ആശ്രിത നിയമനം പങ്കാളിക്ക്

എന്‍റെ മകൾ അപകടത്തിൽപ്പെട്ടു മരിച്ചു. അവൾക്ക് ആറു വർഷത്തെ സർവീസേ ഉള്ളൂ. അവളുടെ ഭർത്താവ് സർക്കാർ ജീവനക്കാരനല്ല. മകൾക്ക് 11 വയസുള്ള ആണ്‍കുട്ടിയുണ്ട്. 10 വർഷത്തിൽ താഴെ മാത്രം സർവീസ് ഉള്ളതിനാൽ എക്സ്ഗ്രേഷ്യ ഫാമിലി പെൻഷനേ ലഭിക്കുകയുള്ളൂവെന്നാണ് മനസിലാക്കാന്‌ കഴിഞ്ഞത്. അതുപോലെ ആശ്രിത നിയമന പ്രകാരം ആർക്കാണ് ജോലി ലഭിക്കുക‍? ആശ്രിത നിയമനം വഴി ജോലി ലഭിച്ചു കഴിഞ്ഞാൽ ഫാമിലി പെൻഷൻ നഷ്ടപ്പെടുമോ?
ജോർജ് തോമസ്,
കടുത്തുരുത്തി

സർക്കാർ സർവീസിൽ പ്രവേശിച്ച് ഒരു ദിവസത്തിനുശേഷം ജീവനക്കാരൻ/ ജീവനക്കാരി മരണമടഞ്ഞാലും പങ്കാളിക്ക് ഫാമിലി പെൻഷന് അർഹതയുണ്ട്. 10 വർഷത്തെ സർവീസില്ലാതെ വിരമിക്കുന്ന വർക്കാണ് എക്സ്ഗ്രേഷ്യ പെൻഷൻ അനുവദിക്കുന്നത്. അതിനാൽ താങ്കളുടെ മകളുടെ ഭർത്താവിന് ഫാമിലി പെൻഷൻ (മിനിമം) ലഭിക്കും. ഇപ്പോഴത്തെ മിനിമം ഫാമിലി പെൻഷൻ 8500 രൂപയാണ്. അതുപോലെ ആശ്രിത നിയമനം സർവീസിലിരുന്നു മരിച്ച ആളിന്‍റെ പങ്കാളിക്കു ലഭിക്കും. അല്ലെങ്കിൽ കുട്ടികൾക്കു ലഭിക്കും. 18 വയസ് പൂർത്തിയായെങ്കിൽ മാത്രമേ കുട്ടികൾക്ക് ജോലിക്ക് അർഹതയുള്ളൂ. അതിനാൽ ബന്ധപ്പെട്ട രേഖകൾ സഹിതം മകൾ ജോലി ചെയ്തിരുന്ന ഓഫീസുമായി ബന്ധപ്പെടുക.