മു​ങ്ങി​പ്പൊ​ങ്ങി സി​യാ​ൽ
വെ​ള്ള​പ്പൊ​ക്ക​ത്തെ​ത്തു​ട​ർ​ന്നു ര​ണ്ടാ​ഴ്ച​യോ​ളം അ​ട​ച്ചി​ടേ​ണ്ടി​വ​ന്ന കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ളം വീ​ണ്ടും തു​റ​ന്നു​പ്ര​വ​ർ​ത്ത​ന​മാ​രം​ഭി​ച്ചി​രി​ക്കു​ക​യാ​ണ്. പെ​രി​യാ​ർ ക​ര​ക​വി​ഞ്ഞൊ​ഴു​കി​യ​തോ​ടെ വെ​ള്ള​ത്തി​ന​ടി​യി​ലാ​യ വി​മാ​ന​ത്താവ​ള​ത്തി​ന്‍റെ നി​ർ​മാ​ണ പ്ര​വൃ ത്തിക​ൾ യു​ദ്ധ​കാ​ല​ാടി​സ്ഥാ​ന​ത്തി​ൽ പൂ​ർ​ത്തി​യാ​ക്കി​യാ​ണ് വ്യോ​മ​ഗ​താ​ഗ​ത​ത്തി​നു തു​റ​ന്നു​കൊ​ടു​ത്ത​ത്.

