പെൻഷൻ പുതുക്കി നിശ്ചയിച്ചു ലഭിക്കും

എയ്ഡഡ് സ്കൂളിൽനിന്ന് വിരമിച്ച ഓഫീസ് അറ്റൻഡറാണ്. 16 വർഷമായി പെൻഷൻ വാങ്ങുന്നു. പെൻഷൻ പറ്റിയത് തിരുവല്ലയിൽനിന്നാണ്. ഇപ്പോൾ താമസം കട്ടപ്പനയിലായതുകൊണ്ട് നേരത്തെ തന്നെ പെൻഷൻ ബാങ്ക് മുഖേന ആക്കിയതാണ്. അടുത്ത കാലത്ത് പാസുബുക്ക് പതിപ്പിച്ചപ്പോഴാണ് എനിക്ക് പെൻഷനിൽ വർധനവ് ഒന്നുംതന്നെ ഉണ്ടായിട്ടില്ല എന്നറിയുന്നത്. ബാങ്കിൽ അന്വേഷിച്ചപ്പോൾ അവർക്ക് ഇതേപ്പറ്റി അറിയില്ലെന്നും ട്രഷറിയിൽ അന്വേഷിക്കണമെന്നും പറഞ്ഞു. ഇക്കാര്യത്തിൽ എന്താണ് ചെയ്യേണ്ടത് ?
ഗ്രേസമ്മ മാത്യു, കട്ടപ്പന

ബാങ്ക് മുഖേനയും ട്രഷറി മുഖേനയും പെൻഷൻ വാങ്ങുന്നവരുടെ പെൻഷനും വർധനവും വരുത്തുന്നത് ഇപ്പോൾ ട്രഷറി മുഖേനയാണ്. കഴിഞ്ഞ രണ്ടു വർഷമായി ഒരേ പെൻഷൻ തന്നെയാണ് ലഭിക്കുന്നതെങ്കിൽ താങ്കൾക്ക് കഴിഞ്ഞ പെൻഷൻ പരിഷ്കരണം ലഭിച്ചു കാണുകയില്ല എന്നു മനസിലാക്കാം. പെൻഷൻ പരിഷ്കരിച്ചുകിട്ടുന്നതിനുവേണ്ടി (2014 മുതലുള്ള പരിഷ്കരണം) ഏറ്റവും അടുത്തുള്ള ട്രഷറിയിൽ പെൻഷൻ പുതുക്കി നിശ്ചയിക്കുന്നതിനുള്ളഅപേക്ഷയുടെ മൂ ന്നു കോപ്പികൾ പൂരിപ്പിച്ച് ഉടൻ സമർപ്പിക്കുക. ട്രഷറിയിൽനിന്ന് പെൻഷൻ പുതുക്കി നിശ്ചയിച്ചു ലഭിക്കുന്നതാണ്.