വിദ്യാഭ്യാസ വകുപ്പിൽനിന്ന് വ്യക്തത വരുത്തണം

എയ്ഡഡ് സ്കൂളിൽ യുപിഎസ്എ ആയി ജോലി ചെയ്യുന്നു. സിംഗിൾ മാനേജ്മെന്‍റിന്‍റെ കീഴിലുള്ളതാണ് സ്കൂൾ. ഹെഡ്മിസ്ട്രസ് 2019 മാർച്ചിൽ വിര മിക്കും. സീനിയോറിറ്റി പ്രകാരം എനിക്കാണ് അടുത്തതായി ഹെഡ്മിസ്ട്രസിന്‍റെ പ്രമോഷന് അർഹത. ഞാൻ അക്കൗണ്ട് ടെസ്റ്റ് ലോവർ പാസായ ആളാണ്. എന്നാൽ പുതിയ വിദ്യാഭ്യാസ നിയമപ്രകാരം ഹെഡ്മാസ്റ്റർ / ഹെഡ്മിസ്ട്രസ് തസ്തിക ലഭിക്കണമെങ്കിൽ പ്രൈമറി വിഭാഗത്തിന് അക്കൗണ്ട് ടെസ്റ്റ് ലോവറും കെഇആറും പാസാകണമെന്ന് അറിയാൻ കഴിഞ്ഞു. ഇത് ശരിയാണോ?
ഗീത ജയരാജ്, കൊല്ലം

മുന്പ് നിലവിലുണ്ടായിരുന്ന വ്യവസ്ഥ പ്രകാരം എൽപി/യുപി സ്കൂൾ ഹെഡ്മാസ്റ്റർ / ഹെഡ്മിസ്ട്രസ് തസ്തികയിലേക്ക് പ്രമോഷൻ ലഭിക്കുന്നവർക്ക് അക്കൗണ്ട് ടെസ്റ്റ് ലോവർ ടെസ്റ്റ് യോഗ്യത ഉണ്ടായിരിക്കുകയോ അല്ലെങ്കിൽ 50 വയസ് പൂർത്തിയായവരോ (ടെസ്റ്റ് പാസാകുന്നതിൽനിന്ന് ഒഴിവാക്കപ്പെട്ടവർ) ആയിരിക്കണമെന്നായിരുന്നു. എന്നാൽ ഇപ്പോൾ ആ വ്യവസ്ഥ പുതുക്കി പുതിയ ഉത്തരവിറങ്ങിയിട്ടുണ്ട്. ഹെഡ്മാസ്റ്റർ സ്കെയിലിൽ ശന്പളം ലഭിക്കണമെങ്കിൽ എൽപി/യുപി വിഭാഗം അധ്യാപകർ അക്കൗണ്ട് ടെസ്റ്റ് ലോവർ, കെഇആർ എന്നിവ ജയിച്ചിരിക്കണം. ഇപ്പോൾ 50 വയസ് പൂർത്തിയായവരെ ഇതിൽ പരിഗണിക്കുന്നുമില്ല. ഇപ്പോഴത്തെ ഉത്തരവ് ശരിക്കും വ്യക്തമല്ല. അതിനാൽ വകുപ്പിൽനിന്ന് ഇക്കാര്യത്തിൽ വ്യക്തത വരുത്തണം.