പോറ്റച്ഛനെക്കുറിച്ച്.......
Monday, July 1, 2019 4:35 PM IST
കേ​ഴാ​ൻ മാ​ത്ര​മേ ഇ​നി ക​ഴി​യൂ..​ര​ക്ഷ​ക​നാ​യും കൂ​ട്ടാ​യും താ​ങ്ങും ത​ണ​ലു​മാ​യും ഇ​നി ഈ ​കാ​ട്ടി​ൽ പോ​റ്റ​ച്ഛ​നി​ല്ലെ​ന്നോ​ർ​ക്കു​ന്പോ​ൾ കേ​ഴാ​ൻ മാ​ത്രം...​കേ​ഴാ​ൻ മാ​ത്ര​മേ ക​ഴി​യൂ....

തീ​റ്റ​യു​മാ​യി പാ​റി​പ്പ​റ​ന്നു​വ​രു​ന്ന​തി​നി​ടെ റോ​ഡി​ലൂ​ടെ അ​തി​വേ​ഗം പ​റ​ന്ന ഏ​തോ വ​ണ്ടി​യി​ടി​ച്ച് വ​ഴി​യ​രി​കി​ൽ കി​ട​ന്ന് പ്രാ​ണ​ൻ വെ​ടി​ഞ്ഞ എ​ന്‍റെ അ​ച്ഛ​ൻ വേ​ഴാ​ന്പ​ലി​നെ ഞാ​ൻ ക​ണ്ടി​ട്ടു​പോ​ലു​മി​ല്ല. കേ​ട്ട​റി​വേ​യു​ള്ളു. പ​ക്ഷെ പോ​റ്റ​ച്ഛ​നെ ഞാ​ൻ ക​ണ്ടി​ട്ടു​ണ്ട്. വി​ശ​ന്നു​വ​ല​ഞ്ഞ് പ്രാ​ണ​ൻ ഉ​ട​ലി​ൽ​നി​ന്ന് വേ​ർ​പെ​ടു​മെ​ന്ന് തോ​ന്നി​യ നി​മി​ഷ​ത്തി​ൽ ഞാ​വ​ൽപ്പ​ഴ​ങ്ങ​ൾ കൂ​ട്ടി​ലേ​ക്ക് പ​തി​യെ​വ​ച്ചു ത​ന്ന പോ​റ്റ​ച്ഛ​നെ അ​ന്നാ​ണ് ഞാ​നാ​ദ്യ​മാ​യി ക​ണ്ട​ത്....

ഞാ​നും പാ​വം അ​മ്മ വേ​ഴാ​ന്പ​ലും തീ​റ്റ കി​ട്ടാ​തെ വ​ല​യു​ന്പോ​ൾ ഞ​ങ്ങ​ളു​ടെ കൂ​ടു​ക​ണ്ടെ​ത്തി തേ​ടി​വ​ന്ന പോ​റ്റ​ച്ഛ​ന്‍റെ ക​ഥ​യ​റി​യാ​മോ... കാ​ടാ​ണ് ആ ​ക​ഥ​യെ​നി​ക്ക് പ​റ​ഞ്ഞു ത​ന്ന​ത്...​കാ​ടി​ന്‍റെ മ​ക്ക​ൾ ഈ ​ക​ഥ ഇ​പ്പോ​ഴും പാ​ടി​ന​ട​ക്കു​ന്നു...​ആ ക​ഥ​യി​ൽ ഞാ​നു​ണ്ട്...​എ​ന്‍റെ​യ​മ്മ​ക്കി​ളി​യു​ണ്ട്....​ഞാ​ൻ കാ​ണാ​തെ പോ​യ എ​ന്‍റെ​യ​ച്ഛ​ൻ വേ​ഴാ​ന്പ​ലു​ണ്ട്....​ഞാ​ൻ ക​ണ്ടു കൊ​തി​തീ​രും മു​ന്പേ യാ​ത്ര​യാ​യ പോ​റ്റ​ച്ഛ​നു​മു​ണ്ട്...

