സി.​എ​ൻ. റാ​വു​വി​നെ ഓ​ർ​ക്കു​മ്പോ​ൾ..
Thursday, April 16, 2020 7:55 PM IST
ദീ​പി​ക​യു​ടെ ഡ​ൽ​ഹി ബ്യൂ​റോ​യി​ലെ മു​ൻ ഫോ​ട്ടോ​ഗ്ര​ഫ​റാ​യി​രു​ന്ന സി.​എ​ൻ റാ​വു​വി​നെ​ക്കു​റി​ച്ചു​ള്ള അ​നു​സ്മ​ര​ണ​ക്കു​റി​പ്പ്.

സി.​എ​ൻ റാ​വു​വി​നെ ആ​ദ്യ​മാ​യി കാ​ണു​ന്ന​ത് ദീ​പി​ക​യു​ടെ ഡ​ൽ​ഹി ബ്യൂ​റോ ഓ​ഫീ​സി​ൽ 2000-ത്തി​ലാ​ണ്. ഒ​രു വേ​ന​ൽ​ക്കാ​ലം ഉ​ച്ച​ക​ഴി​ഞ്ഞ സ​മ​യം. ജോ​ലി അ​ന്വേ​ഷി​ച്ച് ദീ​പി​ക ഡ​ൽ​ഹി ബ്യൂറോ ചീ​ഫ് ജോ​ർ​ജ് ക​ള്ളി​വ​യ​ലി​ൽ സാ​റി​നെ കാ​ണാ​നെ​ത്തി​യ​താ​യി​രു​ന്നു ഞാ​ൻ. "റാ​വു എ​ന്നൊ​രാ​ൾ ഇ​പ്പോ​ൾ ഫ്രീ​ലാ​ൻ​സ് ചെ​യ്യു​ന്നു​ണ്ട്, അ​യാ​ളെ പ​റ​ഞ്ഞു​വി​ടാ​ൻ പ​റ്റി​ല്ല​ല്ലോ, പി​ന്നീ​ട് എ​പ്പോ​ഴെ​ങ്കി​ലും വ​രു നോ​ക്കാം.’ ജോ​ർ​ജ് സാ​ർ പ​തി​വ് തി​ര​ക്കു​ക​ളി​ലേ​ക്ക് ക​ട​ന്നു.

കൊ​ണ്ടു​വ​ന്ന ഫോ​ട്ടോ പ്രി​ന്‍റു​ക​ള​ട​ങ്ങി​യ ഫ​യ​ൽ കൈ​യ്യി​ലെ​ടു​ത്ത് നി​രാ​ശ​നാ​യി ഞാ​ൻ മ​ട​ങ്ങാ​നൊ​രു​ങ്ങു​ന്പോ​ൾ റാ​വു ക​യ​റി വ​ന്നു. ക്യാ​മ​ൽ ക​ള​റു​ള്ള ഫോ​ട്ടോ​ഗ്രാ​ഫ​ർ ജാ​ക്ക​റ്റ്, തോ​ളി​ൽ മാ​നു​വ​ൽ ഫി​ലിം കാമ​റ, കൈ​യി​ൽ ന​ഗ​ര​ത്തി​ലെ ഫോ​ട്ടോ ലാ​ബി​ന്‍റെ ക​വ​റി​ൽ അ​ന്ന് ഫ​യ​ൽ ചെ​യ്യാ​നു​ള്ള ഫോ​ട്ടോ പ്രി​ന്‍റു​ക​ൾ.