പി​പി​പി മാ​തൃ​ക​യി​ൽ പ്ര​വ​ർ​ത്തി​ച്ച് കോ​ടി​ക​ൾ ലാ​ഭം കൊ​യ്യു​ന്ന, ലോ​ക രാ​ജ്യ​ങ്ങ​ൾ​വ​രെ അ​സൂ​യ​യോ​ടെ നോ​ക്കി​ക്കാണു​ന്ന വി​മാ​ന​ത്താ​വ​ള​ത്തി​ന്‍റെ പ്ര​വ​ർ​ത്ത​നം പ്ര​ശം​സ​നീ​യം​ത​ന്നെ. ക​ന​ത്ത മ​ഴ​യ്ക്കൊ​പ്പം ഡാ​മു​ക​ളും തു​റ​ന്ന​തോ​ടെ പെ​രി​യാ​ർ ക​ര​ക​വി​ഞ്ഞ് ഓ​പ്പ​റേ​ഷ​ന​ൽ ഏ​രി​യ​യി​ൽ ഉ​ൾ​പ്പെ​ടെ വെ​ള്ളം ക​യ​റി​ത്തു​ട​ങ്ങി​യ​തോ​ടെ​യാ​ണു വി​മാ​ന​ത്താ​വ​ള​ത്തി​ന്‍റെ പ്ര​വ​ർ​ത്ത​ന​ങ്ങ​ൾ സം​ബ​ന്ധി​ച്ച് ആ​ശ​ങ്ക ഉ​യ​ർ​ന്ന​ത്. സു​ര​ക്ഷാ ക്ര​മീ​ക​ര​ണ​ങ്ങ​ളു​ടെ ഭാ​ഗ​മാ​യി 15ന് ​പു​ല​ർ​ച്ചെ നാ​ലു മു​ത​ൽ ഏ​ഴു​വ​രെ ലാ​ൻ​ഡിം​ഗ് നി​ർ​ത്തി​യി​രു​ന്നു. അ​ന്ന് 12 വി​മാ​ന​ങ്ങ​ൾ മ​റ്റു വി​മാ​ന​ത്താ​വ​ള​ങ്ങ​ളി​ലേ​ക്കു വ​ഴി​തി​രി​ച്ചു വി​ട്ടു. ആ​റു മ​ണി​ക്കു വി​വി​ധ വി​ഭാ​ഗ​ങ്ങ​ളു​ടെ യോ​ഗം ചേ​ർ​ന്നു സ്ഥി​തി​ഗ​തി​ക​ൾ വി​ല​യി​രു​ത്തി​യെ​ങ്കി​ലും വി​മാ​ന​ത്താ​വ​ള​ത്തി​ലേ​ക്ക് വെ​ള്ളം ഇ​ര​ച്ചെ​ത്തി​യ​തോ​ടെ കാ​ര്യ​ങ്ങ​ൾ കൈ​വി​ട്ട​നി​ല​യി​ലാ​യി. ഇ​തോ​ടെ എ​ല്ലാ സ​ർ​വീ​സു​ക​ളും ഉ​ച്ച​യ്ക്കു ര​ണ്ടു​വ​രെ നി​ർ​ത്താ​ൻ അ​ധി​കൃ​ത​ർ തീ​രു​മാ​നി​ച്ചു. 20 ജീ​വ​ന​ക്കാ​രു​മാ​യി എ​മ​ർ​ജ​ൻ​സി ക​ണ്‍​ട്രോ​ൾ റൂം ​വി​പു​ല​പ്പെ​ടു​ത്തി. ഉ​ച്ച​യ്ക്കു മൂ​ന്നോ​ടെ 18ാം തീ​യ​തി വ​രെ വി​മാ​ന​ത്താ​വ​ളം അ​ട​ച്ചി​ടാ​ൻ തീ​രു​മാ​നി​ച്ചു. എ​ന്നാ​ൽ, 16,17,18 ദി​വ​സ​ങ്ങ​ളി​ലു​ണ്ടാ​യ പ്ര​ള​യം വി​മാ​ന​ത്താ​വ​ള​ത്തെ പൂ​ർ​ണ​മാ​യും മു​ക്കി. റ​ണ്‍​വേ​യി​ൽ അ​ഞ്ച​ടി ഉ​യ​ര​ത്തി​ൽ​വ​രെ വെ​ള്ളം പൊ​ങ്ങു​ക​യും വെ​ള്ളം പു​റ​ത്തേ​ക്ക് ഒ​ഴു​ക്കാ​നു​ള്ള എ​ല്ലാ ശ്ര​മ​ങ്ങ​ളും പ​രാ​ജ​യ​പ്പെ​ട്ട​തോ​ടെ​യും വി​മാ​ന​ത്താ​വ​ളം തു​റ​ക്കു​ന്ന​ത് അ​ധി​കൃ​ത​ർ 26 ലേ​ക്കു നീ​ട്ടി.
മു​ൻ​നി​ശ്ച​യി​ച്ച പ്ര​കാ​രം നി​ർ​മാ​ണ ജോ​ലി​ക​ൾ പൂ​ർ​ത്തി​യാ​ക്കി​യെ​ങ്കി​ലും വി​മാ​ന​ത്താ​വ​ളം തു​റ​ക്കു​ന്ന​തു 29 ലേ​ക്ക് നീ​ട്ടേ​ണ്ടി വ​ന്നു. സാ​ങ്കേ​തി​ക പ​ര​ശോ​ധ​ന​ക​ൾ പൂ​ർ​ത്തി​യാ​കാ​ത്ത​തി​നു പു​റ​മേ വി​മാ​ന​ത്താ​വ​ള​ത്തി​ലെ ജീ​വ​ന​ക്കാ​ർ​ക്കു തി​രി​കെ​യെ​ത്താ​ൻ സാ​ധി​ക്കാ​ത്ത​തും തീ​യ​തി നീ​ട്ടാ​ൻ കാ​ര​ണ​മാ​യി. അ​വ​സാ​നം 29ന് ​ഉ​ച്ച​ക​ഴി​ഞ്ഞ് 2.06ന് ​അ​ഹ​മ്മ​ദാ​ബാ​ദി​ൽ​നി​ന്ന് ഇ​ൻ​ഡി​ഗോ 6ഇ 667 ​വി​മാ​നം വി​മാ​ന​ത്താ​വ​ള​ത്തി​ലി​റ​ങ്ങി. കൂ​ടാ​തെ, 3.25ന് ​ബം​ഗ​ളു​രൂ​രു​വി​ലേ​ക്കു​ള്ള ഇ​ൻ​ഡി​ഗോ വി​മാ​നം വി​മാ​ന​ത്താ​വ​ള​ത്തി​ൽ​നി​ന്ന് പ​റ​ന്നു​യ​രു​ക​യും ചെ​യ്തു. വി​മാ​ന​ത്താ​വ​ള​ത്തി​ന്‍റെ പ്ര​വ​ർ​ത്ത​നം സാ​ധാ​ര​ണ രീ​തി​യി​ലാ​യ​തി​ന്‍റെ പ​ങ്ക് ആ​ർ​ക്കെ​ന്നു ചോ​ദി​ച്ചാ​ൽ ഏ​റ്റ​വും ചെ​റി​യ ജോ​ലി മു​ത​ൽ ഏ​കോ​പ​നം വ​രെ സാ​ധ്യ​മാ​ക്കി​യ എ​ല്ലാ​വ​ർ​ക്കു​മെ​ന്നേ പ​റ​യാ​നാ​കൂ.

