ജീവിതം സ്‌ക്രീനില്‍ കാണുമ്പോള്‍
സി​നി​മ​ക​ൾ ജീ​വി​ത​ഗ​ന്ധി​യാ​കു​ന്ന​ത് ജീ​വി​ത​ത്തി​ന്‍റെ സ്പ​ർ​ശ​മേ​ൽ​ക്കു​ന്പോ​ഴാ​ണ്. പ്ര​ശ​സ്ത​രും അ​പ്ര​ശ​സ്ത​രു​മാ​യ​വ​രു​ടെ ജീ​വി​തം സെ​ല്ലു​ലോ​യ്ഡി​ലേ​ക്ക് പ​ക​ർ​ത്തി​യ സി​നി​മ​ക​ൾ അ​ഥ​വാ ബ​യോ​പി​ക് സി​നി​മ​ക​ൾ എ​ക്കാ​ല​ത്തും പ്രേ​ക്ഷ​ക​രെ ആ​ക​ർ​ഷി​ക്കാ​റു​ണ്ട്. അ​തു​കൊ​ണ്ടു​ത​ന്നെ ബ​യോ​പി​ക് സി​നി​മ​ക​ൾ എ​ന്നും പ്രേ​ക്ഷ​ക​ശ്ര​ദ്ധ നേ​ടി​യി​രു​ന്നു. ഒ​രാ​ളു​ടെ ജീ​വി​തം അ​പ്പാ​ടെ സി​നി​മ​യാ​ക്കു​ക​യ​ല്ല മ​റി​ച്ച് അ​തി​നു വേ​ണ്ട സി​നി​മാ​റ്റി​ക് ചേ​രു​വ​ക​ൾ ചേ​ർ​ത്ത് പ്രേ​ക്ഷ​ക​ർ​ക്കി​ഷ്ട​പ്പെ​ടും വി​ധം ഒ​രു ഡോ​ക്യു​മെ​ന്‍റ​റി​യാ​കാ​തെ അ​വ​ത​രി​പ്പി​ക്കു​ന്ന​തി​ലാ​ണ് ബ​യോ​പി​ക് സി​നി​മ​യു​ടെ വി​ജ​യം.

മ​ല​യാ​ള​ത്തി​ൽ ബ​യോ​പി​ക് സി​നി​മ​ക​ൾ ഒ​രു​പാ​ടൊ​ന്നു​മു​ണ്ടാ​യി​ട്ടി​ല്ലെ​ങ്കി​ലും ശ്ര​ദ്ധേ​യ​മാ​യ ഏ​താ​നും ചി​ത്ര​ങ്ങ​ൾ ഈ ​ഗ​ണ​ത്തി​ൽ വ​ന്നി​ട്ടു​ണ്ട്. സ​മീ​പ​കാ​ല​ത്താ​ണ് ബ​യോ​പി​ക്കു​ക​ൾ മ​ല​യാ​ള​ത്തി​ൽ ക​ട​ന്നു​വ​ന്ന​ത്. ബ്ലാ​ക്ക് ആ​ൻ​ഡ് വൈ​റ്റ് സി​നി​മ​ക​ളു​ടെ കാ​ല​ത്ത് പു​റ​ത്തു​വ​ന്ന കായം​കു​ളം കൊ​ച്ചു​ണ്ണി മ​ല​യാ​ള​ത്തി​ലെ ആ​ദ്യ​കാ​ല ബ​യോ​പി​ക് ആ​ണെ​ന്ന് പ​റ​യാം.