യൂ​ണി​വേ​ഴ്സി​റ്റി പ്ര​ദേ​ശ​ത്തെ സി​വി​ൽ ലൈ​ൻ​സി​ലെ ഫോ​ട്ടോ​സ്റ്റു​ഡി​യോ​യി​ൽ ജോ​ലി ചെ​യ്യു​ന്ന കാ​ലം. എ​നി​ക്ക് റാ​വു​വി​നെ പ​രി​ച​യ​മി​ല്ല, അ​ന്ത​ർമു​ഖ​നാ​യ റാ​വു ആ​രെ​യും മു​ന്നോ​ട്ടുവ​ന്ന് പ​രി​ച​യ​പ്പെ​ടാ​റി​ല്ല. പി​ന്നീ​ട് റാ​വു തെ​ലു​ങ്ക് ദി​ന​പ​ത്ര​മാ​യ "ഈനാ​ടു'വി​ൽ ചേ​ർ​ന്നു. (ഈ ​നാ​ടു തെ​ലു​ങ്കി​ൽ ഇ​ന്ന് എ​ന്ന​ർ​ഥം. ആ​ന്ധ്ര​യി​ലെ ശ​ത​കോ​ടി​ശ്വ​ര​ൻ റാ​മോ​ജി റാ​വു​വിന്‍റേതാ​ണ് ഈ ​പ​ത്രം (റാ​മോ​ജി റാ​വു ഫി​ലിം സി​റ്റി​യും ഇ​ദ്ദേ​ഹ​ത്തിന്‍റേതാ​ണ്.)

2005 ഓ​ഗസ്റ്റിൽ ഞാ​ൻ വീ​ണ്ടും ജോ​ർ​ജ് സാ​റി​നെ കാ​ണാ​നെ​ത്തി, ഫോ​ട്ടോ​ഗ്രാ​ഫ​ർ സാ​ബു സ്ക​റി​യ ’ദി ​പ​യ​നി​യ​ർ’ ഇം​ഗ്ലീ​ഷ് പ​ത്ര​ത്തി​ലേ​ക്ക് പോ​യ ഒ​ഴി​വു​ണ്ടാ​യി. ഇ​ത്ത​വ​ണ ഞാ​ൻ ന​സ്രാ​ണി ദീ​പി​ക​യു​ടെ ത​ല​സ്ഥാ​ന​ത്തെ ഫോ​ട്ടം പി​ടു​ത്ത​ക്കാ​ര​നാ​യി.

ദീ​പി​ക അ​ട​ക്കു​മു​ള്ള പ​ത്ര​സ്ഥാ​പ​ന​ങ്ങ​ളു​ടെ ഓ​ഫീ​സ് സ്ഥി​തി​ചെ​യ്യു​ന്ന ഐ​എ​ൻ​എ​സ് ബി​ൽ​ഡിം​ഗി​ന്‍റെ താ​ഴെ​യു​ള്ള ഗു​പ്ത​യു​ടെ ചാ​യ​ക്ക​ട​യി​ൽ സി​ഗ​ര​റ്റ് പു​ക​ച്ചു നി​ൽ​ക്കു​ന്ന റാ​വു​വി​നെ നേ​രി​ട്ട് പ​രി​ച​യ​പ്പെ​ട്ടു. ദീ​പി​ക​യി​ൽ ജോ​ലി​ക്ക് ചേ​ർ​ന്ന കാ​ര്യം പ​റ​ഞ്ഞു. അ​ർ​ഥം വെ​ച്ചു​ള്ള ഒ​രു മൂ​ള​ൽ, ഒ​രു നോ​ട്ടം, ചു​ണ്ടി​ന്‍റെ കോ​ണി​ൽ സൂ​ക്ഷി​ച്ചു നോ​ക്കി​യാ​ൽ കാ​ണു​ന്ന ഒ​രു പു​ഞ്ചി​രി, അ​ന്ത​ർ മു​ഖ​നാ​യ റാ​വു​വി​ൽ നി​ന്നും ഇ​തി​ൽ​ക്കൂ​ടു​ത​ലൊ​ന്നും പ്ര​തീ​ക്ഷി​ക്ക​രു​ത്.

ഡ​ൽ​ഹി​ക്ക് വെ​ളി​യി​ൽ ജോ​ർ​ജ് സാ​റി​നൊ​പ്പം പോ​യ എ​ല്ലാ രാ​ഷ്ട്രീ​യ സ​മ്മേ​ള​ന​ങ്ങ​ളി​ലും ’ഈ ​നാ​ടു​വി​നെ’ പ്ര​തി​നി​ധീ​ക​രി​ച്ച് റാ​വു​വും ഉ​ണ്ടാ​യി​രു​ന്നു. ഹൈ​ദ​രാ​ബാ​ദി​ലെ ഗ​ച്ച​ബൗ​ളി സ്റ്റേ​ഡി​യ​ത്തി​ൽ ന​ട​ന്ന 82-ാമ​ത് കോ​ണ്‍​ഗ്ര​സ് പ്ലീ​ന​റി സ​മ്മേ​ള​നം. ഹെ​ലി​കോ​പ്ട​ർ അ​പ​ക​ട​ത്തി​ൽ കൊ​ല്ല​പ്പെ​ട്ട അ​ന്ന​ത്തെ പ്ര​ബ​ല​നാ​യ ആ​ന്ധ്ര മു​ഖ്യ​മ​ന്ത്രി ഡോ.​വൈ. എ​സ് രാ​ജ​ശേ​ഖ​ര റെ​ഡ്ഡി​യാ​യി​രു​ന്നു സം​ഘാ​ട​ക​ൻ.

