താത്കാലിക സർവീസ് പെൻഷനു പരിഗണിക്കില്ല

എയ്ഡഡ് സ്കൂൾ അധ്യാപികയാണ്. 2019 ഏപ്രിൽ 30ന് വിരമിക്കും. നിലവിൽ എനിക്ക് 28 വർഷത്തെ തുടർച്ചയായ സർവീസും രണ്ടു വർഷത്തെ താത്കാലിക സർവീസുമുണ്ട്. എന്നാൽ ഇപ്പോൾ താത്കാലിക സർവീസ് (ബ്രോക്കണ്‍ സർവീസ്) പെൻഷന് പരിഗണിക്കുകയില്ലെന്നാണ് അറിയാൻ കഴിഞ്ഞത്. ഇതു ശരിയാണോ? ബ്രോക്കണ്‍ സർവീസ് കൂടി ചേർത്താൽ മാത്രമേ എനിക്ക് പൂർണതോതിലുള്ള പെൻഷൻ ലഭിക്കുകയുള്ളൂ. 2016 വരെ പെൻഷൻ പറ്റിയവർക്ക് ഇതു ബാധകമല്ലായിരുന്നുവല്ലോ. ഇത് ഒരു അപാകതയല്ലേ? ബ്രോക്കണ്‍ സർവീസിനെ സംബന്ധിച്ച് പുതിയ ഉത്തരവ് വല്ലതും ഉണ്ടായിട്ടുണ്ടോ?
ട്രീസാമ്മ തോമസ്,
നെടുങ്കണ്ടം

പെൻഷനുള്ള യോഗ്യത നിർണയിക്കുന്പോൾ താത്കാലിക സർവീസ് (ബ്രോക്കണ്‍ സർവീസ്) ഒഴിവാക്കണമെന്നുള്ള ഉത്തരവ് 2016ലാണ് ഇറങ്ങിയത്. എന്നാൽ താത്കാലിക സർവീസ് ഇൻക്രിമെന്‍റിനും ഹയർഗ്രേഡിനും പരിഗണിക്കുന്നുമുണ്ട്. ഇത് ശരിക്കും ഒരു അപാകതയാണ്.
എന്നാൽ ഇത് മാറ്റിക്കൊണ്ടുള്ള ഉത്തരവ് ഇതേവരെയും ഇറങ്ങിയിട്ടില്ല. ഈ വിഷയം കോടതിയിൽ വന്നപ്പോൾ സർക്കാർ ഉചിത തീരുമാനമെടുക്കട്ടെ എന്നാണ് നിർദേശം വന്നത്. ഇതിനു വിരുദ്ധമായി ഉത്തരവുണ്ടാകുന്നതുവരെ താത് കാലിക സർവീസ് പെൻഷനു പരിഗണിക്കാൻ സാധിക്കില്ല. ഇതിൽ വലിയ സാന്പത്തിക നഷ്ടം ഉണ്ടാകുന്നുണ്ട്.