പിറന്നാൾ സമ്മാനം മരണം
അ​ന്ന് അ​വ​ളു​ടെ പി​റ​ന്നാ​ളാ​യി​രു​ന്നു. സ്നേ​ഹ​നി​ധി​ക​ളാ​യ മാ​താ​പി​താ​ക്ക​ളു​ടെ പു​ന്നാ​ര മ​ക​ളാ​യി ഈ ​ഭൂ​മി​യി​ൽ ജ​നി​ച്ച​തി​ന്‍റെ ഇ​രു​പ​താം വാ​ർ​ഷി​കം. അ​തി​നു​മ​പ്പു​റം അ​വ​ൾ സ​ന്തോ​ഷി​ച്ച​ത്, ത​ന്നെ ജീ​വ​ന്‍റെ ജീ​വ​നാ​യി ക​രു​തു​ന്ന അ​വ​നെ​ക്കു​റി​ച്ച് ഓ​ർ​ത്താ​ണ്. അ​വ​നെ ക​ണ്ടു​മു​ട്ടാ​തി​രു​ന്നെ​ങ്കി​ൽ, പ​രി​ച​യ​പ്പെ​ടാ​തി​രു​ന്നെ​ങ്കി​ൽ, സൗ​ഹൃ​ദം പ്ര​ണ​യ​മാ​യി പ​രി​ണ​മി​ച്ചി​ല്ലാ​യി​രു​ന്നെ​ങ്കി​ൽ, ചി​ന്തി​ക്കാ​ൻ പോ​ലും വ​യ്യ, അ​വ​ൾ ദൈ​വ​ത്തോ​ട് പ​ല ത​വ​ണ ന​ന്ദി പ​റ​ഞ്ഞു. പി​റ​ന്നാ​ൾ ആ​ഘോ​ഷം ഗം​ഭീ​ര​മാ​ക്ക​ണ​മെ​ന്ന് അ​വ​ൻ അ​ഭി​പ്രാ​യ​പ്പെ​ട്ടു. അ​വ​ൾ സ​മ്മ​തി​ച്ചു. അ​വ​ൻ അ​വ​ളെ വീ​ട്ടി​ലേ​ക്ക് ക്ഷ​ണി​ച്ചു. പി​ന്നീ​ട് ഇ​രു​വ​രും ഒ​രു വി​നോ​ദ​സ​ഞ്ചാ​ര​കേ​ന്ദ്ര​ത്തി​ലേ​ക്ക് യാ​ത്ര​യാ​യി. പ്രി​യ​പ്പെ​ട്ട​വ​ൾ​ക്ക് അ​വ​ൻ ഒ​രു പി​റ​ന്നാ​ൾ സ​മ്മാ​ന​വും പ്ര​ണ​യാ​ർ​ദ്ര​ത​യോ​ടെ ത​ന്നെ കൈ​മാ​റി. സ​മ്മാ​നം ഇ​രു​കൈ​ക​ളും നീ​ട്ടി സ്വീ​ക​രി​ച്ച​പ്പോ​ൾ അ​വ​ളു​ടെ ക​ണ്ണു​ക​ളി​ൽ ന​ക്ഷ​ത്ര​ങ്ങ​ൾ തി​ള​ങ്ങി. അ​വ​ന്‍റെ ക​ണ്ണു​ക​ളി​ൽ, പ​ക്ഷെ, മ​റ്റൊ​ന്നാ​യി​രു​ന്നു ഭാ​വം. സ​മ്മാ​ന​പ്പൊ​തി തു​റ​ന്നു നോ​ക്കി​യ അ​വ​ൾ ഒ​രു നി​മി​ഷം അ​ന്പ​ര​ന്നു. അ​തി​നു​ള്ളി​ൽ ഒ​രു ചു​റ്റി​ക.. പി​ന്നീ​ടെ​ല്ലാം വ​ള​രെ പെ​ട്ടെ​ന്നാ​യി​രു​ന്നു.