ന​ഗ​ര​ത്തി​ലെ മു​ന്തി​യ ഫൈ​വ് സ്റ്റാ​ർ ഹോ​ട്ട​ലി​ൽ താ​മ​സം. ഓ​രോ മീ​ഡി​യ ഗ്രൂ​പ്പി​നും സ​ഞ്ച​രി​ക്കാ​ൻ പ്ര​ത്യേ​ക വാ​ഹ​നം. 2006ൽ ​ഉ​ത്ത​രാ​ഖ​ണ്ഡി​ലെ നൈ​നി​റ്റാളി​ൽ അ​ന്ന​ത്തെ ഉ​ത്ത​ർപ്ര​ദേ​ശ് മു​ഖ്യ​മ​ന്ത്രി നാ​രാ​യ​ണ്‍ ദ​ത്ത് തി​വാ​രി (എ​ൻ.​ഡി തി​വാ​രി) ന​ട​ത്തി​യ കോ​ണ്‍​ഗ്ര​സ് മു​ഖ്യ​മ​ന്ത്രി​മാ​രു​ടെ സ​മ്മേ​ള​നം, പ​ഞ്ചാ​ബ് മു​ഖ്യ​മ​ന്ത്രി​യും പട്യാ​ല രാ​ജാ​വി​ന്‍റെ ചെ​റു​മ​ക​നു​മാ​യ ക്യാ​പ്റ്റ​ൻ അ​മ​രീ​ന്ദ​ർ സിം​ഗ് ന​ട​ത്തി​യ കോ​ണ്‍​ഗ്ര​സ് മു​ഖ്യ​മ​ന്ത്രി​മാ​രു​ടെ സ​മ്മേ​ള​നം, ഉ​ത്ത​രേ​ന്ത്യ​ൻ നാ​ട്ടുരാ​ജാ​ക്കന്മാരും പി​ന്നീ​ട് ബ്രി​ട്ടീ​ഷ് വൈ​സ്രോയി​മാ​രും രാ​ജ​കീ​യ ദ​ർ​ബാ​ർ ന​ട​ത്തി​യി​രു​ന്നു ബു​രാ​ടി​യി​ലെ പ​രേ​ഡ് ഗ്രൗ​ണ്ടി​ൽ അ​ന്ന​ത്തെ മു​ഖ്യ​മ​ന്ത്രി ഷീ​ല ദീ​ക്ഷി​ത് ന​ട​ത്തി​യ കോ​ണ്‍​ഗ്ര​സി​ന്‍റെ 83-ാമ​ത് പ്ലീ​ന​റി സ​മ്മേ​ളം... ഇ​വി​ടെ​യെ​ല്ലാം സി.​എ​ൻ റാ​വു​വും ഉ​ണ്ടാ​യി​രു​ന്നു.



കൂ​ടാ​തെ 10 ജ​ന​പ​ഥി​ലെ സോ​ണി​യ ഗാ​ന്ധി​യു​ടെ വ​സ​തി, യുപി​എ ഭ​ര​ണ​കാ​ല​ത്തെ അ​ധി​കാ​ര ശ്രേ​ണി​യി​ലെ ര​ണ്ടാ​മ​നാ​യ എ.​കെ ആ​ന്‍റ​ണി​യു​ടെ ഭ​വ​നം, അ​ശോ​ക റോ​ഡി​ലെ എഐ​സിസി ആ​സ്ഥാ​നം, സി​പിഎം ആ​സ്ഥാ​ന​മാ​യ എകെ​ജി ഭ​വ​ൻ എ​ന്നി​വി​ട​ങ്ങ​ളി​ലെ​ല്ലാം റാ​വു നി​ത്യസാന്നിധ്യമായി​രു​ന്നു. പാ​ർ​ല​മെ​ന്‍റ് പാ​സ് ല​ഭി​ച്ച ശേ​ഷം ഒ​ട്ടു​മി​ക്ക ദി​വ​സ​വും ഫോ​ട്ടോ​ഗ്രാ​ഫ​ർ​മാ​രു​ടെ കൂ​ട്ട​ത്തി​ൽ ശാ​ന്ത​നാ​യ ഈ ​മ​നു​ഷ്യ​നെ കാ​ണാ​റു​ണ്ട്.