വ​ഴി​യോ​ര​ത്ത് വ​ണ്ടി​യി​ടി​ച്ച് പ്രാ​ണ​ൻ വേ​ർ​പെ​ട്ടു കി​ട​ക്കു​ന്ന എ​ന്‍റെ​യ​ച്ഛ​നെ പോ​റ്റ​ച്ഛ​ൻ കാ​ണു​ന്പോ​ൾ അ​ച്ഛ​ൻ ഈ ​ഭൂ​മി​യി​ൽ നി​ന്ന് പോ​യി​ട്ട് ര​ണ്ടു ദി​വ​സം ക​ഴി​ഞ്ഞി​രു​ന്നു​വ​ത്രെ. അ​തി​ര​പ്പി​ള്ളി-​വാ​ഴ​ച്ചാ​ൽ റോ​ഡി​ലൂ​ടെ താ​ഴ്ന്നു​പ​റ​ന്ന ഒ​രു വേ​ഴാ​ന്പ​ൽ അ​തു​വ​ഴി ക​ട​ന്നു​പോ​യ ഏ​തോ അ​ജ്ഞാ​ത വ​ണ്ടി​യി​ടി​ച്ച് റോ​ഡ​രി​കി​ൽ ച​ത്തു​വീ​ണി​രു​ന്നു. അ​താ​രും ക​ണ്ടി​രു​ന്നി​ല്ല. ഒ​രു​പ​ക്ഷേ ആ ​വ​ണ്ടി​ക്കാ​ർ മാ​ത്രം അ​റി​ഞ്ഞി​ട്ടു​ണ്ടാ​കാം. അ​വ​ർ അ​തൊ​ന്നും ശ്ര​ദ്ധി​ക്കാ​തെ അ​തി​വേ​ഗം വ​ണ്ടി വി​ട്ടു​പോ​വു​ക​യും ചെ​യ്തു. അ​തെ​ന്‍റെ പാ​വം അ​ച്ഛ​നാ​യി​രു​ന്നു. കാ​ടി​ന​ക​ത്തെ വ​ൻ​മ​ര​ത്തി​ലെ കൂ​ട്ടി​ൽ അ​ച്ഛ​ൻ വേ​ഴാ​ന്പ​ലി​നെ കാ​ത്തി​രി​ക്കു​ന്ന ഈ ​കു​ഞ്ഞു​വേ​ഴാ​ന്പ​ലും ഭ​ക്ഷ​ണ​വും കൊ​ണ്ട് പ്രി​യ​പ്പെ​ട്ട​വ​ൻ ഇ​പ്പോ​ഴെ​ത്തു​മെ​ന്ന് പ്ര​തീ​ക്ഷി​ച്ചി​രി​ക്കു​ന്ന എ​ന്‍റെ അ​മ്മ​വേ​ഴാ​ന്പ​ലും വെ​റു​തെ കേ​ണു​കൊ​ണ്ടി​രു​ന്നു...

ര​ണ്ടു ദി​വ​സ​ത്തി​നു ശേ​ഷം പോ​റ്റ​ച്ഛ​ൻ റോ​ഡി​ലൂ​ടെ ന​ട​ന്നു വ​രു​ന്പോ​ഴാ​ണ് വ​ഴി​യ​രി​കി​ൽ അ​ച്ഛ​ൻ ജീ​വ​ന​റ്റ് കി​ട​ക്കു​ന്ന​ത് ക​ണ്ട​ത്. പ​ക്ഷി​യു​ടെ​യോ മൃ​ഗ​ത്തി​ന്‍റെ​യോ ചി​റ​കോ കാ​ലോ ഒ​ടി​ഞ്ഞാ​ൽ പോ​ലും മ​നം നൊ​ന്തു​പൊ​ള്ളു​മാ​യി​രു​ന്നു​വ​ത്രെ പോ​റ്റ​ച്ഛ​ന്. പി​ന്നീ​ട് അ​തി​നെ ചി​കി​ത്സി​ച്ച് ഭേ​ദ​മാ​ക്കി​യേ പോ​റ്റ​ച്ഛ​ന് സ്വ​സ്ഥ​ത കി​ട്ടു​മാ​യി​രു​ന്നു​ള്ളു. കാ​ട്ടി​ൽ പാ​റി​പ്പ​റ​ക്കു​ന്ന എ​ന്‍റെ പ​ല കൂ​ട്ടു​കാ​രും ഇ​ത് പ​ല ത​വ​ണ പ​റ​ഞ്ഞി​ട്ടു​ണ്ട്. വ​ഴി​യ​രി​കി​ൽ ച​ത്തു​മ​ര​വി​ച്ചു കി​ട​ക്കു​ന്ന അ​ച്ഛ​ൻ വേ​ഴാ​ന്പ​ലി​ന്‍റെ പാ​തി​യ​ട​ഞ്ഞ വാ​യ്ക്കു​ള്ളി​ൽ പ​ഴ​ങ്ങ​ളി​രി​ക്കു​ന്ന​ത് പോ​റ്റ​ച്ഛ​ന്‍റെ ക​ണ്ണീ​ർ​ത്തു​ള്ളി​ക​ൾ നി​റ​ഞ്ഞ ക​ണ്ണി​ലു​ട​ക്കി.

