അഞ്ചു വർഷത്തിനുള്ളിൽ തിരുത്തേണ്ടിയിരുന്നു

യുപിഎസ്എ ആണ്. സർവീസ് ബുക്ക് പ്രകാരം എന്‍റെ ജനനത്തീയതി 20-05-1964 ആണ്. ആ കണക്കിൽ എന്‍റെ വിരമിക്കൽ പ്രായം 31- /05-/ 2020 ആണല്ലോ. എന്നാൽ എന്‍റെ ശരിയായ ജനനത്തീയതി ജനനസർട്ടിഫിക്കറ്റ് പ്രകാരം 10-/ 8- /1964 ആണ്. സ്കൂളിൽ ചേർന്നസമയത്ത് വയസ് പൂർത്തിയാകുന്നതിനുവേണ്ടിയാണ് മേയ് മാസം ജനനത്തീയതി കണക്കാക്കിയത്. എന്‍റെ കൈവശം ജനനസർട്ടിഫിക്കറ്റ് ഉണ്ട്. ഇതിൻ പ്രകാരം സർവീസ് രേഖകളിലെ ജനനത്തീയതിയിൽ മാറ്റം വരുത്താൻ സാധിക്കുമോ? എന്‍റെ എസ്എസ്എൽസി ബുക്കിലും 20-5-1964 എന്നാണുള്ളത്. ഇങ്ങനെ മാറ്റിക്കിട്ടിയാൽ വിരമിക്കൽ പ്രാ യം 31/-3-/2021 ആകേണ്ടതാണ്. മാത്രവുമല്ല മൂന്നുമാസത്തെ സർവീസ് കൂടി ചേർത്താൽ എനിക്ക് 30 വർഷം സർവീസും കിട്ടും. ഇങ്ങനെ ജനനത്തീയതി മാറ്റുന്നതിന് എന്തെങ്കിലും നടപടി ഉണ്ടോ?
എലിസബത്ത്, കട്ടപ്പന

സർവീസിലുള്ള പല ജീവനക്കാരുടെയും ജനനത്തീയതിയിൽ ഇതുപോലെ വ്യത്യാസം ഉള്ളവർ ഉണ്ട്. മുൻപ് ഒന്നാം ക്ലാസിൽ പ്രവേശിപ്പിക്കുന്പോഴും എസ് എസ്എൽസി പരീക്ഷ എഴുതുന്ന സമയത്തും ജനന സർട്ടിഫിക്കറ്റിന്‍റെ ആവശ്യം ഇല്ലായിരുന്നു. എന്നാൽ, ഇപ്പോൾ ജനനസർട്ടിഫിക്കറ്റ് നിർബന്ധമാണ്. നിലവിലുള്ള ജനനത്തീയതി പ്രകാരമേ ഇപ്പോൾ വിരമിക്കൽ കണക്കാക്കുകയുള്ളൂ. നിലവിലെ വ്യവസ്ഥ അനുസരിച്ച് ഒരു ജീവനക്കാരൻ സർക്കാർ, എയ്ഡഡ് സർവീസിൽ പ്രവേശിച്ച് അഞ്ചു വർഷത്തിനുള്ളിൽ ജനനത്തീയതിയിൽ വ്യത്യാസമുണ്ടെങ്കിൽ തിരുത്തൽ വരുത്തേണ്ടതാണ്. അല്ലാതെയുള്ളവ പരിഗണിക്കുന്നതല്ല.