96 ദിവസം സസ്പെൻഷനിൽ, ഏൺഡ് ലീവ് സറണ്ടർ ചെയ്യാം

96 ദിവസം സസ്പെൻഷനിലായിരുന്നു. ഇപ്പോൾ സർവീസിൽ തിരികെ പ്രവേശിപ്പിച്ചു. ക്രെഡിറ്റിൽ 62 ദിവസത്തെ ഏണ്‍ഡ് ലീവ് ബാക്കി യുണ്ട്. ഇതിൽ 30 ദിവസത്തെ ഏണ്‍ഡ് ലീവ് സറണ്ടർ ചെയ്യുന്നതിന് എന്തെങ്കിലും നിയമ തടസമുണ്ടോ? ഞാൻ ഏണ്‍ഡ് ലീവ് സറണ്ടറിന് അപേക്ഷ കൊടുത്തപ്പോൾ സർവീസ് കാലയളവ് ക്രമീകരിക്കുന്നതിനുള്ള ലീവ് നിലനിർത്തിക്കൊണ്ടുമാത്രമേ ഏണ്‍ഡ് ലീവ് സറണ്ടർ അനുവദിക്കൂ എന്നാണ് പറഞ്ഞിരിക്കുന്നത്. ഈ നടപടി ശരിയാണോ?
രഘുരാമൻ, കൊല്ലം

സസ്പെൻഷനുശേഷം സസ്പെൻഷൻ കാലയളവ് ക്രമീകരിക്കുന്നതിനു മുന്പായി ഏണ്‍ഡ് ലീവ് അനുവദിക്കുന്നതിന് സസ്പെൻഷൻ കാലയളവിനു തുല്യമായ ഹാഫ് പേ ലീവും ഏണ്‍ഡ് ലീവും റിസർവ് ചെയ്യണമെന്ന് നിർബന്ധമില്ല. സസ്പെൻഷൻ കാലം ക്രമീകരിക്കുന്നതിന് ഏത് ലീവ് ഉപയോഗിക്കണം എന്നു തീരുമാനിക്കാനുള്ള അവകാശം ജീവനക്കാരനുള്ളതാണ്.

അതിനാൽ ഏണ്‍ഡ് ലീവ് സൂക്ഷിച്ചു വയ്ക്കേണ്ട കാര്യമില്ല. താങ്കൾക്ക് ക്രഡിറ്റിൽ ലീവ് ഉണ്ടെങ്കിൽ സറണ്ടർ ചെയ്യാവുന്നതാണ്. 7 - 3- 2007 ലെ 13/2007 പ്രകാരമുള്ള ധനകാര്യ വകുപ്പിന്‍റെ സർക്കുലറിൽ ഇത് വ്യക്തമാക്കിയിട്ടുണ്ട്.