11- 8- 2015ൽ ക്ലർക്ക് തസ്തികയിൽ മൃഗസംരക്ഷണ വകുപ്പിൽ ജോലിയിൽ പ്രവേശിച്ചു. പിന്നീട് 5- 6- 2016ൽ പിഎസ്‌‌സി മുഖേന തന്നെ റവന്യൂ വകുപ്പിൽ ക്ലർക്ക് തസ്തികയിൽ തന്നെ ജോലി ലഭിക്കുകയും ചെയ്തു. 1- 8- 2016ൽ എനിക്ക് ആദ്യത്തെ ഇൻക്രിമെന്‍റ് ലഭിച്ചു. 5-6-2018ൽ എന്‍റെ പ്രൊബേഷൻ പൂർത്തീകരിച്ചു. എന്‍റെ രണ്ടാമത്തെ ഇൻക്രിമെന്‍റ് എപ്പോഴാണ് ലഭിക്കുക? തുടർന്നുള്ള ഇൻക്രിമെന്‍റുകൾ ഏതു മാസത്തിലാണ് ലഭിക്കുക?
അജേഷ്, പത്തനംതിട്ട
മൃഗസംരക്ഷണ വകുപ്പിലെ സർവീസ് കൂടി കണക്കിലെടുത്താണ് 1- 8- 2016ൽ ആദ്യത്തെ ഇൻക്രിമെന്‍റ് ലഭിച്ചത്. പ്രൊബേഷൻ ഡിക്ലയർ ചെയ്തത് 5-6-2018ൽ ആയതിനാൽ താങ്കളുടെ അടുത്ത ഇൻക്രിമെന്‍റ് 1- 8- 2018ൽ ആണ് ലഭിക്കേണ്ടത്. എന്നാൽ 1- 8 -2017 മുതലുള്ള കുടിശികയ്ക്ക് അർഹതയുണ്ട്. തുടർന്നുള്ള ഇൻക്രിമെന്‍റുകൾ എട്ടാം മാസത്തിൽ ലഭിക്കും.