വ​ർ​ഷ​ങ്ങ​ൾ​ക്കി​പ്പു​റം അ​ടു​ത്ത​യാ​ഴ്ച കാ​യം​കു​ളം കൊ​ച്ചു​ണ്ണി പു​തി​യ ഗെ​റ്റ​പ്പി​ൽ റീ​ലീ​സ് ചെ​യ്യു​ന്പോ​ൾ മ​ല​യാ​ള​ത്തി​ലെ ഏ​റ്റ​വും പു​തി​യ ബ​യോ​പി​ക് സി​നി​മ​യാ​യി അ​ത് മാ​റു​ക​യാ​ണ്. നി​വി​ൻ​പോ​ളി​ക്കൊ​പ്പം മോ​ഹ​ൻ​ലാ​ൽ പ്ര​ധാ​ന വേ​ഷ​ത്തി​ലെ​ത്തു​ന്ന പു​തി​യ കാ​യം​കു​ളം കൊ​ച്ചു​ണ്ണി പ്രേ​ക്ഷ​ക​രെ ര​സി​പ്പി​ക്കാ​നു​ള്ള എ​ല്ലാ ചേ​രു​വ​ക​ളും ചേ​ർ​ത്താ​ണ് റോ​ഷ​ൻ ആ​ൻ​ഡ്രൂ​സ് ഒ​രു​ക്കു​ന്ന​തെ​ന്നാ​ണ് ടീ​സ​ർ ന​ൽ​കു​ന്ന സൂ​ച​ന.

ജെ.​സി.​ഡാ​നി​യേ​ലി​ന്‍റെ ജീ​വി​തം സെ​ല്ലു​ലോ​യ്ഡ് എ​ന്ന സി​നി​മ​യി​ലൂ​ടെ ക​മ​ൽ അ​വ​ത​രി​പ്പി​ച്ച​പ്പോ​ൾ അ​ത് മ​ഹാ​നാ​യ ആ ​ച​ല​ച്ചി​ത്ര​കാ​ര​നോ​ടു​ള്ള ആ​ദ​ര​വു​കൂ​ടി​യാ​യി മാ​റി. പ​ല​പ്പോ​ഴും ബ​യോ​പി​ക് സി​നി​മ​ക​ൾ വി​വാ​ദ​ങ്ങ​ളും സം​വാ​ദ​ങ്ങ​ളും അ​ഭി​പ്രാ​യ​വ്യ​ത്യാ​സ​ങ്ങ​ളും സൃ​ഷ്ടി​ക്കാ​റു​ണ്ട്. സെ​ല്ലു​ലോ​യ്ഡും ഇ​ത്ത​ര​ത്തി​ൽ ചി​ല ച​ർ​ച്ച​ക​ൾ​ക്ക് വ​ഴി​തു​റ​ന്നി​രു​ന്നു.

കേ​ര​ളം ഇ​പ്പോ​ഴും ച​ർ​ച്ച ചെ​യ്യു​ന്ന പി​ടി​കി​ട്ടാ​പ്പു​ള്ളി സു​കു​മാ​ര​ക്കു​റു​പ്പി​ന്‍റെ ജീ​വി​ത​ക​ഥ സി​നി​മ​യാ​ക്കു​ന്നു​വെ​ന്ന​താ​ണ് മ​ല​യാ​ള​ത്തി​ലെ ബ​യോ​പി​ക് സി​നി​മ​ക​ളി​ൽ പു​തി​യ വാ​ർ​ത്ത. ദു​ൽ​ഖ​ർ സ​ൽ​മ​ാനാ​യി​രി​ക്കും ഇ​തി​ലെ പ്ര​ധാ​ന ക​ഥാ​പാ​ത്ര​മെ​ന്നും അ​ണി​യ​റ വാ​ർ​ത്ത​ക​ളു​ണ്ട്. ന​ന്പി​നാ​രാ​യ​ണ​നെ​ക്കു​റി​ച്ചു​ള്ള സി​നി​മ​യെ​ക്കു​റി​ച്ചും വാ​ർ​ത്ത​ക​ൾ വ​രു​ന്നു​ണ്ട്്. മാ​ധ​വ​ന്‍റെ പേ​രും പ​റ​ഞ്ഞു കേ​ൾ​ക്കു​ന്നു.