അ​ന്ന് ഒ​രു ദി​വ​സം മാ​ത്രം, ഇ​ന്ന് ന​ഷ്ടം 300 കോ​ടി

പ്ര​ള​യ​ക്കെ​ടു​തി​യി​ൽ 300 കോ​ടി​യി​ല​ധി​കം രൂ​പ​യു​ടെ ന​ഷ്ടം സി​യാ​ലി​ന് സം​ഭ​വി​ച്ച​താ​യാ​ണു പ്രാ​ഥ​മി​ക ക​ണ​ക്ക്. അ​വ​സാ​ന​ഘ​ട്ട വി​ല​യി​രു​ത്ത​ലി​ൽ തു​ക വീ​ണ്ടും വ​ർ​ധി​ക്കാ​നാ​ണു സാ​ധ്യ​ത.
പ്ര​ള​യ​ക്കെ​ടു​തി​യി​ൽ വി​മാ​ന​ത്താ​വ​ള​ത്തി​ന്‍റെ റ​ണ്‍​വേ പ്ര​ദേ​ശം മു​ഴു​വ​ൻ വെ​ള്ള​ത്തി​ൽ മു​ങ്ങി​യ​തി​നു പു​റ​മേ വി​മാ​ന​ത്തി​ന്‍റെ പാ​ർ​ക്കിം​ഗ് സ്ഥ​ല​ങ്ങ​ൾ, ലോ​ഞ്ചു​ക​ൾ എ​ന്നി​ങ്ങ​നെ 30 ല​ക്ഷം ച​തു​ര​ശ്ര​യ​ടി വി​സ്തീ​ർ​ണ​ത്തി​ൽ ചെ​ളി​യും നി​റ​ഞ്ഞി​രു​ന്നു. എ​ട്ടു ദി​വ​സം തു​ട​ർ​ച്ച​യാ​യി വി​വി​ധ ഷി​ഫ്റ്റു​ക​ളി​ലാ​യി 24 മ​ണി​ക്കൂ​റും ആ​യി​ര​ത്തോ​ളം തൊ​ഴി​ലാ​ളി​ക​ൾ ജോ​ലി​ചെ​യ്താ​ണു വി​മാ​ന​ത്താ​വ​ളം വി​മാ​ന സ​ർ​വീ​സി​നാ​യി വീ​ണ്ടും തു​റ​ന്നു​കൊ​ടു​ത്ത​ത്. ര​ണ്ട​ര കി​ലോ​മീ​റ്റ​ർ നീ​ള​ത്തി​ൽ ത​ക​ർ​ന്ന ചു​റ്റു​മ​തി​ൽ പ​ത്ത​ടി ഉ​യ​ര​ത്തി​ൽ താ​ത്കാ​ലി​ക​മാ​യി പു​ന​ർ​നി​ർ​മി​ച്ചു. കേ​ടു​പ​റ്റി​യ നാ​ല് ക​ണ്‍​വെ​യ​ർ ബെ​ൽ​റ്റു​ക​ൾ, 22 എ​ക്സ​്റേ യ​ന്ത്ര​ങ്ങ​ൾ, വൈ​ദ്യു​തി വി​ത​ര​ണ സം​വി​ധാ​നം, ജ​ന​റേ​റ്റ​റു​ക​ൾ, എ​ണ്ണൂ​റോ​ളം റ​ണ്‍​വേ ലൈ​റ്റു​ക​ൾ എ​ന്നി​വ​യെ​ല്ലാം പൂ​ർ​ണ​മാ​യ നി​ല​യി​ൽ പ്ര​വ​ർ​ത്തി​പ്പി​ക്കാ​ൻ ക​ഴി​ഞ്ഞി​ട്ടു​ണ്ട്. എ​ട്ട് സൗ​രോ​ർ​ജ പ്ലാ​ന്‍റു​ക​ളി​ൽ നാ​ലെ​ണ്ണം ചാ​ർ​ജ് ചെ​യ്യാ​നാ​യി. മു​ൻ നി​ശ്ച​യ​പ്ര​കാ​രം പ്ര​വ​ർ​ത്ത​നം പു​ന​രാ​രം​ഭി​ക്കാ​ൻ സ​ന്ന​ദ്ധ​മാ​ണെ​ന്ന് എ​ല്ലാ ഏ​ജ​ൻ​സി​ക​ളും അ​റി​യി​ച്ച​തോ​ടെ​യാ​ണു ര​ണ്ടാ​ഴ്ച നീ​ണ്ടു​നി​ന്ന അ​നി​ശ്ചി​ത​ത്വ​ത്തി​നു വി​രാ​മ​മാ​യ​ത്.