ബാ​ല്യ​കാ​ല സു​ഹൃ​ത്തു​ക്ക​ൾ

ജ​ന്നി​ഫ​ർ പു​ഷ്പ 20 കാ​രി​യാ​യ ഐ ​ടി വി​ദ്യാ​ർ​ഥി​നി​യാ​ണ്. നു​ങ്കം​പാ​ക്ക​ത്തെ സ്വ​കാ​ര്യ കോ​ളേ​ജി​ലാ​ണ് പ​ഠ​നം. കാ​ന്പ​സ് ഇ​ന്‍റ​ർ​വ്യൂ​വി​ന്‍റെ അ​ടി​സ്ഥാ​ന​ത്തി​ൽ ഈ​യി​ടെ ജ​ന്നി​ഫ​റി​ന് ഒ​രു ഐ​ടി ക​ന്പ​നി​യി​ൽ ഉ​ദ്യോ​ഗ​വും നേ​ടാ​നാ​യി. മാ​താ​പി​താ​ക്ക​ളോ​ടൊ​പ്പം ചെ​ന്നൈ കോ​ട്ടി​വ​ക്ക​ത്താ​ണ് ജ​ന്നി​ഫ​റി​ന്‍റെ താ​മ​സം. ഒ​രു വ​ർ​ഷം മു​ന്പാ​ണ് അ​വ​ൾ സെ​മ​ഞ്ച​രി സ്വ​ദേ​ശി​യാ​യ ജോ​ണു​മാ​യി പ്ര​ണ​യ​ത്തി​ലാ​കു​ന്ന​ത്. 22 കാ​ര​നാ​യ കെ​മി​സ്ട്രി ബി​രു​ദ​ധാ​രി​യാ​ണ് ജോ​ണ്‍. പ​ക്ഷെ, ഇ​തു​വ​രെ ജോ​ലി​യൊ​ന്നും ല​ഭി​ച്ചി​ല്ല. ത​ന്‍റെ വി​ദ്യാ​ഭ്യാ​സ യോ​ഗ്യ​ത​യ്ക്ക് ഉ​ചി​ത​മാ​യ തൊ​ഴി​ൽ നേ​ടാ​നാ​കു​മെ​ന്ന പ്ര​തീ​ക്ഷ​യി​ലാ​ണ് അ​യാ​ൾ. പി​താ​വ് മ​നി​കാ ദാ​സി​ന്‍റെ തു​ന്ന​ൽ​ക്ക​ട​യി​ൽ സ​ഹാ​യി​യാ​യി അ​യാ​ൾ പോ​കാ​റു​ണ്ട്. ജ​ന്നി​ഫ​റും ജോ​ണും സെ​മ​ഞ്ചേ​രി​യി​ൽ ഒ​രു സ്കൂ​ളി​ലെ വി​ദ്യാ​ർ​ഥി​ക​ളാ​യി​രു​ന്നു. ജ​ന്നി​ഫ​റി​ന്‍റെ കു​ടും​ബം പി​ന്നീ​ട് പ​ട്ട​ണ​ത്തി​ലേക്ക് താ​മ​സം മാ​റ്റി. ജോ​ണും കു​ടും​ബ​വും സെ​മ​ഞ്ചേ​രി​യി​ലെ ഒ​രു ഹൗ​സിം​ഗ് ബോ​ർ​ഡി​ലാ​യി​രു​ന്നു താ​മ​സം. ബാ​ല്യ​കാ​ല സൗ​ഹൃ​ദം യൗ​വ​നാ​വ​സ്ഥ​യി​ൽ പ്ര​ണ​യ​മാ​യി ത​ളി​ർ​ത്തു​വെ​ന്ന് പോ​ലീ​സ് പ​റ​യു​ന്നു. ജ​ന്നി​ഫ​റി​ന്‍റെ മാ​താ​പി​താ​ക്ക​ൾ ഈ ​ബ​ന്ധ​ത്തി​ന് എ​തി​രാ​യി​രു​ന്നു​വെ​ന്നും പോ​ലീ​സ് ഉ​ദ്യോ​ഗ​സ്ഥ​ർ വ്യ​ക്ത​മാ​ക്കി. എ​ത്ര​യും പെ​ട്ടെ​ന്ന് ജോ​ണു​മാ​യു​ള്ള കൂ​ട്ടു​കെ​ട്ട് അ​വ​സാ​നി​പ്പി​ക്ക​ണ​മെ​ന്ന് അ​വ​ർ മ​ക​ളോ​ട് ആ​വ​ശ്യ​പ്പെ​ട്ടു. ഇ​രു​വ​രു​ടെ​യും കു​ടും​ബ​സാ​ഹ​ച​ര്യ​ങ്ങ​ൾ തി​ക​ച്ചും വ്യ​ത്യ​സ്ത​മാ​ണ്. നി​ല​വി​ൽ ജോ​ണി​ന് തു​ന്ന​ൽ​ക്ക​ട​യി​ലെ തു​ച്ഛ​മാ​യ വ​രു​മാ​ന​മ​ല്ല​തെ വേ​റെ നി​വൃ​ത്തി​യി​ല്ല. ജ​ന്നി​ഫ​റി​നാ​ണെ​ങ്കി​ൽ ഐ​ടി മേ​ഖ​ല​യി​ൽ ഇ​നി​യും ഉ​യ​ര​ങ്ങ​ളി​ലെ​ത്താ​നാ​കും. മ​ക​ളു​ടെ ശോ​ഭ​ന​മാ​യ ഭാ​വി ല​ക്ഷ്യ​മാ​ക്കി​യു​ള്ള മാ​താ​പി​താ​ക്ക​ളു​ടെ ഉ​പ​ദേ​ശ​ത്തോ​ട് അ​വ​ൾ യാ​തൊ​രു എ​തി​രും പ്ര​ക​ടി​പ്പി​ച്ചി​ല്ല​ത്രെ. മ​ക​ൾ ഉ​ചി​ത​മാ​യ തീ​രു​മാ​ന​മെ​ടു​ക്കു​മെ​ന്നാ​യി​രു​ന്നു മാ​താ​പി​താ​ക്ക​ളു​ടെ വി​ശ്വാ​സം. അ​തേ സ​മ​യം, ജ​ന്നി​ഫ​ർ ഇ​ക്കാ​ര്യം ജോ​ണി​നോ​ട് പ​റ​ഞ്ഞി​ട്ടു​ണ്ടാ​ക​ണം. സ്വാ​ഭാ​വി​ക​മാ​യും ജ​ന്നി​ഫ​ർ ത​ന്നി​ൽ നി​ന്ന​ക​ലാ​ൻ സാ​ധ്യ​ത​യു​ണ്ടെ​ന്ന് അ​യാ​ൾ വി​ചാ​രി​ച്ചു. അ​ങ്ങ​നെ​യെ​ങ്കി​ൽ, ജ​ന്നി​ഫ​റി​ന്‍റെ വി​ധി താ​ൻ ത​ന്നെ ന​ട​പ്പാ​ക്ക​ണ​മെ​ന്നും അ​യാ​ൾ ഉ​റ​പ്പി​ച്ചു. ജോ​ണി​ന്‍റെ ക്രൂ​ര​മാ​യ പ്ര​വൃ​ത്തി​യു​ടെ കാ​ര​ണ​മി​താ​ണെ​ന്നാ​ണ് പോ​ലീ​സ് നി​ഗ​മ​നം.