ബ​യോ​പി​ക്കു​ക​ൾ ത​ന്നി​ഷ്ട​പ്ര​കാ​രം ആ​വി​ഷ്ക​രി​ക്കാ​ൻ ഒ​രു സം​വി​ധാ​യ​ക​ന് സാ​ധി​ക്കു​മോ എ​ന്ന​താ​ണ് കൗ​തു​ക​വും വെ​ല്ലു​വി​ളി​യും നി​റ​ഞ്ഞ ചോ​ദ്യം. ഒ​രാ​ളു​ടെ ജീ​വി​തം മ​റ്റൊ​രാ​ളു​ടെ ഇ​ഷ്ട​പ്ര​കാ​രം മാ​റ്റി​മ​റി​ച്ച് അ​വ​ത​രി​പ്പി​ക്കാ​ൻ സാ​ധി​ക്കി​ല്ലെ​ന്നി​രി​ക്കെ ബ​യോ​പി​ക് സി​നി​മ​ക​ൾ എ​ക്കാ​ല​ത്തും സ്വ​ത​ന്ത്ര ചി​ന്താ​ഗ​തി​യു​ള്ള ഫി​ലിം മേ​ക്ക​ർ​ക്ക് വെ​ല്ലു​വി​ളി ത​ന്നെ​യാ​ണ്. ജീ​വി​ത​ത്തി​ൽ അ​യാ​ൾ അ​ല്ലെ​ങ്കി​ൽ അ​വ​ൾ അ​വ​ശേ​ഷി​പ്പി​ച്ചു​പോ​യ പ​ല ഉ​ത്ത​ര​മി​ല്ലാ​ത്ത ചോ​ദ്യ​ങ്ങ​ൾ​ക്കും ത​ന്‍റേതാ​യ കാ​ഴ്ച​പ്പാ​ടി​ൽ ഒ​രു സ്വ​ത​ന്ത്ര ഉ​ത്ത​രം ന​ൽ​കാ​ൻ ഫി​ലിം മേ​ക്ക​ർ ശ്ര​മി​ക്കു​ന്പോ​ഴാ​ണ് ബ​യോ​പി​ക്കു​ക​ൾ സി​നി​മാ​റ്റി​ക് ആ​കു​ന്ന​ത്.

ക​ലാ​ഭ​വ​ൻ മ​ണി​യു​ടെ ജീ​വി​ത​ത്തെ ആ​സ്പ​ദ​മാ​ക്കി വി​ന​യ​ൻ ഒ​രു​ക്കി​യ ചാ​ല​ക്കു​ടി​ക്കാ​ര​ൻ ച​ങ്ങാ​തി മു​ന്നോ​ട്ടു​വയ്​ക്കു​ന്ന ക്ലൈ​മാ​ക്സ് സ​ത്യ​മോ അ​തോ ഭാ​വ​ന​യോ എ​ന്ന ക​ണ്‍​ഫ്യൂ​ഷ​നി​ലാ​ണ് ഇ​പ്പോ​ൾ ആ ​സി​നി​മ ക​ണ്ട​വ​ർ. സി​ബി​ഐ വി​ന​യ​നെ മൊ​ഴി​യെ​ടു​ക്കാ​ൻ വി​ളി​ച്ചു​വെ​ന്ന​താ​ണ് മ​റ്റൊ​രു കൗ​തു​കം. ബ​യോ​പി​ക് സി​നി​മ​ക​ളു​ടെ സാ​ധ്യ​ത​ക​ൾ കൂ​ടി​യാ​ണ് വി​ന​യ​ൻ തു​റ​ന്നി​ട്ടി​രി​ക്കു​ന്ന​ത്.