വെ​ള്ള​പ്പൊ​ക്ക​ത്തെ​ത്തു​ട​ർ​ന്ന് ഇ​തു ര​ണ്ടാം ത​വ​ണ​യാ​ണു നെ​ടു​ന്പാ​ശേ​രി വി​മാ​ന​ത്താ​വ​ള​ത്തി​ന്‍റെ പ്ര​വ​ർ​ത്ത​നം ത​ട​സ​പ്പെ​ടു​ന്ന​ത്. 2013ൽ ​റ​ണ്‍​വേ​യി​ൽ വെ​ള്ളം ക​യ​റി​യ​തി​നെ​ത്തു​ട​ർ​ന്ന് ഒ​രു ദി​വ​സം പ്ര​വ​ർ​ത്ത​നം നി​ർ​ത്തി​വ​യ്ക്കേ​ണ്ടി​വ​ന്നി​രു​ന്നു. പി​ന്നീ​ട് ഇ​ത്ത​വ​ണ​യാ​ണു വി​മാ​ന​ത്താ​വ​ളം പൂ​ർ​ണ​മാ​യും അ​ട​ച്ചി​ടേ​ണ്ടി​വ​ന്ന​ത്.

ഇ​ട​വേ​ള​യ്ക്കു​ശേ​ഷം നാ​വി​ക​സേ​നാ വി​മാ​ന​ത്താ​വ​ളം

നെ​ടു​ന്പാ​ശേ​രി വി​മാ​ന​ത്താ​വ​ളം അ​ട​ച്ച​തോ​ടെ കൊ​ച്ചി വെ​ല്ലിം​ഗ്ട​ൺ ഐ​ല​ൻഡിലെ നാ​വി​ക​സേ​നാ വി​മാ​ന​ത്താ​വ​ള​ത്തി​ൽ​നി​ന്നും ചെ​റു​വി​മാ​ന​ങ്ങ​ളു​ടെ സ​ർ​വീ​സ് ആ​രം​ഭി​ച്ചി​രു​ന്നു. ക​ഴി​ഞ്ഞ 20 നാ​ണു നാ​വി​ക​സേ​നാ വി​മാ​ന​ത്താ​വ​ള​ത്തി​ൽ​നി​ന്ന് ആ​ഭ്യ​ന്ത​ര സ​ർ​വീ​സ് ആ​രം​ഭി​ച്ച​ത്. 162 സ​ർ​വീ​സു​ക​ളാ​ണ് ഇ​വി​ടെ​നി​ന്നും ന​ട​ത്തി​യ​ത്.

