പങ്കാളിത്ത പെൻഷൻ പദ്ധതിയിൽ ഉൾപ്പെട്ടു; 60 വയസുവരെ തുടരാം

മൃഗസംരക്ഷണ വകുപ്പിൽ പാർട്ട്ടൈം സ്വീപ്പറായിരിക്കെ 16-10-2018ൽ പ്യൂണായി / അറ്റൻഡന്‍റ് പ്രമോഷനായി. എനിക്ക് 2026 മേയ് 14ന് 56 വയസ് പൂർത്തിയാകും. അങ്ങനെ കണക്കാക്കിയാൽ എനിക്ക് ഫുൾ ടൈം സർവീസ് എട്ടു വർഷം മാത്രമേ ലഭിക്കൂ. പാർട്ട്ടൈം സർവീസുകൂടി ചേർത്താൽ മാത്രമേ മിനിമം പെൻഷന് അർഹത ലഭിക്കുകയുള്ളൂ. പങ്കാളിത്ത പെൻഷനു വേണ്ടിയുള്ള അപേക്ഷ സമർപ്പിച്ചുകഴിഞ്ഞു. ഞാൻ പാർട്ട്ടൈം സർവീസിൽ പ്രവേശിച്ചത് 1-4-2013ന് മുന്പാണല്ലോ. അപ്പോൾ സ്റ്റാറ്റ്യൂട്ടറി പെൻഷൻ ലഭിക്കേണ്ടതല്ലേ?
ജിജി തോമസ്,
പത്തനംതിട്ട

01-04-2013നു ശേഷമാണ് താങ്കൾ ഫുൾടൈം സർവീസിൽ പ്രവേശിക്കുന്നത്.
അതിനാൽ താങ്കൾക്ക് പങ്കാളിത്ത പെൻഷൻ ബാധകമാണ്. പാർട്ട്ടൈം സർവീസിനെ ഇതുമായി ബന്ധിപ്പിക്കാൻ പാടില്ല. എന്നാൽ താങ്കൾ 56 വയസ് പൂർത്തിയാകുന്പോൾ വിര മിക്കേണ്ട ആവശ്യമില്ല. പങ്കാ ളിത്ത പെൻഷൻ പദ്ധതിയിൽ ഉൾപ്പെട്ടവരുടെ വിരമിക്കൽ പ്രായം 60 വയസാണ്.
അതിനാൽ താങ്കൾ 2030 മേയ് 31ന് മാത്രമേ വിരമിക്കേണ്ടതുള്ളൂ. അപ്പോൾ ഫുൾടൈം സർവീസിനോടൊപ്പം പാർട്ട്ടൈം സർവീസിന്‍റെ 50 ശതമാനം കൂടി അതോടൊപ്പം ചേർക്കുന്നതാണ്.