ഒ​രു വ്യ​ക്തി​യു​ടെ ജീ​വി​ത​ത്തി​ന്‍റെ ആ​രും കാ​ണാ​ത്ത കാ​ഴ്ച​ക​ളി​ലേ​ക്കും ബ​യോ​പി​ക് സി​നി​മ​ക​ൾ​ക്ക് ക​ട​ന്നു​ചെ​ല്ലാ​നു​ള്ള സ്വാ​ത​ന്ത്ര്യം ഉ​ണ്ട്. ഒ​രു വ​ട​ക്ക​ൻ വീ​ര​ഗാ​ഥ​യി​ലെ ച​ന്തു​വി​ന്‍റെ ജീ​വി​ത​ത്തെ വേ​റി​ട്ട ക​ണ്ണി​ലൂ​ടെ നോ​ക്കി​ക്ക​ണ്ട എം.​ടി.​വാ​സു​ദേ​വ​ൻ നാ​യ​ർ മു​ന്നോ​ട്ടു​വ​ച്ച ശൈ​ലി​യി​ൽ ബ​യോ​പി​ക് സി​നി​മ​ക​ൾ പു​റ​ത്തു​വ​ന്നി​ട്ടു​ണ്ട്. രാ​ജാ​ ര​വി​വ​ർ​മ​യെ​ക്കു​റി​ച്ചും സ്വാ​തി​ തി​രു​നാ​ളി​നെ​ക്കു​റി​ച്ചും ലെ​നി​ൻ രാ​ജേ​ന്ദ്ര​ൻ ഒ​രു​ക്കി​യ ചി​ത്ര​ങ്ങ​ൾ അ​ത്ത​ര​മൊ​രു വീ​ക്ഷ​ണ​കോ​ണി​ൽ നി​ന്നു​ള്ള ചി​ത്ര​ങ്ങ​ളാ​ണ്. അ​വ​രു​ടെ ജീ​വി​ത​ത്തെ അ​പ്പാ​ടെ കോ​പ്പി പേ​സ്റ്റ് ചെ​യ്യാ​തെ, സി​നി​മ​യു​ടെ ഫ്രെ​യ്മി​നു​ള്ളി​ൽ നി​ന്ന് ഭാ​വ​ന​യു​ടെ അം​ശ​ങ്ങ​ൾ ചേ​രും​പ​ടി ചേ​ർ​ത്ത് ര​സ​ക​ര​മാ​യി അ​വ​ത​രി​പ്പി​ക്കു​ക​യെ​ന്ന​തും സം​വി​ധാ​യ​ക​ന്‍റെ ക്രാ​ഫ്റ്റാ​ണ്.

മ​ല​യാ​ള​ത്തി​ന്‍റെ പ്രി​യ​പ്പെ​ട്ട മാ​ധ​വി​ക്കു​ട്ടി​യെ ആ​മി എ​ന്ന സി​നി​മ​യി​ലൂ​ടെ ക​മ​ൽ മ​ഞ്ജു​വാ​ര്യ​രി​ലൂ​ടെ ആ​വി​ഷ്ക​രി​ച്ച​പ്പോ​ൾ ആ ​ചി​ത്ര​ത്തി​നെ അ​നു​കൂ​ലി​ച്ചും എ​തി​ർ​ത്തും വി​മ​ർ​ശി​ച്ചും പ്ര​ശം​സി​ച്ചും നി​ര​വ​ധി അ​ഭി​പ്രാ​യ​ങ്ങ​ളു​യ​ർ​ന്നു. സം​വി​ധാ​യ​ക​ന്‍റെ അ​ല്ലെ​ങ്കി​ൽ ഫി​ലിം​മേ​ക്ക​റു​ടെ ആ​വി​ഷ്കാ​ര സ്വാ​ത​ന്ത്ര്യം ബ​യോ​പി​ക് സി​നി​മ​ക​ളി​ൽ എ​ന്ന വി​ഷ​യം ഇ​വി​ടെ​യാ​ണ് പ്ര​സ​ക്ത​മാ​കു​ന്ന​ത്. ബ​യോ​പി​ക് സി​നി​മ​ക​ൾ ഒ​രു​ക്കു​ന്ന ഫി​ലിം​മേ​ക്ക​ർ​ക്ക് സ്വാ​ത​ന്ത്ര്യ​ത്തി​ന്‍റെ പ​രി​ധി​യെ​ത്ര​യാ​ണെ​ന്ന​ത് പ​ല ഉ​ത്ത​ര​ങ്ങ​ളി​ലേ​ക്ക് ചെ​ന്നെ​ത്തു​ന്ന ചോ​ദ്യ​മാ​ണ്.