ദൃ​ശ്യ​മാ​ധ്യ​മ പ്ര​വ​ർ​ത്ത​ക​രി​ലെ ഏ​റ്റ​വും മോ​ശ​മാ​യ സം​സ്കാ​രം ഡ​ൽ​ഹി​യി​ലെ ദൃ​ശ്യ​മാ​ധ്യ​മ പ്ര​വ​ർ​ത്ത​ക​രു​ടെ​താ​ണ്. ഇ​ന്ത്യ​യി​ലെ എ​ന്ന​ല്ല ലോ​ക​ത്തി​ലെ ത​ന്നെ ഏ​റ്റ​വും മോ​ശ​മാ​യ മാ​ധ്യ​മ സം​സ്കാ​രം ഡ​ൽ​ഹി​ക്ക് സ്വ​ന്ത​മാ​ണ്. "പ​ഞ്ചാ​ബി ക​ൾ​ച്ച​ർ’ എ​ന്നാ​ണ് ഇ​തി​നെ പ​ല​രും വി​ളി​ക്കാ​റ്. അ​ധി​കാ​ര​വും പ​ണ​വു​മു​ള്ള​വ​ന്‍റെ കാ​ലി​ൽ തൊ​ട്ട് വ​ണ​ങ്ങു​ക, അ​തി​ല്ലാ​ത്ത​വ​നെ കാ​ൽ​മ​ട​ക്കി തൊ​ഴി​ക്കു​ക, ഇ​താ​ണ് പ​ഞ്ചാ​ബി ക​ൾ​ച്ച​റി​ന്‍റെ ചു​രു​ക്കം.

ഡ​ൽ​ഹി​യി​ലെ പ​ത്ര​സ​മ്മേ​ള​ന​ങ്ങ​ൾ, അ​ല്ലെ​ങ്കി​ൽ ഏ​തെ​ങ്കി​ലും മീ​ഡി​യ ഇവ​ന്‍റ് ക​ണ്ടി​ട്ടു​ള്ള​വ​ർ​ക്ക​റി​യാം ഒ​രു ഫോ​ട്ടോ​യ്ക്ക്, ഒ​രു വീ​ഡി​യോ ബൈ​റ്റി​ന് പ​ര​സ്പ​രം മ​ത്സ​രി​ച്ച് ച​വി​ട്ടി​യും തൊ​ഴി​ച്ചും, തെ​റി​പ​റ​ഞ്ഞും മു​ന്പി​ൽ നി​ൽ​ക്കു​ന്ന​വ​ന്‍റെ കാ​ഴ്ച മ​റ​ച്ചും ത​മ്മി​ൽ മ​ത്സ​രി​ക്കു​ന്ന ദൃ​ശ്യ​മാ​ധ്യ​മ​ക്കാ​രും അ​വ​രു​ടെ കൂ​ട്ടാ​ളി​ക​ളും ഡ​ൽ​ഹി​യു​ടെ സ്പെ​ഷാലി​റ്റി​യാ​ണ്. ഇ​വി​ടെ​യെ​ല്ലാം വ്യ​ത്യ​സ്തനാ​ണ് റാ​വു. ഒ​രു ചി​രി​യോ​ടെ അ​ൽ​പം മാ​റി നി​ന്ന് എ​ല്ലാം നോ​ക്കി​ക്കാ​ണും. ഫോ​ട്ടോ കി​ട്ടി​യി​ല്ലെ​ങ്കി​ലും പ​രാ​തി​യി​ല്ല. പ​രിചയമു​ള്ള ഏ​തെ​ങ്കി​ലും സു​ഹൃ​ത്തി​നോ​ട് പ​റ​യും ഒ​രു ഫ്രെ​യിം എ​നി​ക്ക് മെ​യി​ൽ ചെ​യ്യ​ണം.


