കരുണയില്ലാത്തവൾ!
Wednesday, March 17, 2021 3:18 PM IST
1994ൽ ​ഒ​രു പ​ക​ൽ പോ​ലീ​സ് സ്റ്റേ​ഷ​നി​ലേ​ക്ക് ഒ​രു യു​വ​തി​യെ​ത്തി. പേ​ര് സൂ​സ​ൻ, ക​രോ​ലി​ന സ്വ​ദേ​ശി. അ​വ​ളു​ടെ പ​രാ​തി അ​തീ​വ ഗൗ​ര​വ​ത്തോ​ടെ​യാ​ണു പോ​ലീ​സ് ക​ണ​ക്കി​ലെ​ടു​ത്ത​ത്. ത​ന്‍റെ കു​ഞ്ഞു​ങ്ങ​ളെ ക​റു​ത്ത വ​ർ​ഗ​ക്കാ​ര​നാ​യ അ​പ​രി​ചി​ത​ൻ കാ​റി​ൽ ത​ട്ടി​ക്കൊ​ണ്ടു പോ​യി എ​ന്ന​താ​യി​രു​ന്നു സൂ​സ​ന്‍റെ പ​രാ​തി. കു​ട്ടി​ക​ളെ ത​ട്ടി​ക്കൊ​ണ്ടു​പോ​യ സം​ഭ​വം ആ​യ​തി​നാ​ൽ പ്ര​ത്യേ​ക അ​ന്വേ​ഷ​ണ സം​ഘം രൂ​പീ​ക​രി​ച്ചു പോ​ലീ​സ് ഊ​ർ​ജി​ത​മാ​യി രം​ഗ​ത്തി​റ​ങ്ങി. അ​രി​ച്ചു​പെ​റു​ക്കി അ​ന്വേ​ഷ​ണം ആ​രം​ഭി​ച്ചു. സൂ​സ​ൻ പ​റ​ഞ്ഞ വി​വ​ര​ങ്ങ​ളു​മാ​യി അ​ന്വേ​ഷ​ണം ന​ട​ത്തി​യി​ട്ടു പോ​ലീ​സി​നു കാ​ര്യ​മാ​യി മു​ന്നോ​ട്ടു​പോ​കാ​ൻ ക​ഴി​ഞ്ഞി​ല്ല. ആ ​അ​പ​രി​ചി​ത​നെ​ക്കു​റി​ച്ചോ അ​ക്ര​മി കു​ട്ടി​ക​ളെ കൊ​ണ്ടു​പോ​യെ​ന്നു പ​റ​യു​ന്ന കാ​റി​നെ​ക്കു​റി​ച്ചോ ഒ​രു വി​വ​ര​വും ല​ഭി​ച്ചി​ല്ല. ‌

സൂ​ച​ന​ക​ളി​ല്ല!

യാ​തൊ​രു സൂ​ച​ന​ക​ളും ല​ഭി​ക്കാ​തെ വ​ന്ന​തോ​ടെ സൂ​സ​ൻ ന​ൽ​കി​യ വി​വ​ര​ങ്ങ​ൾ ശ​രി​യാ​ണോ എ​ന്ന സം​ശ​യം പോ​ലീ​സി​നു​ണ്ടാ​യി. അ​തോ​ടെ സൂ​സ​നെ ര​ഹ​സ്യ​മാ​യി നി​രീ​ക്ഷി​ക്കാ​ൻ അ​വ​ർ തീ​രു​മാ​നി​ച്ചു. അ​വ​രു​ടെ മു​ൻ​കാ​ല ജീ​വി​ത​ത്തെ​ക്കു​റി​ച്ചും പ​ശ്ചാ​ത്ത​ല​ത്തെ​ക്കു​റി​ച്ചു​മെ​ല്ലാം പോ​ലീ​സ് അ​ന്വേ​ഷി​ച്ചു. എ​ന്തൊ​ക്കെ​യോ വ​ശ​പ്പി​ശ​കും ചേ​രാ​യ്ക​യും അ​വ​രു​ടെ ഇ​ട​പെ​ട​ലു​ക​ളി​ലു​ണ്ടെ​ന്നു പോ​ലീ​സ് ക​ണ്ടെ​ത്തി. സൂ​സ​ൻ പ​റ​യു​ന്ന കാ​ര്യ​ങ്ങ​ളി​ൽ വ​ലി​യ ക​ഴ​ന്പി​ല്ലെ​ന്നു പോ​ലീ​സി​നു വ്യ​ക്ത​മാ​യി. ഇ​തോ​ടെ സൂ​സ​നെ വി​ശ​ദ​മാ​യി ചോ​ദ്യം ചെ​യ്യാ​ൻ തീ​രു​മാ​നി​ച്ചു. ചോ​ദ്യം ചെ​യ്യ​ലി​ൽ സൂ​സ​ൻ പ​ത​റി. മ​റു​പ​ടി​ക​ൾ പ​ല​പ്പോ​ഴും പ​ര​സ്പ​ര വി​രു​ദ്ധ​മാ​യി മാ​റി. ഇ​തോ​ടെ പോ​ലീ​സ് അ​വ​രെ കാ​ര്യ​മാ​യി ത​ന്നെ ചോ​ദ്യം ചെ​യ്തു.