അ​ച്ഛ​ന്‍റെ കൊ​ക്കി​ന​ക​ത്ത് നി​റ​യെ കൂ​ട്ടി​ൽ കാ​ത്തി​രി​ക്കു​ന്ന ഇ​ണ​വേ​ഴാ​ന്പ​ലി​നും കു​ഞ്ഞു​വേ​ഴാ​ന്പ​ലി​നു​മു​ള്ള തീ​റ്റ​യാ​യി​രു​ന്നു. ര​ണ്ടു ദി​വ​സ​ത്തെ പ​ഴ​ക്ക​മു​ണ്ടാ​യി​രു​ന്നു വേ​ഴാ​ന്പ​ലി​ന്‍റെ ജ​ഡ​ത്തി​ന്. അ​പ്പോ​ൾ ര​ണ്ടു ദി​വ​സ​മാ​യി പെ​ണ്‍​വേ​ഴാ​ന്പ​ലും കു​ഞ്ഞും ഭ​ക്ഷ​ണം കി​ട്ടാ​തെ...​ഓ​ർ​ത്ത​പ്പോ​ൾ പോ​റ്റ​ച്ഛ​ന്‍റെ ഹൃ​ദ​യ​ത്തി​ലൂ​ടെ ഒ​രു നി​ല​വി​ളി ക​ട​ന്നു​പോ​യ​ത്രെ. വേ​ഴാ​ന്പ​ലു​ക​ളെ കു​റി​ച്ച് ന​ന്നാ​യി അ​റി​യാ​വു​ന്ന ബൈ​ജു​വി​ന് നി​ല​വി​ളി​ക്കാ​തി​രി​ക്കാ​നോ പ്രാ​ണ​വേ​ദ​ന​യോ​ടെ നൊ​ന്പ​ര​പ്പെ​ടാ​തി​രി​ക്കാ​നോ ക​ഴി​യു​മാ​യി​രു​ന്നി​ല്ല എ​ന്നാ​ണ് കാ​ട്ടു​മൂ​പ്പ​ൻ പ​റ​യാ​റു​ള്ള​ത്.

ഞ​ങ്ങ​ളു​ടെ കൂ​ട്ടി​നു താ​ഴെ നി​ന്ന് പോ​റ്റ​ച്ഛ​ൻ ഒ​രി​ക്ക​ൽ ആ​ർ​ക്കോ പ​റ​ഞ്ഞു കൊ​ടു​ക്കു​ന്നു​ണ്ടാ​യി​രു​ന്നു - വേ​ഴാ​ന്പ​ലു​ക​ൾ പ്ര​ജ​ന​ന കാ​ല​ത്ത് അ​താ​യ​ത് മു​ട്ട​യി​ടു​ന്ന സ​മ​യ​ത്ത് പെ​ണ്‍​വേ​ഴാ​ന്പ​ൽ വ​ലി​യ മ​ര​ത്തി​ലെ കൂ​ട്ടി​ന​ക​ത്ത് ക​യ​റി കൂ​ട് അ​ട​യ്ക്കു​മ​ത്രെ. മ​ര​ത്തൊ​ലി​യും ചെ​ളി​യും കാ​ഷ്ഠ​വു​മൊ​ക്കെ ഉ​പ​യോ​ഗി​ച്ച് പെ​ണ്‍​പ​ക്ഷി കൂ​ട് അ​ക​ത്തു​നി​ന്നും അ​ട​ച്ചു​റ​പ്പാ​ക്കും. ത​ന്‍റെ കൊ​ക്കു​ക​ൾ മാ​ത്രം പു​റ​ത്ത് ക​ട​ക്കും വി​ധം കൂ​ടി​നൊ​രു ദ്വാ​ര​മു​ണ്ടാ​ക്കും. തീ​റ്റ തേ​ടി പെ​ണ്‍​പ​ക്ഷി​ക്കും കു​ഞ്ഞു​ണ്ടാ​യാ​ൽ കു​ഞ്ഞി​നും കൊ​ണ്ടു​കൊ​ടു​ക്കേ​ണ്ട ജോ​ലി ആ​ണ്‍ വേ​ഴാ​ന്പ​ലി​നാ​ണ്. ആ​ണ്‍​പ​ക്ഷി കൊ​ണ്ടു​വ​രു​ന്ന തീ​റ്റ കൂ​ടി​നു പു​റ​ത്തേ​ക്ക് കൊ​ക്കു നീ​ട്ടി പെ​ണ്‍​പ​ക്ഷി വാ​ങ്ങി​ത്തി​ന്ന് കു​ഞ്ഞി​നെ​യും തീ​റ്റും. ഇ​താ​ണ് രീ​തി. ആ​ണ്‍​പ​ക്ഷി തീ​റ്റ കൊ​ണ്ടു​വ​ന്നി​ല്ലെ​ങ്കി​ൽ പെ​ണ്‍​പ​ക്ഷി​യും കു​ഞ്ഞും കൂ​ട്ടി​ന​ക​ത്ത് വി​ശ​ന്നി​രി​ക്കേ​ണ്ടി വ​രും.