ഇ​ന്ത്യ​ൻ ഫു​ട്ബോ​ളി​ലെ അ​തി​കാ​യ​ൻ​മാ​രി​ലൊ​രാ​ളാ​യി​രു​ന്ന വി.​പി.​സ​ത്യ​ന്‍റെ വ്യ​ക്തി​ജീ​വി​ത​ത്തേ​യും ഫു​ട്ബോ​ൾ ജീ​വി​ത​ത്തേ​യും കൂ​ട്ടി​യി​ണ​ക്കി പ്ര​ജേ​ഷ്സെ​ൻ ഒ​രു​ക്കി​യ ക്യാ​പ്റ്റ​ൻ എ​ന്ന ജ​യ​സൂ​ര്യ ചി​ത്രം അ​ടു​ത്ത കാ​ല​ത്തി​റ​ങ്ങി​യ മി​ക​ച്ച സ്പോ​ർ​ട്സ് ബ​യോ​പി​ക്കു​ക​ളി​ൽ ഒ​ന്നാ​ണ്. ആ​വി​ഷ്ക​രി​ക്ക​പ്പെ​ടു​ന്ന വ്യ​ക്തി​യോ​ട് രൂ​പ​സാ​ദൃ​ശ്യം വേ​ണ​മെ​ന്ന അ​ലി​ഖി​ത നി​യ​മം ബ​യോ​പി​ക് സി​നി​മ​ക​ൾ​ക്ക് പ​ല​പ്പോ​ഴും ഉ​ണ്ട്. ശ്രീനാരായണ ഗുരുവിനെ കുറിച്ച് ഇറങ്ങിയ യുഗപുരുഷൻ സിനിമയിൽ ത​ലൈ​വാ​സ​ൽ വി​ജ​യ് ഗു​രു​വാ​യി വ​ന്ന​ത് ഇ​തി​ന്‍റെ ചെ​റി​യ ഉ​ദാ​ഹ​ര​ണം മാ​ത്രം. അ​തേ​സ​മ​യം പ​ഴ​ശി​രാ​ജ​യാ​യി മ​മ്മൂ​ട്ടി​യെ കാ​സ്റ്റ് ചെ​യ്ത​ത് ച​ന്തു​വി​ന്‍റേ​തു പോ​ലു​ള്ള ആ​കാ​ര​ഭം​ഗി​കൊ​ണ്ടു കൂ​ടി​യാ​ണെ​ന്ന് സ്വ​ാഭാ​വി​ക​മാ​യും ക​രു​താം.


കു​ഞ്ഞു​ചി​ത്ര​കാ​ര​ൻ ക്ലി​ന്‍റി​നെ​ക്കു​റി​ച്ച് ഹ​രി​കു​മാ​ർ ഒ​രു​ക്കി​യ ക്ലി​ന്‍റ് എ​ന്ന സി​നി​മ ആ ​കു​രു​ന്നി​ന്‍റെ ഓ​ർ​മ​ക​ൾ​ക്ക് മു​ന്നി​ലു​ള്ള അ​ർ​പ​ണ​മാ​ണ്. ക്ലി​ന്‍റ് എ​ന്ന വി​സ്മ​യ​ത്തെ​ക്കു​റി​ച്ച് വ​രും​ത​ല​മു​റ​യ്ക്ക​റി​യാ​ൻ ഈ ​സി​നി​മ കൂ​ടി സ​ഹാ​യ​ക​മാ​കും. മു​ക്ക​ത്തെ കാ​ഞ്ച​ന​മാ​ല​യെ​യും മൊ​യ്തീ​നെ​യും കു​റി​ച്ച് അ​റി​യാ​ത്ത​വ​ർ വ​രെ അ​റി​ഞ്ഞ​ത് എ​ന്ന് നി​ന്‍റെ മൊ​യ്തീ​ൻ എ​ന്ന സി​നി​മ പു​റ​ത്തു​വ​ന്ന​പ്പോ​ഴാ​ണ്. അ​തി​നു ശേ​ഷം എ​ത്ര​യോ പ്ര​ണ​യ​ജോ​ഡി​ക​ൾ മു​ക്ക​ത്തെ​ക്ക് പോ​യി കാ​ഞ്ച​ന​മാ​ല​യെ ക​ണ്ടു.

അ​ത്ര​യൊ​ന്നും പ്ര​ശ​സ്ത​ന​ല്ലാ​ത്ത ഒ​രാ​ളെ​ക്കു​റി​ച്ച് സി​നി​മ​യു​ണ്ടാ​ക്കി ആ ​സി​നി​മ വ​ന്ന​ശേ​ഷം അ​ദ്ദേ​ഹം പ്ര​ശ​സ്ത​നാ​വു​ക എ​ന്ന അ​പൂ​ർ​വ ഭാ​ഗ്യം മു​ല്ല​ശേ​രി രാ​ജ​ഗോ​പാ​ൽ എ​ന്ന​യാ​ൾ​ക്ക് ല​ഭി​ച്ചു. സം​വി​ധാ​യ​ക​ൻ ര​ഞ്ജി​ത്ത് ത​നി​ക്ക് പ്രി​യ​പ്പെ​ട്ട മു​ല്ല​ശേ​രി രാ​ജ​ഗോ​പാ​ൽ എ​ന്ന​യാ​ളെ​ക്കു​റി​ച്ച്, അ​ദ്ദേ​ഹ​ത്തി​ന്‍റെ മാ​ന​റി​സ​ങ്ങ​ളെ​ല്ലാം ചേ​ർ​ത്തെ​ടു​ത്താണ് ഒ​രു ക​ഥാ​പാ​ത്ര​ത്തെ സൃ​ഷ്ടി​ച്ച​ത്. അ​യാ​ൾ​ക്ക് ര​ഞ്ജി​ത്തി​ട്ട പേ​ര് മം​ഗ​ല​ശേ​രി നീ​ല​ക​ണ്ഠ​ൻ.

ന​ക്സ​ൽ വ​ർ​ഗീ​സി​ന്‍റെ ക​ഥ​യു​ടെ കാ​ണാ​പ്പു​റം തേ​ടി മ​ധു​പാ​ൽ എ​ന്ന സം​വി​ധാ​യ​ക​ൻ ന​ട​ത്തി​യ യാ​ത്ര​യി​ൽ നി​ന്നാ​ണ് ത​ല​പ്പാ​വ് എ​ന്ന സി​നി​മ വ​രു​ന്ന​ത്. ബ​യോ​പി​ക് എ​ന്ന ഗ​ണ​ത്തി​ൽ ഈ ​ചി​ത്ര​ത്തെ ഉ​ൾ​പ്പെ​ടു​ത്താ​ൻ ക​ഴി​യു​മോ എ​ന്ന് പ​റ​യാ​നാ​കി​ല്ലെ​ങ്കി​ലും ഒ​രാ​ളു​ടെ പ​റ​ഞ്ഞു​കേ​ട്ട ജീ​വി​ത​ത്തെ​ക്കു​റി​ച്ചു​ള്ള വേ​റി​ട്ട അ​പ​ഗ്ര​ഥ​ന​മാ​യി​രു​ന്നു ഇ​ത്.

രാ​ജ​ൻ കേ​സും ഈ​ച്ച​ര​വാ​ര്യ​രും കേ​ര​ള​ത്തി​ന്‍റെ മ​ന​സാ​ക്ഷി​യെ ഇ​ന്നും അ​ലോ​സ​ര​പ്പെ​ടു​ത്തു​ന്നു​ണ്ട്. ഇ​തി​നെ ആ​സ്പ​ദ​മാ​ക്കി ഷാ​ജി എ​ൻ ക​രു​ണ്‍ ഒ​രു​ക്കി​യ പി​റ​വി എ​ന്ന സി​നി​മ വ​ർ​ഷ​ങ്ങ​ൾ പ​ല​തു​ക​ഴി​ഞ്ഞി​ട്ടും ഇ​ന്നും പ്രേ​ക്ഷ​ക​രെ അ​ലോ​സ​ര​പ്പെ​ടു​ത്തു​ക​യും മ​ന​സി​നെ മു​റി​വേ​ൽ​പ്പി​ക്കു​ക​യും ചെ​യ്യു​ന്നു. നി​സ​ഹാ​യ​നാ​യ അ​ച്ഛ​നി​ലേ​ക്ക് പ്രേം​ജി​യെ​ന്ന അ​തു​ല്യ​ന​ട​ൻ ന​ട​ത്തു​ന്ന പ​രാ​കാ​യ​പ്ര​വേ​ശം എ​ത്ര​ക​ണ്ടാ​ലും മ​തി​വ​രി​ല്ല.