16 വ​ർ​ഷ​ത്തെ പ​രി​ച​യ​ത്തി​നൊ​രി​ക്ക​ലും ഈ ​മ​നു​ഷ്യ​നെ ഉ​ള്ളു​തു​റ​ന്ന് ചി​രി​ച്ച് ക​ണ്ടി​ട്ടി​ല്ല, കു​റ്റ​പ്പെ​ടു​ത്തു​ക​യ​ല്ല, ഉ​ള്ളി​ൽ ക​ര​ഞ്ഞുകൊ​ണ്ട് ചി​രി​ക്കാ​നും, ചി​രി​ച്ചു​കൊ​ണ്ട് ക​ര​യാ​നും അ​റി​യാ​ത്ത ഒ​രു പ​ച്ച മ​നു​ഷ്യ​നാ​കാം സി.​എ​ൻ റാ​വു. അ​ല്ലെ​ങ്കി​ൽ അ​ഭി​ന​യി​ക്കാ​ൻ ന​മ്മോ​ളം ക​ഴി​വ് ഇ​ല്ലാ​ത്ത​വ​നാ​കാം.

റാ​വു​വി​നെ​പ്പ​റ്റി ര​സ​ക​ര​മാ​യ ഒ​ര​നു​ഭ​വം ജോ​ർ​ജ് സാർ പ​ങ്കു​വെ​ച്ചു, ഓ​ഫീ​സി​ൽ ഫോ​ണി​ൽ സം​സാ​രി​ക്കു​ന്പോ​ഴെ​ല്ലാം റാ​വു പ​തി​വാ​യി പ​റ​യാ​റു​ള്ള ഒ​രു വാ​ക്കു​ണ്ട്- "അ​ണ്ണാ.. ശ​പ്പ​ണ്ടി ..ശ​പ്പ​ണ്ടി..’ ഇ​തെ​ന്താ​ണെ​ന്ന​റി​യാ​നു​ള്ള കൗ​തു​ക​ത്തി​ൽ ജോ​ർ​ജ് സാ​ർ ചോ​ദി​ച്ചു എ​ന്താ​ണ് ഈ ​വാ​ക്കി​ന്‍റെ അ​ർ​ഥം, "തെ​റി​യോ അ​ശ്ലീ​ല​മോ അ​ല്ല, ടെ​ൽ​മീ, എ​ന്നോ​ട് പ​റ​യു’ എ​ന്നാ​ണ് ഈ ​തെ​ലു​ങ്ക് വാ​ക്കി​ന​ർ​ഥം റാ​വു പ​റ​ഞ്ഞു.

"വ​ർ​ഷ​ങ്ങ​ളാ​യി റ​യ്സീ​ന റോ​ഡി​ൽ പ്ര​സ്ക്ല​ബി​നോ​ട് ചേ​ർ​ന്ന് യൂ​ത്ത് കോ​ണ്‍​ഗ്ര​സി​ന്‍റെ ഓ​ഫീ​സി​ന് പി​ന്നി​ലെ ഒ​റ്റമു​റി വീ​ട്ടി​ലാ​ണ് റാ​വു താ​മ​സി​ച്ചി​രു​ന്ന​ത്.’ ദി ​ഹി​ന്ദു ദി​ന​പ​ത്ര​ത്തി​ന്‍റെ ചീ​ഫ് ഫോ​ട്ടോ​ഗ്രാ​ഫ​റും ഉ​റ്റസു​ഹൃ​ത്തു​മാ​യ ശ​ങ്ക​ർ ച​ക്ര​വ​ർ​ത്തി ഓ​ർ​മ്മി​ക്കു​ന്നു, ’കു​ടും​ബം ആ​യ​ശേ​ഷം ഒ​റ്റ​മു​റി ഇ​ര​ട്ട മു​റി​യാ​യി. മു​ൻ പ്ര​ധാ​ന​മ​ന്ത്രി പി.​വി ന​ര​സിം​ഹ റാ​വു അ​നു​വ​ദി​ച്ചു​കൊ​ടു​ത്ത താ​മ​സ​മാ​യി​രു​ന്നു അ​ത്.