ഇ​ത​റി​യാ​വു​ന്ന പോ​റ്റ​ച്ഛ​ൻ വ​ഴി​യരി​കി​ൽ ര​ണ്ടു ദി​വ​സം മു​ന്പ് ജീ​വ​ൻ​വെ​ടി​ഞ്ഞ ആ​ണ്‍​വേ​ഴാ​ന്പ​ലി​നെ ക​ണ്ട​പ്പോ​ൾ തീ​റ്റ കാ​ത്ത് ഇ​ണ​ക്കി​ളി​യും കു​ഞ്ഞും ര​ണ്ടു ദി​വ​സ​മാ​യി കൂ​ട്ടി​ൽ ക​ഴി​യു​ക​യാ​യി​രി​ക്കു​മ​ല്ലോ എ​ന്ന് ചി​ന്തി​ച്ച് ആ​ധി​പി​ടി​ച്ചു. അ​ച്ഛ​ൻ വേ​ഴാ​ന്പ​ൽ കൊ​ക്കി​ന​ക​ത്ത് ക​രു​തി വെ​ച്ച പ​ഴ​ങ്ങ​ൾ ചീ​ഞ്ഞു​തു​ട​ങ്ങി​യി​രു​ന്നു. കാ​ടി​ന​ക​ത്തെ അ​സം​ഖ്യം വേ​ഴാ​ന്പ​ലു​ക​ൾ​ക്കി​ട​യി​ൽ നി​ന്ന് എ​ങ്ങി​നെ ഞ​ങ്ങ​ളെ ക​ണ്ടെ ത്തു​മെ​ന്ന് പി​ടി​കി​ട്ടാ​തെ പോ​റ്റ​ച്ഛ​ൻ അ​സ്വ​സ്ഥ​നാ​യ​ത്രെ.
പോ​റ്റ​ച്ഛ​ന്‍റെ ത​ന്നെ വാ​ക്കു​ക​ളി​ൽ പ​റ​ഞ്ഞാ​ൽ....

ക​ണ്ണ​ട​ച്ചാ​ൽ മ​ന​സി​ൽ തെ​ളി​ഞ്ഞു​കൊ​ണ്ടി​രു​ന്ന​ത് ആ​ണ്‍​വേ​ഴാ​ന്പ​ൽ പ്രാ​ണ​വേ​ദ​ന​യി​ലും പി​ടി​വി​ടാ​തെ കൊ​ക്കി​ന​ക​ത്ത് സൂ​ക്ഷി​ച്ച ആ ​തീ​റ്റ​യാ​ണ്... വി​ശ​ന്നും ഇ​ണ​യെ കാ​ണാ​ഞ്ഞും കേ​ഴു​ന്ന വേ​ഴാ​ന്പ​ലി​ന്‍റെ നി​ല​വി​ളി എ​ന്നെ ഭ്രാ​ന്തു​പി​ടി​പ്പി​ക്കു​ന്ന സ്ഥി​തി​യി​ലെ​ത്തി​ച്ചു. ന​മ്മ​ളെ​ല്ലാം മ​ര​ണ​ത്തോ​ടു മ​ല്ലി​ടു​ന്പോ​ൾ ഒ​രി​റ്റു ശ്വാ​സ​ത്തി​നാ​യി ശ്ര​മി​ക്കും. പ​ക്ഷേ ഇ​വ​ൻ ആ ​പി​ട​ച്ചി​ലി​ലും ഇ​ണ​യ്ക്കും കു​ഞ്ഞി​നു​മു​ള്ള തീ​റ്റ കൊ​ക്കി​ൽ ക​രു​തി. അ​താ​ണെ​ന്നെ വേ​ദ​നി​പ്പി​ച്ച​ത്... എ​ന്‍റെ മ​ന​സി​നെ വി​ഹ്വ​ല​മാ​ക്കി​യ​​ത്... നെ​ഞ്ചി​ലൊ​രു പി​ട​പ്പു​ണ്ടാ​ക്കി​യ​ത്

പോ​റ്റ​ച്ഛ​ന്‍റെ മ​ന​സി​ലെ ആ ​വി​ഹ്വ​ല​ത​ക​ൾ ഒ​രു യാ​ത്ര​യു​ടെ പു​റ​പ്പാ​ടാ​യി​രു​ന്നു. കാ​ട്ടി​ലെ​വി​ടെ​യോ മ​ഹാ​വൃ​ക്ഷ​ത്തി​ന്‍റെ ഉ​യ​ര​ങ്ങ​ളി​ലു​ള്ള ഒ​രു കൂ​ട്ടി​ൽ പ്രി​യ​നെ കാ​ത്തി​രി​ക്കു​ന്ന പെ​ണ്‍​വേ​ഴാ​ന്പ​ലി​നെ​യും അ​തി​ന്‍റെ കു​ഞ്ഞി​നെ​യും തേ​ടി​യു​ള്ള യാ​ത്ര​യു​ടെ പു​റ​പ്പാ​ട്. ഒ​ട്ടും എ​ളു​പ്പ​മ​ല്ലാ​ത്ത ഒ​രു അ​ന്വേ​ഷ​ണ​യാ​ത്ര​യു​ടെ പു​റ​പ്പാ​ടാ​യി​രു​ന്നു അ​ത്. വി​ശാ​ല​മാ​യി കി​ട​ക്കു​ന്ന വാ​ഴ​ച്ചാ​ൽ വ​ന​മേ​ഖ​ല​യി​ൽ ഒ​രു വേ​ഴാ​ന്പ​ലി​നെ ക​ണ്ടെ ത്തു​ക​യെ​ന്ന വ​ലി​യൊ​രു മി​ഷ​ൻ.