ഇ​ന്ത്യ​ൻ ഫു​ട്ബോ​ളി​ലെ ക​റു​ത്ത​മു​ത്ത് ഐ.​എം.​വി​ജ​യ​നെ​ക്കു​റി​ച്ച് രാ​മ​ലീ​ല​യു​ടെ സം​വി​ധാ​യ​ക​ൻ അ​രു​ണ്‍​ഗോ​പി പു​തി​യ ചി​ത്രം ഒ​രു​ക്കു​ന്നു​ണ്ട​ത്രെ. അ​തു​പോ​ലെ​ത​ന്നെ ഇ​ന്ത്യ​ൻ സി​നി​മ​യി​ലെ പെ​രു​ന്ത​ച്ച​നാ​യ തി​ല​ക​നെ​ക്കു​റി​ച്ച് ബ​യോ​പി​ക് ചെ​യ്യാ​ൻ വി​ന​യ​ൻ താ​ത്പ​ര്യം പ്ര​ക​ടി​പ്പി​ച്ചി​ട്ടു​ണ്ട്. വി​നീ​ത് ശ്രീ​നി​വാ​സ​ൻ സം​വി​ധാ​നം ചെ​യ്ത ജേ​ക്ക​ബി​ന്‍റെ സ്വ​ർ​ഗ​രാ​ജ്യ​ത്തി​ലെ ക​ഥാ​പാ​ത്ര​ങ്ങ​ളെ​ല്ലാം യ​ഥാ​ർ​ത്ഥ ജീ​വി​ത​ത്തി​ലു​ള്ള​വ​രാ​ണെ​ന്ന് ചി​ത്ര​ത്തി​ന്‍റെ അ​വ​സാ​ന ടൈ​റ്റി​ൽ കാ​ർ​ഡു​ക​ൾ കാ​ണി​ക്കു​ന്പോ​ഴാ​ണ് പ്രേ​ക്ഷ​ക​ര​റി​യു​ന്ന​ത്.

ര​ഞ്ജി​ത് സം​വി​ധാ​നം ചെ​യ്ത തി​ര​ക്ക​ഥ എ​ന്ന ചി​ത്രം ശ്രീ​വി​ദ്യ​യു​ടെ ക​ഥ​യാ​ണെ​ന്നും പ​റ​യു​ന്ന​വ​രു​ണ്ട്. തീ​റ്റ​റ​പ്പാ​യി എ​ന്ന ചി​ത്ര​ത്തി​ലെ ക​ഥാ​പാ​ത്ര​ത്തി​ന് തൃ​ശൂ​രി​ന്‍റെ പ്രി​യ​പ്പെ​ട്ട തീ​റ്റ​റ​പ്പാ​യി​യു​മാ​യി സാ​മ്യ​മൊ​ന്നു​മി​ല്ലെ​ങ്കി​ലും പ​ല​രും ക​രു​തി​യ​ത് അ​ങ്ങനെ​യാ​യി​രു​ന്നു. പാ​ർ​വ​തി പ്ര​ധാ​ന​ക​ഥാ​പാ​ത്ര​മാ​യി നി​ര​വ​ധി പു​ര​സ്കാ​ര​ങ്ങ​ൾ നേ​ടി​യ ടേ​ക്ക് ഓ​ഫ് അ​ക്ഷ​രാ​ർ​ത്ഥ​ത്തി​ൽ യു​ദ്ധ​ഭൂ​മി​യി​ൽ ജീ​വ​നു​വേ​ണ്ടി പൊ​രു​തി​യ നഴ്സു​മാ​രു​ടെ ബ​യോ​പി​ക് ത​ന്നെ​യാ​ണ്. പേ​ര​റി​യാ​ത്ത നി​ര​വ​ധി മാ​ലാ​ഖ​മാ​രു​ടെ ബ​യോ​പി​ക്കാ​യി​രു​ന്നു ടേ​ക്ക് ഓ​ഫ്. അം​ഗ​വൈ​ക​ല്യ​ത്തെ അ​തി​ജീ​വി​ച്ച് സ്വ​ന്ത​മാ​യി വി​മാ​നം നി​ർ​മി​ച്ച സ​ജി​തോ​മ​സ് എ​ന്ന യു​വാ​വി​ന്‍റെ ജീ​വി​ത​ത്തോ​ട് അ​ടു​ത്തു​നി​ന്ന സി​നി​മ​യാ​യി​രു​ന്നു വി​മാ​നം.