മ​തി​യാ​യ രേ​ഖ​ക​ളി​ല്ലെ​ന്നാ​രോ​പി​ച്ച് മു​നി​സിപ്പ​ൽ അ​ധി​കാ​രി​ക​ൾ റാ​വു​വി​നെ യൂ​ത്ത് കോ​ണ്‍​ഗ്ര​സ് ഓ​ഫീ​സ് പ​രി​സ​ര​ത്തു നി​ന്നും ഒ​ഴി​പ്പി​ച്ചു. സൗ​മ്യ​നാ​യ ഒ​രു സു​ഹൃ​ത്ത്, എ​പ്പോ​ഴും സ​ഹാ​യി​യാ​യ ഒ​രാ​ൾ ഏ​റ്റ​വും ലാ​ളി​ത്യ​ത്തോ​ടെ വി​വേ​ക​ത്തോ​ടെ പെ​രു​മാ​റി​യ, വി​ന​യ​ത്തോ​ടെ​യു​ള്ള പെ​രു​മാ​റ്റം, പ്രാ​യ​ത്തി​ലും അ​നു​ഭ​വ​ത്തി​ലും പ​ല​രേ​ക്കാ​ളും മു​ന്നി​ലാ​യി​രു​ന്നി​ട്ടും ഭൂ​മി​യോ​ളം താ​ഴ്ന്ന വി​ന​യം, ഇ​തെ​ല്ലാ​മാ​യി​രു​ന്നു റാ​വു എ​ന്ന് ഏ​ഷ്യ​ൻ ഏ​ജി​ന്‍റെ ഫോ​ട്ടോ എ​ഡി​റ്റ​ർ സോം​ദീ​പ് ശ​ങ്ക​റും, ദീ​പി​ക മു​ൻ ഫോ​ട്ടോ​ഗ്ര​ഫ​റും റാ​വു​വി​ന്‍റെ സു​ഹൃ​ത്തു​മാ​യ പി.​ജി ഉ​ണ്ണി​കൃ​ഷ്ണ​ൻ ഓ​ർ​മ്മി​ച്ചു. റാ​വു​വി​നെ ജോ​ർ​ജ് സാ​റി​ന് പ​രി​ച​യ​പ്പെ​ടു​ത്തി​യ​തും പി.​ജി ഉ​ണ്ണി​കൃ​ഷ്ണ​നാ​ണ്.

ക​ഴി​ഞ്ഞ ശൈ​ത്യ​ക​ല​ത്ത് പാർ​ല​മെ​ന്‍റ് സ​മ്മേ​ള​നം ന​ട​ന്നു കൊ​ണ്ടി​രി​ക്കു​ന്പോ​ൾ ഒ​ന്നാം ഗേ​റ്റി​ന് സ​മീ​പം റാ​വു ര​ക്തം ഛർ​ദി​ച്ച് കു​ഴ​ഞ്ഞുവീ​ണു. അ​ന്ന് ഹി​ന്ദു​വി​ന്‍റെ ഫോ​ട്ടോ​ഗ്ര​ഫ​ർ ആ​ർ.​വി മൂ​ർ​ത്തി​യാ​ണ് റാ​വു​വി​നെ​യും കൊ​ണ്ട് അ​ടു​ത്തു​ള്ള റാം ​മ​നോ​ഹ​ർ ലോ​ഹ്യ ആ​ശു​പ​ത്രി​യി​ലേ​ക്ക് ഓ​ടി​യ​ത്. മൂ​ർ​ത്തി​യു​ടെ സ​മ​യോ​ചി​ത​മാ​യ ഇ​ട​പെ​ട​ൽ കൊ​ണ്ട് റാ​വു​വി​ന്‍റെ ജീ​വ​ൻ ര​ക്ഷ​പ്പെ​ട്ടു. പി​ന്നീ​ട് തു​ട​ർ ചി​കി​ത്സ​യി​ലാ​യി​രു​ന്നു അ​ദ്ദേ​ഹം.