പ​ക്ഷെ പോ​റ്റ​ച്ഛ​ൻ ര​ണ്ടും ക​ൽ​പ്പി​ച്ചാ​യി​രു​ന്നി​ല്ല മൂ​ന്നും ക​ൽ​പ്പി​ച്ച് ഇ​റ​ങ്ങി​പ്പു​റ​പ്പെ​ട്ടു. എ​ന്തെ​ങ്കി​ലും നേ​ടി​യെ​ടു​ക്ക​ണ​മെ​ന്ന് ഒ​രാ​ൾ പൂ​ർ​ണ മ​ന​സ്സോ​ടെ ആ​ഗ്ര​ഹി​ച്ചാ​ൽ ആ ​ആ​ഗ്ര​ഹം സ​ഫ​ല​മാ​ക്കാ​നാ​യി ലോ​കം മു​ഴു​വ​ൻ അ​വ​ന്‍റെ സ​ഹാ​യ​ത്തി​നെ​ത്തും എ​ന്ന പൗ​ലോ കൊ​യ്‌​ലോ​യു​ടെ ആ​ൽ​ക്കെ​മി​സ്റ്റ് എ​ന്ന കൃ​തി​യി​ലെ വാ​ച​കം അ​വി​ടെ സ​ത്യ​മാ​യി എ​ന്ന് ഫോ​റ​സ്റ്റ​ർ പി​ന്നീ​ട് പ​റ​ഞ്ഞു ഞാ​ൻ കേ​ട്ടു.

സാ​ധാ​ര​ണ ഉ​യ​ര​ത്തി​ൽ പ​റ​ക്കാ​റു​ള്ള വേ​ഴാ​ന്പ​ൽ താ​ഴ്ന്ന് പ​റ​ന്ന​തു​കൊ​ണ്ടാ​ണ് വ​ണ്ടി​യി​ടി​ച്ച​തെ​ന്ന് പോ​റ്റ​ച്ഛ​ൻ മ​ന​സി​ലാ​ക്കി. താ​ഴ്ന്നു​പ​റ​ക്കാ​ൻ കാ​ര​ണം കൂ​ട് അ​ടു​ത്തെ​വി​ടെ​യോ ആ​ണെ​ന്നു​ള്ള​തു​കൊ​ണ്ടാ​കാം എ​ന്നും ഊ​ഹി​ച്ചു. ആ ​ഒ​രു ക​ണ​ക്കു​കൂ​ട്ട​ലി​ലാ​ണ് തെ​ര​ച്ചി​ൽ തു​ട​ങ്ങി​യ​ത്. ഞ​ങ്ങ​ളെ തേ​ടി​യു​ള്ള പോ​റ്റ​ച്ഛ​ന്‍റെ അ​ന്വേ​ഷ​ണ​ത്തി​ൽ കാ​ട​റി​യു​ന്ന​വ​രും കാ​ടി​നെ സ്നേ​ഹി​ക്കു​ന്ന​വ​രു​മാ​യ പ​ല​രും കൂ​ട്ടു​ചേ​ർ​ന്നു. സു​ഹൃ​ത്തും പ​ക്ഷി​നി​രീ​ക്ഷ​ക​നു​മാ​യ സു​ധീ​ഷ് ത​ട്ടേ​ക്കാ​ട്, ഫോ​റ​സ്റ്റു​കാ​ർ, വാ​ച്ച​ർ​മാ​ർ, കാ​ട്ടി​ൽ വ​സി​ക്കു​ന്ന​വ​ർ...​അ​ങ്ങി​നെ​യു​ള്ള​വ​ർ...