മ​ക​ളെ കാ​ണാ​നി​ല്ല

മ​ക​ളെ കാ​ണാ​നി​ല്ലെ​ന്ന് ജ​ന്നി​ഫ​റി​ന്‍റെ പി​താ​വ് ഹൃ​ദ​യ​രാ​ജ് പോ​ലീ​സി​ൽ പ​രാ​തി ന​ൽ​കി​യി​രു​ന്നു. കേ​സ് ര​ജി​സ്റ്റ​ർ ചെ​യ്ത് പോ​ലീ​സ് അ​ന്വേ​ഷ​ണം ആ​രം​ഭി​ച്ചു. ജ​ന്നി​ഫ​റി​ന്‍റെ മൊ​ബൈ​ൽ ഫോ​ണ്‍ ട്രേ​സ് ചെ​യ്ത​പ്പോ​ൾ മ​ഹാ​ബ​ലി​പു​ര​ത്തി​നു അ​ടു​ത്താ​ണെ​ന്ന് തെ​ളി​ഞ്ഞു. അ​ടു​ത്ത ദി​വ​സം രാ​വി​ലെ പോ​ലീ​സ് സം​ഘം മ​ഹാ​ബ​ലി​പു​ര​ത്ത് എ​ത്തി​ച്ചേ​ർ​ന്നു.


പു​ലി​ഗു​ഹ​യ്ക്ക് അ​രി​കി​ൽ ഒ​രു ബൈ​ക്ക് കാ​ണ​പ്പെ​ട്ടു. ജോ​ണ്‍ മാ​ത്യു​വി​ന്‍റേതാ​യി​രു​ന്നു ബൈ​ക്ക്. ഗു​ഹ​യ്ക്ക് വെ​ളി​യി​ലെ കാ​റ്റാ​ടി മ​ര​ത്തി​ൽ ജോ​ണ്‍ മാ​ത്യു​വി​ന്‍റെ മൃ​ത​ദേ​ഹം ഷാ​ളി​ൽ തൂ​ങ്ങി​യ നി​ല​യി​ൽ ക​ണ്ടെ​ത്തി. ര​ക്ത​ക്ക​റ പു​ര​ണ്ട ഒ​രു ഇ​രു​ന്പു ചു​റ്റി​ക​യും സ​മ്മാ​ന​പ്പെ​ട്ടി​യും സ​മീ​പ​ത്ത് നി​ന്നും പോ​ലീ​സി​ന് ല​ഭി​ച്ചു.

‌ഗു​ഹ​യ്ക്കു​ള്ളി​ൽ ജ​ന്നി​ഫ​റി​ന്‍റെ മൃ​ത​ദേ​ഹവും ഉ​ണ്ടാ​യി​രു​ന്നു. മു​ഖ​വും ശ​രീ​ര​വു​മാ​കെ ര​ക്ത​ത്തി​ൽ കു​ളി​ച്ച നി​ല​യി​ലാ​യി​രു​ന്നു. ഇ​രു​മൃ​ത​ദേ​ഹ​ങ്ങ​ളും പോ​സ്റ്റു​മോ​ർ​ട്ട​ത്തി​നാ​യി പോ​ലീ​സ് ചെ​ങ്ക​ൽ​പ്പേ​ട്ട് സ​ർ​ക്കാ​ർ ആ​ശു​പ​ത്രി​യി​ലേക്ക് അ​യ​ച്ചു. പി​റ​ന്നാ​ൾ ആ​ഘോ​ഷം മ​ഹാ​ബ​ലി​പു​ര​ത്താ​ക​ട്ടെ എ​ന്ന് ജോ​ണും ജ​ന്നി​ഫ​റും ചേ​ർ​ന്ന് തീ​രു​മാ​നി​ച്ച​താ​യി​രി​ക്കാം. ജോ​ണ്‍ ത​ന്നെ നി​ർ​ദേ​ശി​ച്ച​താ​കാ​നു​ള്ള സാ​ധ്യ​ത​യും ത​ള്ളി​ക്ക​ള​യാ​നാ​വി​ല്ല. ജോ​ണി​ന്‍റെ ബൈ​ക്കി​ലാ​യി​രു​ന്നു ക​മി​താ​ക്ക​ളു​ടെ യാ​ത്ര. ജോ​ണി​നോ​ട് ചേ​ർ​ന്നി​രി​ക്കു​ന്പോ​ൾ അ​തൊ​രു തി​രി​ച്ചു​വ​ര​വി​ല്ലാ​ത്ത യാ​ത്ര​യാ​ണെ​ന്ന് അ​വ​ൾ സ്വ​പ്ന​ത്തി​ൽ പോ​ലും വി​ചാ​രി​ച്ചി​ട്ടു​ണ്ടാ​വി​ല്ല. കഴിഞ്ഞ മാർച്ച് 30നാണ് അവർ മഹാബലിപുരത്തേക്ക് പോയത്.