2020 ഫെ​ബ്രു​വ​രി 19ന് ​പ​തി​വു​പോ​ലെ ഓ​ൾ ഇ​ന്ത്യ മെഡിക്ക​ൽ സ​യ​ൻസ​സി​ൽ പ​രി​ശോ​ധ​ന​ക്കെ​ത്തി​യ അ​ദ്ദേ​ഹ​ത്തെ രോ​ഗം മൂ​ർഛി​ച്ച​തി​നാ​ൽ അ​ഡ്മി​റ്റ് ചെ​യ്തു. അ​ന്ന് വൈ​കി​ട്ട് അ​ദ്ദേ​ഹം മ​രി​ച്ചു. ഭാ​ര്യ സം​ഗീ​ത​യും മ​ക​ൻ ദീ​പ​ക്കും രാ​ജ​സ്ഥാ​നി​ലാ​യി​രു​ന്നു. ജീ​വി​ത​ത്തി​ലെ​ന്ന​പോ​ലെ മ​ര​ണ​ത്തി​ലും റാ​വു ഏ​ക​നാ​യി​രു​ന്നു.

റാ​വു​വി​ന്‍റെ അ​ന്തി​മ യാ​ത്ര​യ്ക്ക് പ​ങ്കെ​ടു​ക്കാ​ൻ ഡ​ൽ​ഹി​യി​ലെ പ്ര​മു​ഖ പ​ത്ര​സ്ഥാ​പ​ന​ങ്ങ​ളി​ലെ ഫോ​ട്ടോ​ഗ്ര​ഫ​ർ​മാ​ർ മി​ക്ക​വ​രും വ​ന്നെ​ത്തി. പൃഥ്വി​രാ​ജ് റോ​ഡി​ലെ ശ്മ​ശാ​ന​ത്തി​ൽ അ​പ്പോ​ൾ ആറു ചി​ത​ക​ളെ​രി​യു​ന്നു​ണ്ടാ​യി​രു​ന്നു. ചി​ത​യൊ​രു​ക്കാ​നും വി​റ​ക് അ​ടു​ക്കാ​നും എ​ല്ലാ​വ​രും മ​ക​ൻ ദീ​പ​ക്കി​ന് കൈ​യാ​ളാ​യി സ​ഹാ​യി​ച്ചു.

പ​ണ്ഡി​റ്റ് (പു​രോ​ഹി​ത​ൻ) എ​ത്താ​ൻ വൈ​കി​യ​പ്പോ​ൾ, മ​ക​ൻ ദീ​പ​ക്ക് അച്ഛ​ന്‍റെ കാ​ലി​ൽ​പി​ടി​ച്ച് ക​ര​യു​ന്ന​തു കാ​ണാ​മാ​യി​രു​ന്നു. ഒ​രു മ​ക​ന് പി​താ​വി​നോ​ട് കാ​ണു​ന്ന സ്നേ​ഹ​ത്തി​ന്‍റെ നേ​ർ​ക്കാ​ഴ്ച. ആ ​കാ​ലി​ൽ കെ​ട്ടി​പ്പി​ടി​ച്ച്, അ​പ്പ​നും മ​ക​നും മാ​ത്രം മ​ന​സി​ലാ​കു​ന്ന ഭാ​ഷ​യി​ൽ ക​ര​ഞ്ഞു​കൊ​ണ്ട് അ​വ​നെ​ന്തെ​ല്ലാ​മോ പ​റ​യു​ന്നു. വേ​ദ​ന തോ​ന്നി സ​മ​പ്രാ​യ​ക്കാ​ര​നാ​യ എ​ന്‍റെ മ​ക​നെ ഞാ​ൻ അ​പ്പോ​ൾ ഓ​ർ​ത്തു.

സ​ര​സ്വ​തി ച​ക്ര​വ​ർ​ത്തി, ഡൊ​മി​നി​ക് ജോ​സ​ഫ്, പി.​ജി ഉ​ണ്ണി​കൃ​ഷ്ണ​ൻ, (മാ​തൃ​ഭൂ​മി), സി.​എ​ൻ. റാ​വു, സാ​ബു സ്ക​റി​യ (മാ​തൃ​ഭൂ​മി), ഇ​പ്പോ​ൾ അ​മേ​രി​ക്ക​യി​ലു​ള്ള സ​ച്ചി​ൻ പ്ര​ഭാ​ക​ർ എ​ന്നി​വ​ർ​ക്ക് ശേ​ഷ​മാ​ണ് ഞാ​ൻ ദീ​പി​ക​യി​ലെ​ത്തി​യ​ത്.