ആ​ദ്യ​ദി​നം കാ​ട​രി​ച്ചു നോ​ക്കി​യെ​ങ്കി​ലും കൂ​ടു ക​ണ്ടെ​ത്താ​ൻ സാ​ധി​ച്ചി​ല്ല. പ്ര​തീ​ക്ഷ കെ​ട്ടു​പോ​കും മു​ന്പ് ര​ണ്ടാം നാ​ളി​ലെ അ​ന്വേ​ഷ​ണം തു​ട​ങ്ങി. തെ​ര​ച്ചി​ൽ വേ​ണ്ടെ​ന്ന് വ​യ്ക്കാ​ൻ എ​ളു​പ്പ​മാ​യി​രു​ന്നു. പ​ക്ഷേ പോ​റ്റ​ച്ഛ​നും കൂ​ട്ട​രും പി​ൻ​വാ​ങ്ങി​യി​ല്ല. അ​തി​നു ഫ​ല​മു​ണ്ടാ​യി. അ​സം​ഭ​വ്യം എ​ന്നു ക​രു​തി​യ കാ​ര്യം ന​ട​ന്നു. അ​വ​ർ കൂ​ടു ക​ണ്ടെ​ത്തി. ആ​ണ്‍​കി​ളി പ്രാ​ണ​ൻ വെ​ടി​ഞ്ഞുപോ​യ​ത​റി​യാ​തെ ത​ള​ർ​ന്നു കേ​ഴു​ന്ന വേ​ഴാ​ന്പ​ലു​ക​ളു​ടെ ശ​ബ്ദം അ​വ​ർ കേ​ട്ടു.

മു​പ്പ​ത​ടി​യോ​ളം ഉ​യ​ര​ത്തി​ലാ​യി​രു​ന്നു​വ​ത്രെ അ​വ​ർ തേ​ടി​യെ​ത്തി​യ ഞ​ങ്ങ​ളു​ടെ ആ ​കൂ​ട്. ചീ​വി​ടു​ക​ളു​ടെ ശ​ബ്ദ​വും പ​തി​യെ വീ​ശു​ന്ന കാ​റ്റി​ന്‍റെ ശീ​ൽ​ക്കാ​ര​വും മാ​ത്രം സാ​ക്ഷി. ചെ​വി വ​ട്ടം പി​ടി​ച്ച​പ്പോ​ൾ പോ​റ്റ​ച്ഛ​ൻ കേ​ട്ടു​വ​ത്രെ...​ഒ​രു നേ​ർ​ത്ത വി​ലാ​പം പോ​ലെ...​മ​ര​ത്തി​നു മു​ക​ളി​ൽ നി​ന്ന് ക​ര​ച്ചി​ൽ..

വേ​ഴാ​ന്പ​ലു​ക​ളു​ടെ ക​ര​ച്ചി​ൽ ശ​ബ്ദം പ​രി​ചി​ത​മാ​യി​രു​ന്നു പോ​റ്റ​ച്ഛ​ന്. എ​ന്നാ​ൽ ഇ​പ്പോ​ൾ കേ​ട്ട​ത് ത​ള​ർ​ന്നു​കി​ട​ക്കു​ന്ന വേ​ഴാ​ന്പ​ലു​ക​ളു​ടെ അ​വ​ശ ശ​ബ്ദ​മാ​യി​രു​ന്നു. ആ ​മ​ര​ത്തി​ലെ കൂ​ടി​നു ചു​റ്റും വേ​ഴാ​ന്പ​ലു​ക​ൾ വ​ട്ട​മി​ട്ടു പ​റ​ക്കു​ന്നു​ണ്ടാ​യി​രു​ന്നു. ഒ​രു സം​ര​ക്ഷ​ണ വ​ല​യം​പോ​ലെ..​അ​വ​യ്ക്ക് കൂ​ട്ടി​ലേ​ക്ക് ഭ​ക്ഷ​ണം ന​ൽ​കാ​ൻ ക​ഴി​യാ​ത്ത സ്ഥി​തി​യാ​യി​രു​ന്നു. മ​ര​ത്തി​ലെ മ​റ്റു പ​ക്ഷി​ക​ൾ, പ്ര​ത്യേ​കി​ച്ച് മൈ​ന​ക​ൾ ആ ​വേ​ഴാ​ന്പ​ലു​ക​ളു​മാ​യി കൊ​ന്പു​കോ​ർ​ക്കു​ക​യാ​യി​രു​ന്നു. അ​ങ്ങി​നെ വേ​ഴാ​ന്പ​ലു​ക​ൾ നി​സ​ഹാ​യ​രാ​യി പ​റ​ന്ന​ക​ലു​ന്ന​ത് മ​ര​ത്തി​നു താ​ഴെ നി​ന്ന് പോ​റ്റ​ച്ഛ​നും കൂ​ട്ട​രും ക​ണ്ടു.