ഒ​ടു​വി​ൽ സ​ത്യം

ഒ​ടു​വി​ൽ പി​ടി​ച്ചു​നി​ൽ​ക്കാ​ൻ ക​ഴി​യാ​തെ ഞെ​ട്ടി​ക്കു​ന്ന കാ​ര്യ​ങ്ങ​ൾ അ​വ​ർ തു​റ​ന്നു പ​റ​യാ​ൻ തു​ട​ങ്ങി. കാ​ണാ​താ​യെ​ന്നു പ​റ​ഞ്ഞ മ​ക്ക​ളെ അ​വ​ർ ത​ന്നെ കൊ​ല​പ്പെ​ടു​ത്തി​യ​താ​ണെ​ന്ന വെ​ളി​പ്പെ​ടു​ത്ത​ൽ കേ​ട്ടു പോ​ലീ​സും അ​ന്പ​ര​ന്നു. എ​ങ്ങ​നെ​യാ​ണ് മ​ക്ക​ളെ കൊ​ല​പ്പെ​ടു​ത്തി​യ​തെ​ന്നും അ​വ​ർ പ​റ​ഞ്ഞു.

മ​ക്ക​ളെ കാ​റി​ൽ അ​ട​ച്ചു ത​ടാ​ക​ത്തി​ലേ​ക്ക് ഉ​രു​ട്ടി​വി​ട്ടാ​ണ് കൊ​ല​പാ​ത​കം ന​ട​ത്തി​യ​തെ​ന്ന് അ​വ​ർ വി​വ​രി​ച്ചു. ഈ ​വാ​ർ​ത്ത കേ​ട്ട പ​ല​ർ​ക്കും അ​വി​ശ്വ​സ​നീ​യ​മാ​യി​രു​ന്നു. എ​ന്തി​നാ​ണ​വ​ൾ സ്വ​ന്തം മ​ക്ക​ളെ കൊ​ന്ന​തെ​ന്ന ചോ​ദ്യ​മാ​ണ് എ​ല്ലാ​യി​ട​ത്തു​നി​ന്നും ഉ​യ​ർ​ന്ന​ത്. ത​ന്‍റെ പ്ര​ണ​യ​മോ​ഹം സ​ഫ​ല​മാ​ക്കാ​നാ​ണ് സൂ​സ​ൻ ഈ ​കൊ​ടും ക്രൂ​ര​ത ന​ട​ത്തി​യതെന്ന വി​വ​ര​വും പു​റ​ത്തു​വ​ന്നു.


പ്ര​ണ​യ​മോ​ഹം

സൂ​സ​ൻ ജോ​ലി ചെ​യ്യു​ന്ന സ്ഥ​ല​ത്തെ മു​ത​ലാ​ളി​യു​ടെ മ​ക​നു​മാ​യി ക​ടു​ത്ത പ്ര​ണ​യ​ത്തി​ലാ​യി​രു​ന്നു. പ​ക്ഷേ, ര​ണ്ടു മ​ക്ക​ളു​ടെ അ​മ്മ​യാ​യ സൂ​സ​നെ വി​വാ​ഹം ക​ഴി​ക്കാ​ൻ മു​ത​ലാ​ളി​യു​ടെ മ​ക​ന് ഒ​രു ആ​ശ​ങ്ക. കു​ട്ടി​ക​ളെ സ്വീ​ക​രി​ക്കു​ന്ന​തി​ലു​ള്ള വൈ​മു​ഖ്യ​മാ​ണ് ത​ന്നെ വി​വാ​ഹം ക​ഴി​ക്കു​ന്ന​തി​ൽ​നി​ന്നു കാ​മു​ക​നെ അ​ക​റ്റു​ന്ന​തെ​ന്ന് സൂ​സ​ൻ തി​രി​ച്ച​റി​ഞ്ഞു. സൂ​സ​നെ വി​വാ​ഹം ക​ഴി​ക്കാം പ​ക്ഷേ, സൂ​സ​ന്‍റെ ര​ണ്ടു കു​ട്ടി​ക​ളെ നോ​ക്കാ​നോ അ​വ​രു​ടെ വ​ള​ർ​ത്ത​ച്ഛ​നാ​കാ​നോ മു​ത​ലാ​ളി​യു​ടെ മ​ക​നു താ​ല്പ​ര്യ​മി​ല്ല​ത്രേ.

