പരമാവധി 40ലക്ഷം രൂപ ലഭിക്കും

ഓഫീസ് അറ്റൻഡറാണ്. 11വർഷം സർവീസുണ്ട്. 18 വർഷത്തെ സർവീസ് ബാക്കിയു ണ്ട്. ജീവനക്കാർക്ക് സർക്കാർ നൽകുന്ന ഭവന വായ്പ‍ എടുക്കേണ്ട ആവശ്യമുണ്ട്. അടിസ്ഥാന ശന്പളം 25,200 ആണ്. 25 ലക്ഷം രൂപയാണ് വായ്പ വേണ്ടത്. എന്‍റെ പേരിൽ 10 സെന്‍റ് സ്ഥലമുണ്ട്. വായ്പയ് ക്ക് അനുവദിക്കുന്ന തുക മൊത്തം കിട്ടുമോ? തിരിച്ചടവ് ഏതു വിധത്തിലാണ്? വായ്പ അനുവദിക്കാൻ കൂടുതൽ കാലതാമസം എടുക്കുമോ? എന്‍റെ കൈവശം പണി ആരംഭിക്കുന്നതിനുള്ള തുക ഉണ്ട്. അപേക്ഷ സമർപ്പിക്കേണ്ടത് ആർക്കാണ്?
റസാക്ക്, തൊടുപുഴ

വായ്പ‍ അനുവദിക്കുന്നത് ഡിപ്പാർട്ട്മെന്‍റിലെ ക്വോട്ടയും അപേക്ഷകരുടെ സീനിയോറി റ്റിയും നോക്കിയാണ്. മറ്റു പ്രശ്നങ്ങൾ ഒന്നുംതന്നെ ഇല്ലെങ്കിൽ ഒരു വർഷത്തിൽ കൂടുതൽ സമയം എടുക്കാറില്ല. വാ യ്പ അനുവദിക്കുന്നത് ജീവനക്കാരന്‍റെ അടിസ്ഥാന ശന്പളത്തിന്‍റെ ഡിഎയും ബാക്കിയുള്ള സർവീസിന്‍റെ കാലവും കൂടി പരിഗണിച്ചാണ്. ഏറ്റവും പുതിയ നിബന്ധന അനുസരിച്ച് അടിസ്ഥാന ശന്പളത്തിന്‍റെ 100 ഇരട്ടി തുക വരെ അനുവദിക്കും. താങ്കൾക്ക് ഇതിൻപ്രകാരം ആവശ്യപ്പെടുന്ന തുക അനുവദിക്കാനുള്ള സാധ്യതയുണ്ട്. വിരമിക്കുന്നതിനു മുന്പായുള്ള കാലം കൂടി പരിഗണിച്ചാണ് തവണകൾ തീരുമാനിക്കുന്നത്. പരമാവധി അനുവദിക്കപ്പെടുന്ന തുക എന്നു പറയുന്നത് 40 ലക്ഷം ആണ്.