വൈ​കു​ന്നേ​രം ആ​റോ​ടെ ജോ​ണും ജ​ന്നി​ഫ​റും മ​ഹാ​ബ​ലി​പു​ര​ത്ത് എ​ത്തി​ച്ചേ​ർ​ന്നു. മ​ഹാ​ബ​ലി​പു​ര​ത്തെ പു​ലി​ഗു​ഹ​ക​ൾ വി​നോ​ദ​സ​ഞ്ചാ​രി​ക​ളെ ഏ​റെ ആ​ക​ർ​ഷി​ക്കു​ന്ന ഇ​ട​മാ​ണ്. മ​ഹാ​ബ​ലി​പു​ര​ത്ത് നി​ന്നും മൂ​ന്നു കി​ലോ​മീ​റ്റ​ർ അ​ക​ലെ​യാ​ണ് പു​ലി​ഗു​ഹ. അ​വ​യി​ലൊ​ന്നി​ൽ വ​ച്ചാ​ണ് ജോ​ണ്‍ പി​റ​ന്നാ​ൾ സ​മ്മാ​നം ജ​ന്നി​ഫ​റി​ന് കൈ​മാ​റി​യ​ത്. തു​റ​ന്നു നോ​ക്കാ​നും ആ​വ​ശ്യ​പ്പെ​ട്ടു. പി​റ​ന്നാ​ൾ സ​മ്മാ​ന​ത്തി​ന്‍റെ അ​ന്പ​ര​പ്പി​ൽ നി​ന്നും മോ​ചി​ത​യാ​കു​ന്ന​തി​നു മു​ന്പ് അ​തേ ചു​റ്റി​ക​യാ​ൽ ജോ​ണ്‍ ജ​ന്നി​ഫ​റി​നെ ആ​ക്ര​മി​ച്ചു.

ശി​ര​സി​ലും ശ​രീ​ര​ത്തി​ലു​മെ​ല്ലാം ആ​ഞ്ഞാ​ഞ്ഞ് മ​ർ​ദി​ച്ചു. മൃ​ഗീ​യ​മാ​യ മ​ർ​ദ​ന​ത്തി​ൽ അ​വ​ൾ മ​ര​ണ​മ​ട​ഞ്ഞു. തു​ട​ർ​ന്ന് അ​വ​ളു​ടെ ചു​രി​ദാ​റി​ന്‍റെ ഷാ​ളി​ൽ അ​വ​ൻ പ​രി​സ​ര​ത്തെ കാ​റ്റാ​ടി മ​ര​ത്തി​ൽ കെ​ട്ടി​ത്തൂ​ങ്ങി.