കാ​ത​ൽ​മ​ന്ന​ൻ ജ​മി​നി​ഗ​ണേ​ശ​ന്‍റെയും സാവിത്രിയുടേയും ജീ​വി​ത​ക​ഥ​യു​മാ​യി വ​ന്ന മ​ഹാ​ന​ടി, സ​ഞ്ജ​യ് ദ​ത്തി​ന്‍റെ ക​ഥ പ​റ​ഞ്ഞ സ​ഞ്ജു, ഷ​ക്കീ​ല​യെ​ക്കു​റി​ച്ച് വ​രാ​ൻ പോ​കു​ന്ന സി​നി​മ, എം.​ജി.​ആ​റി​ന്‍റെ​യും ക​രു​ണാ​നി​ധി​യു​ടേ​യും ക​ഥ പ​റ​ഞ്ഞ ഇ​രു​വ​ർ, സി​ൽ​ക്ക് സ്മി​ത​യെ​ക്കു​റി​ച്ചു വ​ന്ന ദി ​ഡേ​ർ​ട്ടി പി​ക്ച​ർ, സ​ച്ചി​ൻ തെണ്ടു​ൽ​ക്ക​റു​ടെ ക​ഥ പ​റ​ഞ്ഞ സ​ച്ചി​ൻ എ ​ബി​ല്യ​ണ്‍ ഡ്രീം​സ്, എം.​എ​സ്.​ധോ​ണി​യെ​ക്കു​റി​ച്ചു​ള്ള എം.​എ​സ്.​ധോ​ണി ദി ​അ​ണ്‍​ടോ​ൾ​ഡ് സ്റ്റോ​റി, ഇ​ന്ത്യ​ൻ ബോ​ക്സിം​ഗ് റിം​ഗി​ൽ നി​ന്നു​മു​ള്ള മേ​രി കോ​മി​ന്‍റെ വീ​ര​ക​ഥ പ​റ​ഞ്ഞ മേ​രി​കോം, ഇ​ന്ത്യ​ൻ അ​ത്‌ല​റ്റ് മി​ൽ​ഖാ​സിം​ഗി​ന്‍റെ ജീ​വി​ത​ക​ഥ പ​റ​ഞ്ഞ ഭാ​ഗ് മി​ൽ​ഖ ഭാ​ഗ്, മ​ഹാ​ത്മാ​ഗാ​ന്ധി​യെ​ക്കു​റി​ച്ച് പ​ല ഭാ​ഷ​ക​ളി​ലും വ​ന്ന ചി​ത്ര​ങ്ങ​ൾ, സു​ഭാ​ഷ്ച​ന്ദ്ര​ബോ​സി​നെ​ക്കു​റി​ച്ചു​ള്ള സി​നി​മ...​തു​ട​ങ്ങി എ​ല്ലാ ഭാ​ഷ​ക​ളി​ലും ബ​യോ​പി​ക് സി​നി​മ​ക​ൾ പു​റ​ത്തി​റ​ങ്ങു​ക​യും റി​ലീ​സ് ചെ​യ്യാ​ൻ ഒ​രു​ങ്ങു​ന്നു​മു​ണ്ട്.

ന​മു​ക്ക​റി​യു​ന്ന​തോ അ​റി​യാ​ത്ത​തോ ആ​യ ഒ​രാ​ളു​ടെ ജീ​വി​ത​ത്തെ മ​റ്റൊ​രാ​ൾ ന​മു​ക്ക് കാ​ണി​ച്ചു​ത​രു​ന്ന​താ​ണ് ഓ​രോ ബ​യോ​പി​ക് സി​നി​മ​യും. മ​റ​ന്നു​പോ​യ​തോ വി​ട്ടു​പോ​യ​തോ ആ​യ പ​ല സ​മ​സ്യ​ക​ളും പൂ​രി​പ്പി​ക്കു​ന്ന വി​ഷ്വ​ൽ മാ​ജി​ക് കൂ​ടി​യാ​ണ് ബ​യോ​പി​ക് സി​നി​മ​ക​ൾ.

ഋ​ഷി