ശാരീരിക ന്യൂനതയുള്ള മക്കൾക്ക് പദ്ധതിയുടെ പ്രയോജനം ലഭിക്കും

സർവീസ് പെൻഷനും ഫാമിലി പെൻഷനും വാങ്ങുന്നു ണ്ട്. ഇത്തരക്കാർ പുതിയ ആരോഗ്യ ഇൻഷ്വറൻസ് സ്കീമിൽ ചേരാൻ പ്രത്യേകം പ്രത്യേകം അപേക്ഷകൾ നൽകേണ്ടതുണ്ടോ? അതുപോലെ സർവീസ് പെൻഷൻകാർക്ക് ചികിത്സാ സഹായം പങ്കാളിക്കും ലഭിക്കുമെന്നാണ് പറഞ്ഞിരിക്കുന്നത്. പെൻഷനെ ആശ്രയിച്ചു കഴിയുന്ന മക്കൾക്ക് ഇതിന്‍റെ ആനുകൂല്യം ലഭിക്കുമോ? ആശ്രിതരിൽ ആർക്കൊക്കെ ഇതിന്‍റെ പ്രയോജനം ലഭിക്കും. ?
ഡേവിഡ്്‍, പത്തനാപുരം

ആരോഗ്യ ഇൻഷ്വറൻസ് പദ്ധതിപ്രകാരം സർവീസ് പെൻ ഷൻ വാങ്ങുന്നവരുടെ പങ്കാളിക്ക് (ഭാര്യ/ ഭർത്താവ്) പദ്ധതി യുടെ പ്രയോജനം ലഭിക്കും. കൂടാതെ ശാരീരിക ന്യൂനത യുള്ള ആശ്രിതരാണെങ്കിൽ അവർക്കും ഈ പദ്ധതിയുടെ ആനുകൂല്യം ലഭിക്കും. ഒരു അപേക്ഷ നൽകിയാൽ മതി.

ഫാമിലി പെൻഷൻകാരാണെങ്കിൽ ആശ്രിതർ എന്ന നിലയിൽ ശാരീരിക ന്യൂനതയുള്ള മക്കൾ ഉണ്ടെങ്കിൽ മാത്രമേ ഈ പദ്ധതിയുടെ പ്രയോജനം ലഭിക്കുകയുള്ളൂ.

പെൻഷൻ കാർക്ക് ഇപ്പോൾ ലഭിച്ചുകൊണ്ടിരിക്കുന്ന മെഡിക്കൽ അലവൻസായ 300രൂപ ഈ പദ്ധതിയിലേക്ക് മാറ്റുന്നതാണ്. ഈ പദ്ധതി പ്രാബല്യത്തിൽ വരുന്നതോടെ മെഡിക്കൽ അലവൻസ് ഇല്ലാതാകുന്നതാണ്.