ഏ​ക​ദേ​ശം പ​തി​നാ​യി​രം പേ​ർ ഈ ​സേ​വ​നം പ്ര​യോ​ജ​ന​പ്പെ​ടു​ത്തി. എ​യ​ർ ഇ​ന്ത്യ​യു​ടെ ഉ​പ ക​ന്പ​നി​യാ​യ അ​ല​യ​ൻ​സ് എ​യ​റി​ന്‍റെ​യും ഇ​ൻ​ഡി​ഗോ എ​യ​ർ​ലൈ​ൻ​സി​ന്‍റെ​യും ജെ​റ്റ് എ​യ​ർ​വേ​യ്സി​ന്‍റെ​യും 70 സീ​റ്റി​ന്‍റെ വി​മാ​ന​ങ്ങ​ളാ​ണു സ​ർ​വീ​സ് ന​ട​ത്തി​യി​രു​ന്ന​ത്. ഇ​തി​ൽ അ​ല​യ​ൻ​സ് എ​യ​ർ 20 മു​ത​ലും ഇ​ൻ​ഡി​ഗോ 22 മു​ത​ലു​മാ​ണു സ​ർ​വീ​സ് ആ​രം​ഭി​ച്ച​ത്. ബം​ഗ​ളൂ​രു, ചെ​ന്നൈ, ഹൈ​ദ​രാ​ബാ​ദ് എ​ന്നി​വ​ിട​ങ്ങ​ളി​ലേ​ക്കും അ​വി​ടെ​നി​ന്നു തി​രി​ച്ച് കൊ​ച്ചി​യി​ലേ​ക്കു​മാ​യി​രു​ന്നു സ​ർ​വീ​സ്. എ​യ​ർ​പോ​ർട്ട് അ​ഥോ​റി​ട്ടി ഓ​ഫ് ഇ​ന്ത്യ, സി​ഐ​എ​സ്എ​ഫ്, എ​യ​ർ ഇ​ന്ത്യ, ഇ​ൻ​ഡി​ഗോ എ​ന്നി​വ​യു​ടെ നേ​തൃ​ത്വ​ത്തി​ലാ​ണു യാ​ത്രാ സം​വി​ധാ​ന​ങ്ങ​ൾ ഏ​കോ​പി​പ്പി​ച്ച​ത്.

നീ​ണ്ട 18 വ​ർ​ഷ​ത്തി​നു​ശേ​ഷ​മാ​ണു പ്ര​ള​യ​ക്കെ​ടു​തി​യു​ടെ സാ​ഹ​ച​ര്യ​ത്തി​ൽ നാ​വി​ക വി​മാ​ന​ത്താ​വ​ളം യാ​ത്രാ വി​മാ​ന​സ​ർ​വീ​സി​നു സ​ജ്ജ​മാ​ക്കി​യ​ത്. 2000 ജൂ​ണ്‍ 30 നാ​യി​രു​ന്നു നാ​വി​ക​സേ​നാ വി​മാ​ന​ത്താ​വ​ള​ത്തി​ൽ​നി​ന്ന് അ​വ​സാ​ന​മാ​യി ആ​ഭ്യ​ന്ത​ര​വി​മാ​നം സ​ർ​വീ​സ് ന​ട​ത്തി​യ​ത്. നെ​ടു​ന്പാ​ശേ​രി​യി​ൽ​നി​ന്നും വി​മാ​ന സ​ർ​വീ​സ് ആ​രം​ഭി​ച്ച​തോ​ടെ​യാ​ണു വെ​ല്ലിം​ഗ്ട​ണ്‍ ഐ​ല​ൻഡിലെ നാ​വി​ക സേ​ന​യു​ടെ വി​മാ​ന​ത്താ​വ​ള​ത്തി​ൽ​നി​ന്നും യാ​ത്രാ വി​മാ​ന​ങ്ങ​ൾ പ​റ​ക്കാ​താ​യ​ത്. പ്ര​ള​യ​ക്കെ​ടു​തി​ക്കു​ശേ​ഷം നെ​ടു​ന്പാ​ശേ​രി വി​മാ​ന​ത്താ​വ​ളം വീ​ണ്ടും പ്ര​വ​ർ​ത്തി​ച്ചു​തു​ട​ങ്ങി​യ​തോ​ടെ ഇ​വി​ടെ​നി​ന്നു​ള്ള വ്യാ​വ​സാ​യി​ക സ​ർ​വീ​സു​ക​ൾ ക​ഴി​ഞ്ഞ 29 മു​ത​ൽ വീ​ണ്ടും അ​വ​സാ​നി​പ്പി​ച്ചു.