സം​ശ​യ​ത്തി​ന്‍റെ തോ​ത് വ​ർ​ധി​ച്ച​പ്പോ​ൾ

കാ​മു​കി ന​ഷ്ട​മാ​കു​മെ​ന്ന ചി​ന്ത​യാ​ണ് ജ​ന്നി​ഫ​റി​നെ ചു​റ്റി​ക​ കൊണ്ട് അ​ടി​ച്ചു കൊ​ല്ലാ​നും സ്വ​യം ഒ​ടു​ങ്ങാ​നും ജോ​ണി​നെ പ്രേ​രി​പ്പി​ച്ച​ത്. ത​മി​ഴ്നാ​ട്ടി​ലെ ത​ന്നെ ഗു​ഡു​വാ​ഞ്ചേ​രി പോ​ലീ​സ് സ്റ്റേ​ഷ​ൻ അ​തി​ർ​ത്തി​യി​ൽ 43 കാ​ര​നാ​യ ബി​ൽ​ഡിം​ഗ് കോ​ണ്‍​ട്രാ​ക്ട​ർ ഈ​യ​ടു​ത്ത ദി​വ​സം ത​ന്‍റെ ര​ണ്ടാം ഭാ​ര്യ​യെ​യും ര​ണ്ടു വ​യ​സു​ള്ള മ​ക​നെ​യും കൊ​ന്ന​തും ചു​റ്റി​ക ഉ​പ​യോ​ഗി​ച്ചാ​ണ്. കാ​ഞ്ചീ​പു​രം ജി​ല്ല​യി​ലെ അ​യ്യ​ഞ്ചേ​രി​യി​ലെ ലോ​ക​നാ​ഥ​നാ​ണ് ഭാ​ര്യ ദീ​പ്തി (29) യെ​യും മ​ക​ൻ റോ​ണ​ക്കി​നെ​യും നി​ർ​ദാ​ക്ഷി​ണ്യം കൊ​ന്ന​ത്. ബം​ഗാ​ൾ സ്വ​ദേ​ശി​നി​യാ​യ ദീ​പ്തി​യും ലോ​ക​നാ​ഥ​നും നാ​ലു വ​ർ​ഷം മു​ന്പാ​ണ് പ്ര​ണ​യി​ച്ച് വി​വാ​ഹി​ത​രാ​യ​ത്. ദീ​പ്തി ഒ​രു ബ്യൂ​ട്ടീ​ഷ​ൻ കൂ​ടി​യാ​ണ്. മ​റ്റു​ള്ള​വ​രു​മാ​യു​ള്ള ദീ​പ്തി​യു​ടെ സൗ​ഹാ​ർ​ദ​പ​ര​മാ​യ പെ​രു​മാ​റ്റം ലോ​ക​നാ​ഥ​നി​ൽ സം​ശ​യ​മു​ള​വാ​ക്കി. ഭാ​ര്യ​യ്ക്ക് അ​വി​ഹി​തബ​ന്ധ​മു​ണ്ടെ​ന്ന് ആ​രോ​പി​ച്ച് ലോ​ക​നാ​ഥ​ൻ ദീ​പ്തി​യു​മാ​യി മി​ക്ക​വാ​റും വ​ഴ​ക്കു​ണ്ടാ​ക്കാ​റു​മു​ണ്ടാ​യി​രു​ന്നു. സം​ഭ​വ​ദി​വ​സം നേ​ര​ത്തെ​യെ​ത്തി​യ ലോ​ക​നാ​ഥ​ൻ ദീ​പ്തി​യെ​യും മ​ക​നെ​യും ചു​റ്റി​ക​ കൊണ്ട് ത​ല​യ​്ക്ക​ടി​ച്ച് കൊ​ന്ന​തി​നു ശേ​ഷം തി​രി​കെ ജോ​ലി​സ്ഥ​ല​ത്തേ​ക്ക് പോ​യി. രാ​ത്രി അ​തേ വീ​ട്ടി​ൽ ത​ന്നെ സ​മാ​ധാ​ന​ത്തോ​ടെ കി​ട​ന്നു​റ​ങ്ങി. അ​ടു​ത്ത ദി​വ​സം പോ​ലീ​സ് സ്റ്റേ​ഷ​നി​ൽ ചെ​ന്ന് വി​വ​ര​ങ്ങ​ളെ​ല്ലം ബോ​ധി​പ്പി​ച്ച് കീ​ഴ​ട​ങ്ങി.

ഗി​രീ​ഷ് പ​രു​ത്തി​മ​ഠം


Loading...