ഈ ​കൂ​ട് ക​ണ്ടെ​ത്തി​യ​തി​നെ​ക്കാ​ൾ പ്ര​യാ​സ​മു​ള്ള കാ​ര്യ​മാ​യി​രു​ന്നി​ല്ല ആ ​കൂ​ട്ടി​ലേ​ക്ക് തീ​റ്റ​യെ​ത്തി​ക്കു​ക​യെ​ന്ന​ത്. അ​തു​കൊ​ണ്ടു​ത​ന്നെ മ​ര​ത്തി​നു മു​ക​ളി​ലേ​ക്ക് ക​യ​റാ​ൻ പോ​റ്റ​ച്ഛ​ൻ നി​ശ്ച​യി​ച്ച​തി​നാ​ൽ ഞാ​നി​പ്പോ​ഴും ജീ​വി​ച്ചി​രി​ക്കു​ന്നു. പോ​റ്റ​ച്ഛ​ൻ മ​ര​ത്തി​ൽ ക​യ​റാ​റു​ണ്ടെ ങ്കി​ലും ഇ​ത് എ​ളു​പ്പ​മാ​യി​രു​ന്നി​ല്ല. ഒ​രു മു​ള ഏ​ണി സം​ഘ​ടി​പ്പി​ച്ചു. അ​ത് മ​ര​ത്തി​ൽ ചാ​രി വെ​ച്ച് മു​ക​ളി​ലേ​ക്ക് ക​യ​റാ​ൻ വ​ഴി​യൊ​രു​ക്കി. കൂ​ട്ടി​ലേ​ക്ക് കൊ​ടു​ക്കാ​നാ​യി ആ​ഞ്ഞി​ലി​പ്പ​ഴ​ങ്ങ​ളും അ​ത്തി​പ്പ​ഴ​ങ്ങ​ളും കൈ​യി​ൽ ക​രു​തി. പി​ന്നെ മു​ക​ളി​ലേ​ക്ക് ക​യ​റി. മ​ര​ത്തി​നു മു​ക​ളി​ലേ​ക്ക് ക​യ​റും തോ​റും ക​ര​ച്ചി​ലു​ക​ൾ വ്യ​ക്ത​മാ​യി​ത്തു​ട​ങ്ങി​യ​ത്രെ. കൂ​ട്ടി​ന​ക​ത്തേ​ക്ക് പ​ഴ​ങ്ങ​ൾ ഇ​ട്ടു​കൊ​ടു​ക്കു​ന്ന നേ​രം വി​ശ​പ്പും വി​ര​ഹ​വും ത​ള​ർ​ത്തി​യ പെ​ണ്‍ വേ​ഴാ​ന്പ​ലി​നേ​യും ത​ള​ർ​ന്ന ക​ണ്ണു​ക​ളോ​ടെ കു​ഞ്ഞു​വേ​ഴാ​ന്പ​ലി​നേ​യും ക​ണ്ടു​വെ​ന്ന് പോ​റ്റ​ച്ഛ​ൻ പി​ന്നീ​ട് പ​റ​ഞ്ഞു കേ​ട്ടു.

പ​ഴ​ങ്ങ​ൾ കൂ​ട്ടി​ന​ക​ത്തേ​ക്ക് ഇ​ട്ടു​കൊ​ടു​ത്ത​പ്പോ​ൾ ക​ര​ച്ചി​ൽ പ​തി​യെ നി​ന്നു​വെ​ന്നും അ​വ തീ​റ്റ​യെ​ടു​ത്തു​വെ​ന്നും വി​ശ​പ്പു മാ​റി​യ​പ്പോ​ൾ അ​വ​യ്ക്ക് സ​മാ​ധാ​ന​മാ​യെ​ന്നും പോ​റ്റ​ച്ഛ​ന് മ​ന​സി​ലാ​യി.
വി​ശ​ന്നു​പൊ​രി​ഞ്ഞ ഞ​ങ്ങ​ൾ​ക്കു മാ​ത്ര​മ​ല്ല പോ​റ്റ​ച്ഛ​ന്‍റെ മ​ന​സി​ൽ പി​ട​ച്ചു​കൊ​ണ്ടി​രു​ന്ന ആ​ധി​യു​ടെ വേ​ഴാ​ന്പ​ലി​നും ചെ​റി​യൊ​രു ആ​ശ്വാ​സ​മാ​യി.