മ​റ്റ് വി​മാ​ന​ത്താ​വ​ള​ങ്ങ​ൾ സ​ജ്ജ​മാ​ക്കി

നെ​ടു​ന്പാ​ശേ​രി വി​മാ​ന​ത്താ​ള​ത്തി​ൽ​നി​ന്നു​ള്ള സ​ർ​വീ​സു​ക​ൾ നി​ർ​ത്ത​ലാ​ക്കി​യ ആ​ദ്യ ദി​വ​സ​ങ്ങ​ളി​ൽ നൂ​റു ക​ണ​ക്കി​നു യാ​ത്രി​ക​രാ​ണു കു​ടു​ങ്ങി​യ​ത്. ഇ​വ​രി​ൽ പ​ല​രും ജോ​ലി​ക​ൾ​ക്കും മ​റ്റു​മാ​യി വി​ദേ​ശ രാ​ജ്യ​ങ്ങ​ളി​ലേ​ക്കു പോ​കാ​നി​രു​ന്ന​വ​രാ​ണ്. സം​സ്ഥാ​ന​ത്തെ മ​റ്റ് വി​മാ​ന​ത്താ​വ​ള​ങ്ങ​ളാ​യ തി​രു​വ​ന​ന്ത​പു​രം, ക​രി​പ്പൂ​ർ എ​ന്നി​വി​ട​ങ്ങ​ളി​ൽ അ​ധി​ക സ​ർ​വീ​സ് ന​ട​ത്തി​യാ​ണു യാ​ത്രാ​ക്കെ​ടു​തി​ക​ൾ കു​റ​യ്ക്കാ​ൻ അ​ധി​കൃ​ത​ർ ശ്ര​മി​ച്ച​ത്. ഒ​രു പ​രി​ധി​വ​രെ ഇ​തു ഫ​ലം ക​ണ്ടെ​ങ്കി​ലും പൂ​ർ​ണ​മാ​യി വി​ജ​യി​ച്ചി​രു​ന്നി​ല്ലെ​ന്ന​താ​ണു സ​ത്യം.

നാ​വി​ക​സേ​നാ വി​മാ​ന​ത്താ​വ​ള​ത്തി​ൽ​നി​ന്നു​ള്ള സ​ർ​വീ​സ് ഗ​ൾ​ഫി​ൽ​നി​ന്നും ബ​ലി​പ്പെ​രു​ന്നാ​ൾ, ഓ​ണം തു​ട​ങ്ങി​യ​വ ആ​ഘോ​ഷി​ക്കാ​ൻ നാ​ട്ടി​ലെ​ത്തു​ന്ന പ്ര​വാ​സി മ​ല​യാ​ളി​ക​ൾ​ക്ക് ഏ​റെ പ്ര​യോ​ജ​ന​പ്ര​ദ​മാ​യി. ദു​ബാ​യ്, റി​യാ​ദ് തു​ട​ങ്ങി​യ ഇ​ട​ങ്ങ​ളി​ൽ നി​ന്നും നെ​ടു​ന്പാ​ശേ​രി അ​ന്താ​രാ​ഷ്ട്ര വി​മ​ന​ത്താ​വ​ള​ത്തി​ലേ​ക്കു ടി​ക്ക​റ്റ് ബു​ക്ക് ചെ​യ്ത​വ​ർ​ക്കു ബം​ഗ​ളൂ​രു പോ​ലു​ള്ള വി​മാ​ന​ത്താ​വ​ള​ങ്ങളിലേ​ക്കു മാ​റ്റി​വാ​ങ്ങി​യ​തി​നു​ശേ​ഷം അ​വി​ടെ​നി​ന്നും ആ​ഭ്യ​ന്ത​ര സ​ർ​വീ​സി​ലൂ​ടെ കൊ​ച്ചി​യി​ലെ​ത്താ​ൻ ക​ഴി​ഞ്ഞു.