കൊ​ടും​പാ​ത​കം‌

ത​ന്‍റെ കു​ട്ടി​ക​ൾ ത​ന്‍റെ ഭാ​വി​ക്കു ചോ​ദ്യ ചി​ഹ്ന​മാ​കു​ന്നു​വെ​ന്നു ക​ണ്ട​തോ​ടെ സൂ​സ​ന്‍റെ ക്രി​മി​ന​ൽ ബു​ദ്ധി ഉ​ണ​ർ​ന്നു. പ്ര​ണ​യം ത​ല​യ്ക്കു പി​ടി​ച്ച​തോ​ടെ മ​ക്ക​ളെ ഒ​ഴി​വാ​ക്കി​യി​ട്ടെ​ങ്കി​ലും കാ​മു​ക​നെ സ്വ​ന്ത​മാ​ക്കാ​ൻ അ​വ​ൾ തീ​രു​മാ​നി​ച്ചു. കൊ​ടും ക്രൂ​ര​ത​യു​ടെ വ​ഴി​യാ​ണ​വ​ൾ തെ​ര​ഞ്ഞെ​ടു​ത്ത​ത്. പ​ദ്ധ​തി ആ​സൂ​ത്ര​ണം ചെ​യ്തു. കു​ട്ടി​ക​ളെ കാ​റി​നു​ള്ളി​ലാ​ക്കി പൂ​ട്ടി സ​മീ​പ​ത്തു​ള്ള ത​ടാ​ക​ത്തി​ലേ​ക്കു കാ​ർ ഉ​രു​ട്ടി​വി​ട്ടു. ഇ​തൊ​രു അ​പ​ക​ട​മ​ര​ണ​മാ​യി ചി​ത്രീ​ക​രി​ക്കാ​നാ​യി​രു​ന്നു പ​ദ്ധ​തി. കു​ട്ടി​ക​ളു​ടെ മ​ര​ണം സം​ഭ​വി​ച്ചാ​ൽ അ​തു ക​റ​ങ്ങി​ത്തി​രി​ച്ചു ത​ന്‍റെ ത​ല​യി​ൽ വ​രാ​തി​രി​ക്കാ​നാ​ണ് അ​പ​ക​ട​മെ​ന്നു തോ​ന്നാ​വു​ന്ന ത​ര​ത്തി​ൽ പ​ദ്ധ​തി ത​യാ​റാ​ക്കി​യ​ത്.

മൂ​ന്നു വ​യ​സു​ള്ള മൈ​ക്ക​ൽ, 14 മാ​സം മാ​ത്ര​മു​ള്ള അ​ല​ക്സ് എ​ന്നീ ര​ണ്ടു പി​ഞ്ചു കു​ഞ്ഞു​ങ്ങ​ളെ, അ​തും സ്വ​ന്തം ചോ​ര​യി​ൽ പി​റ​ന്ന കു​ഞ്ഞു​ങ്ങ​ളെ അ​വ​ൾ കൊ​ല​യ്ക്കു​കൊ​ടു​ത്തു. എ​ന്നാ​ൽ, പോ​ലീ​സി​ന്‍റെ ചെ​റി​യ സം​ശ​യം അ​വ​ളു​ടെ പ​ദ്ധ​തി​ക​ൾ പൊ​ളി​ച്ചു. 14 വ​ർ​ഷം ക​ഠി​ന ത​ട​വാ​ണ് കൊ​ടും​ക്രൂ​ര​ത​യ്ക്കു കോ​ട​തി ന​ൽ​കി​യ​ത്.

തയാറാക്കിയത്: എൻ.എം

Copyright @ 2022 , Rashtra Deepika Ltd.