ര മേ​ഖ​ല​യി​ല്‍ ഇ​ത്ത​രം തൊ​ഴി​ലാ​ളി​ക​ളെ കൂ​ട്ട​ത്തോ​ടെ കൊ​ണ്ടുവ​ന്ന് പാ​ര്‍​പ്പി​ച്ചി​രി​ക്കു​ന്ന ആ​ളു​ക​ളി​ല്‍ നി​ന്നും പോ​ലീ​സ് വി​വ​ര​ങ്ങ​ള്‍ ശേ​ഖ​രി​ച്ചി​രു​ന്നു. ഇ​ത്ത​ര​ത്തി​ല്‍ സ​ക​ല മേ​ഖ​ല​ക​ളേ​യും ബ​ന്ധ​പ്പെ​ടു​ത്തി പോ​ലീ​സ് അ​ന്വേ​ഷ​ണം ന​ട​ത്തു​ന്നു​ണ്ടെങ്കി​ലും അ​ന്വേ​ഷ​ണ​ത്തി​ന് സ​ഹാ​യ​ക​മാ​യ​ യാ​തൊ​രു തെ​ളി​വും ഇ​തു​വ​രെ ല​ഭി​ച്ചി​ട്ടി​ല്ല. സ​മീ​പ പ്ര​ദേ​ശ​ങ്ങ​ളി​ലെ സി​സി​ടി​വി ദൃ​ശ്യ​ങ്ങ​ള്‍ പ​രി​ശോ​ധി​ച്ച​ങ്കി​ലും പ​രാ​ജ​യ​പ്പെ​ടു​ക​യാ​യി​രു​ന്നു.

മു​ക്ക​ത്ത് നി​ന്ന് ല​ഭി​ച്ച ശ​രീ​രാ​വ​ശി​ഷ്ട​വും ചാ​ലി​യം ക​ട​ല്‍ തീ​ര​ത്ത് നി​ന്ന് ല​ഭി​ച്ച മ​നു​ഷ്യ​ന്‍റെ കൈ​ക​ളും ഒ​രാ​ളു​ടേ​താ​ണ​ന്ന് മ​ന​സി​ലാ​യി​ട്ടു​ണ്ട് എ​ന്ന​ത് മാ​ത്ര​മാ​ണ് അ​ന്വേ​ഷ​ണ​ത്തി​ലെ ഏ​ക പു​രോ​ഗ​തി. മൃ​തദേ​ഹാ​വ​ശി​ഷ്ട​ങ്ങ​ള്‍ വി​വി​ധ സ്ഥ​ല​ങ്ങ​ളി​ല്‍ നി​ന്ന് കി​ട്ടി​യ സാ​ഹ​ച​ര്യ​ത്തി​ല്‍ ആ​സൂ​ത്രി​ത കൊ​ല​പാ​ത​ക​മാ​ണെ​ന്ന് പോ​ലീ​സ് ക​രു​തു​ന്നു​ണ്ടെങ്കി​ലും പ്ര​തി​ക​ള്‍ ഇ​പ്പോ​ഴും കാ​ണാ​മ​റ​യ​ത്ത് ത​ന്നെ​യാ​ണ് .

സ്വ​ന്തം ലേ​ഖ​ക​ന്‍

Copyright @ 2022 , Rashtra Deepika Ltd.