ഇൻക്രിമെന്‍റ് നഷ്‌‌ടപ്പെടില്ല

അറ്റൻഡന്‍റ് ഗ്രേഡ് വണ്‍ ആയി ജോലി ചെയ്യുന്ന എനിക്ക് എൽഡി ക്ലർക്കായി നിയമനം ലഭിച്ചിരിക്കുകയാണ്. അറ്റൻഡന്‍റ് തസ്തികയുടെ ഇൻക്രിമെന്‍റ് തീയതിയിലാണ് എനിക്ക് നിയമനം ലഭിച്ചത്. ഇതിൻ പ്രകാരം എന്‍റെ ഇൻക്രിമെന്‍റ് നഷ്ടപ്പെടുമോ? എൽഡി ക്ലർക്കിന്‍റെ സ്കെയിലിന്‍റെ തുടക്കത്തേക്കാൾ ശന്പളം ഞാൻ ഇപ്പോൾ വാങ്ങുന്നുണ്ട്. അപ്പോൾ ഇൻക്രിമെന്‍റ് നഷ്ടപ്പെടാതെ എന്‍റെ ശന്പളം ഫിക്സ് ചെയ്യാൻ സാധിക്കുമോ? അതോ എൽഡി ക്ലർക്കിന്‍റെ മിനിമം ശന്പളത്തിലേക്ക് ശന്പളം കുറഞ്ഞുപോകുമോ? സെപ്റ്റംബർ ഒന്നാം തീയതി വച്ചാണ് നിയമനം ലഭിച്ചത്.
കരുണാകരൻ, കോട്ടയം

താഴ്ന്ന സ്കെയിലിൽനിന്ന് ഉയർന്ന സ്കെയിലിലേക്ക് പ്രമോഷനോ ബൈ ട്രാൻസ്ഫർ നിയമനമോ ലഭിച്ചാൽ 28എ പ്രകാരമുള്ള ഫിക്സേഷൻ ആനുകൂല്യത്തിന് അർഹതയുണ്ട്. ഇൻക്രിമെന്‍റ് തീയതിയിൽ പ്രമോഷനോ പുതിയ നിയമനമോ ലഭിച്ചാൽ വാങ്ങിച്ചുകൊണ്ടിരിക്കുന്ന തസ്തികയലെ ഇൻക്രിമെന്‍റ് നൽകിയശേഷം റൂൾ 28 എ പ്രകാരമുള്ള ഫിക്സേഷൻ നടത്തണം. അപ്പോൾ കുറഞ്ഞത് മൂന്ന് ഇൻക്രിമെന്‍റുകളുടെ നേട്ടം ഉണ്ടാകും. അതിനാൽ പഴയ തസ്തികയിലെ ഇൻക്രിമെന്‍റ് പാസാക്കിയശേഷം സർവീസ് ബുക്ക് പുതിയ സ്ഥാപനത്തിലേക്ക് അയച്ചുകൊടുക്കുക.