പി​ന്നീ​ട് കൂ​ട്ടി​ലേ​ക്ക് തീ​റ്റെ​യെ​ത്തി​ക്കു​ന്ന ചു​മ​ത​ല ആ​ദി​വാ​സി​ക​ളാ​യ ചെ​റു​പ്പ​ക്കാ​ർ ഏ​റ്റെ​ടു​ത്തു. ഞ​ങ്ങ​ൾ​ക്ക് അ​സ്വ​സ്ഥ​ത​യു​ണ്ടാ​ക്കാ​തെ അ​വ​യെ ശ​ല്യ​പ്പെ​ടു​ത്താ​തെ കു​ഞ്ഞു​വേ​ഴാ​ന്പ​ലാ​യ എ​നി​ക്ക് പ​റ​ക്ക​മു​റ്റും വ​രെ ത​ങ്ങ​ൾ തീ​റ്റ​കൊ​ടു​ത്തോ​ളാം എ​ന്ന് അ​വ​ർ പോ​റ്റ​ച്ഛ​ന് ഉ​റ​പ്പു​കൊ​ടു​ത്തു. അ​വ​ര​ത് പാ​ലി​ച്ചു. പ​റ​ക്ക​മു​റ്റാ​റാ​യ​പ്പോ​ൾ ഞാ​ൻ കൂ​ടു​വി​ട്ട് കാ​ടി​ന​ക​ത്തേ​ക്ക് കാ​ടി​നു​യ​ര​ങ്ങ​ളി​ലേ​ക്ക് പാ​റി​പ്പ​റ​ന്നു. കൂ​ടി​ന​ക​ത്തേ​ക്ക് പ​ഴ​ങ്ങ​ൾ വെ​ച്ചു​ത​ന്ന ആ ​കൈ​ക​ളെ, വാ​ത്സ​ല്യം നി​റ​ഞ്ഞു​തു​ളു​ന്പി​യ ആ ​ക​ണ്ണു​ക​ളെ ഞാ​ൻ തേ​ടി​ക്കൊ​ണ്ടേ​യി​രു​ന്നു...​പ​ല​പ്പോ​ഴും പി​ന്നെ ഞാ​ൻ പോ​റ്റ​ച്ഛ​നെ ക​ണ്ടു....​കാ​ടി​ന​ക​ത്തെ​വി​ടെ​യൊ​ക്കെ​യോ.....

ജൂ​ണ്‍ 16 ലോ​കം മു​ഴു​വ​ൻ ഫാ​ദേ​ഴ്സ് ഡേ ​ആ​ഘോ​ഷി​ച്ച​പ്പോ​ൾ ഞാ​നും അ​താ​ഘോ​ഷി​ക്കു​ന്ന​തി​നി​ടെ​യാ​ണ് എ​ന്‍റെ പോ​റ്റ​ച്ഛ​ൻ പോ​യ കാ​ര്യം കാ​റ്റു പ​റ​ഞ്ഞ് ഞാ​ന​റി​ഞ്ഞ​ത്.....

കാ​ടി​നെക്കാ​ൾ നി​ഗൂ​ഢ​മാ​യ മ​ര​ണ​ത്തി​ലേ​ക്ക് ഉ​യ​ര​ങ്ങ​ളി​ൽ നി​ന്ന് പോ​റ്റ​ച്ഛ​ൻ യാ​ത്ര​യാ​യി​രി​ക്കു​ന്നു. കാ​ടി​ന്‍റെ ത​ണു​പ്പു​പോ​ലെ​യാ​ണ് മ​ര​ണ​ത്തി​ന്‍റെ ത​ണു​പ്പെ​ന്ന് കാ​ട്ടു​മൂ​പ്പ​ൻ പ​റ​യു​ന്ന​ത് കേ​ട്ടി​ട്ടു​ണ്ട്. ന​ക്ഷ​ത്ര​ങ്ങ​ളു​ടെ ലോ​ക​ത്ത് ആ ​ഫാ​ദേ​ഴ്സ് ഡേ​യി​ൽ പോ​റ്റ​ച്ഛ​നെ​ത്തു​ന്പോ​ൾ സ്വീ​ക​രി​ക്കാ​ൻ ഒ​രു വേ​ഴാ​ന്പ​ൽ കാ​ത്തു​നി​ൽ​പ്പു​ണ്ടാ​യി​രു​ന്നു​വെ​ന്ന് എ​നി​ക്ക​റി​യാം... അ​ജ്ഞാ​ത വാ​ഹ​ന​മി​ടി​ച്ച് വ​ഴി​യോ​ര​ത്ത് വാ​യി​ൽ തീ​റ്റ​യും പേ​റി കി​ട​ന്ന ആ ​ആ​ണ്‍​വേ​ഴാ​ന്പ​ൽ...

ഭൂ​മി​യി​ൽ ത​ന്‍റെ കു​ഞ്ഞും ഇ​ണ​യും വി​ശ​ന്നു​ക​ര​യു​ന്പോ​ൾ ഞാ​വ​ൽ​പ്പ​ഴ​ങ്ങ​ളു​മാ​യി മ​രം ക​യ​റി ചെ​ന്ന് അ​വ​രു​ടെ വി​ശ​പ്പ​ക​റ്റി​യ പോ​റ്റ​ച്ഛ​നെ കാ​ത്ത്....

ന​ന്ദി​യു​ടെ ഒ​രു കു​ട​ന്ന പൂ​ക്ക​ളു​മാ​യി......​എ​ന്‍റെ​യ​ച്ഛ​ൻ വേ​ഴാ​ന്പ​ൽ എ​ന്‍റെ പോ​റ്റ​ച്ഛ​നെ വ​ര​വേ​റ്റി​ട്ടു​ണ്ടാ​കും.....

ഋ​ഷി

Copyright @ 2022 , Rashtra Deepika Ltd.