വി​ഖ്യാ​ത ഫോ​ട്ടോ​ഗ്ര​ഫ​ർ ര​ഘു റാ​യി​യു​മാ​യി അ​ടു​ത്ത സൗ​ഹൃ​ദ​മു​ള്ള റാ​വുവി​നെ കും​ഭ​മേ​ള​യും വൃ​ന്ദാ​വ​നി​ലെ പ്ര​ശ്സ​ത​മാ​യ ഹോ​ളി ആ​ഘോ​ഷം ചി​ത്രീ​ക​രി​ക്കാ​ൻ പോ​കു​ന്പോ​ളൊ​ക്കെ റാ​യി സ​ർ റാ​വു​വി​നെ​യും വി​ളി​ക്കാ​റു​ണ്ടാ​യി​രു​ന്നു. എ​ന്തോ ഭാ​ഗ്യ​ദോ​ഷം റാ​വു​വി​ന്‍റെ ജീ​വി​തം അ​ത്ര​യൊ​ന്നും ശോ​ഭ​ന​മ​ല്ലാ​യി​രു​ന്നു.

ഇ​ന്ദി​രാഗാ​ന്ധി മു​ത​ലു​ള്ള പ്ര​ധാ​ന​മ​ന്ത്രി​മാ​രു​ടെ കാ​ലം മു​ത​ൽ ഡ​ൽ​ഹി​യി​ൽ പ്ര​വ​ർ​ത്തി​ച്ചി​രു​ന്ന അ​ദ്ദേ​ഹം അ​നു​ഭവ​ക്കു​റി​പ്പു​ക​ളെ​ഴു​തി​യി​രു​ന്നെ​ങ്കി​ൽ അ​ത് മാ​ധ്യ​മവി​ദ്യാ​ർ​ഥി​ക​ൾ​ക്ക് പു​തി​യ അ​റി​വു​ക​ൾ പ​ക​ർ​ന്നേ​നെ, ഒ​ന്നും പ​റ​യാ​തെ കു​റി​പ്പു​ക​ളൊ​ന്നും എ​ഴു​തി സൂ​ക്ഷി​ക്കാ​തെ അ​ന്ത​ർമു​ഖ​നാ​യ റാ​വു പോ​യി. പ്ര​സ്‌​ക്ല​ബി​ൽ ഇ​ന്ത്യ​ൻ വ​ർ​ക്കിം​ഗ് വി​ഷ്വ​ൽ കാമ​റാ​മാ​ൻ അ​സോ​സി​യേ​ഷ​ൻ അ​നു​സ്മ​ര​ണം സം​ഘ​ടി​പ്പി​ച്ചി​രു​ന്നു.

ജീ​വി​ത​ത്തി​ലെ​ന്ന പോ​ലെ മ​ര​ണ​ത്തി​ലും റാ​വു ഏ​ക​നാ​യി​രു​ന്നു, ന​ല്ല ഫോ​ട്ടോ​യ്ക്ക് വേ​ണ്ടി ആ​രും ത​മ്മി​ൽ പോ​രി​ടി​ക്കാ​ത്ത, ഒ​രു ഫ്രെ​യി​മും പാ​ഴാ​കാ​ത്ത ഫോ​ക്ക​സ് ഒൗ​ട്ടാ​കാ​ത്ത ഒ​രി​ട​മു​ണ്ട് റാ​വു അ​വി​ടേക്ക് പോ​യി​രി​ക്കു​ക​യാ​ണ്. വി​ട പ്രി​യ​പ്പെ​ട്ട റാ​വു​സ​ർ വി​ട..

തയാറാക്കിയത്:
ജോ​ണ്‍ മാ​ത്യു
​ഫോ​ട്ടോ​ഗ്ര​ഫ​ർ, ദീപിക ഡ​ൽ​ഹി ബ്യൂ​റോ

Copyright @ 2022 , Rashtra Deepika Ltd.