ഡിപ്പാർട്ട്മെന്‍റൽ പരീക്ഷ: 50-ാം ജന്മദിനത്തിലെ പൂർവാഹ്‌‌നം മുതൽ ഇളവ് പ്രാബല്യത്തിൽ വരും

സർക്കാർ ജീവനക്കാരിൽ 1981 ഓഗസ്റ്റ് 26നോ അതിനുശേഷമോ അന്പതു വയസ് കൈവരിക്കുന്നവർക്ക് പ്രമോഷൻ, പ്രൊബേഷൻ, പൂർണ അംഗമായുള്ള നിയമനം എന്നിവയ്ക്ക് അവശ്യയോഗ്യതയായി സ്പെഷൽ റൂളിൽ വ്യവസ്ഥ ചെയ്തിട്ടുള്ളവ ഒഴികെയുള്ള നിർബന്ധിത വകുപ്പുതല പരീക്ഷകൾ വിജയിക്കുന്നതിൽനിന്ന് സ്ഥിരമായി ഒഴിവാക്കപ്പെടുന്നതിന് അർഹതയുണ്ട്. എന്നാൽ ഇപ്രകാരമുള്ളവരുടെ പ്രൊബേഷൻ പ്രഖ്യാപനം, പ്രമോഷൻ എന്നിവയ്ക്കുള്ള പ്രാബല്യ തീയതി വിവിധ നിയമനാധികാരികൾ കണക്കാക്കുന്നത് വ്യത്യസ്ത രീതികളിലാണ്.

1981 ഓഗസ്റ്റ് 26നോ അതിനുശേഷമോ 50 വയസ് കൈവരിക്കുന്ന സർക്കാർ ജീവനക്കാർക്ക് പ്രമോഷൻ, പ്രൊബേഷൻ, പൂർണ അംഗമായുള്ള നിയമനം എന്നിവയ് ക്ക് അവശ്യയോഗ്യതയായി സ്പെഷൽ റൂളിൽ വ്യവസ്ഥ ചെയ്തിട്ടുള്ളവ ഒഴികെയുള്ള നിർബന്ധിത വകുപ്പുതല പരീക്ഷകൾ വിജയിക്കുന്നതിന് കേരള സ്റ്റേറ്റ് ആൻഡ് സബോർഡിനേറ്റ് സർവീസസ് റൂൾസ് (കെഎസ് ആ ൻഡ് എസ്എസ്ആർ) ഭാഗം 2 ചട്ടം 13 ബി പ്രകാരം അനുവദിക്കുന്ന സ്ഥിരമായ ഇളവ് ജീവനക്കാരന്‍റെ അന്പതാം ജന്മദിനത്തിന്‍റെ പൂർവാഹ്‌‌ നം പ്രാബല്യത്തിൽ നൽകാവുന്നതാണ്. അതിനാൽ അന്നേ തീയതി മുതൽ തന്നെ ജീവനക്കാരന്‍റെ പ്രൊബേഷൻ പ്രഖ്യാപിക്കപ്പെടുന്നതിനും ഒഴിവുള്ള തസ്തികയിൽ മറ്റ് വിധത്തിൽ നിയമിക്കപ്പെടുന്നതിന് യോഗ്യനാണെങ്കിൽ പ്രമോഷൻ ലഭിക്കുന്നതിനും അർഹതയുണ്ടെന്ന് വ്യക്തമാക്കുന്നു.

ഉദാഹരണത്തിന് നിർബന്ധിത വകുപ്പുതല പരീക്ഷ വിജയിക്കാത്ത കാരണത്താൽ പ്രൊബേഷൻ പ്രഖ്യാപിക്കാത്ത 30-05-1968 ജനനത്തീയതിയായുള്ള ജീവനക്കാരന്‍റെ പ്രൊബേഷൻ 30-05-2018 പൂർവാഹ്നം പ്രാബല്യത്തിൽ പ്രഖ്യാപിക്കുന്നതാണ്.

മുൻകാലങ്ങളിൽ മറ്റ് വിധത്തിൽ തീർപ്പാക്കപ്പെട്ട കേസുകൾ പുനഃപരിശോധിക്കേണ്ടതില്ല.
ഉദ്യോഗസ്ഥ ഭരണ പരി ഷ്കാര വകുപ്പ് സർക്കുലർ 1/235/2018.