ചീറിപ്പായരുതേ
കാ​ല​വ​ര്‍​ഷം ​ശ​ക്ത​മാ​കു​ന്ന​തോ​ടെ ഇ​രു​ച​ക്ര വാ​ഹ​ന യാ​ത്രി​ക​ർ​ക്കു മു​ന്നി​ലു​ള്ള​ത് ഏ​റെ ബു​ദ്ധി​മു​ട്ടു നി​റ​ഞ്ഞ ദി​വ​സ​ങ്ങ​ളാ​ണ്. ക​രു​ത​ലോ​ടെ​യും ശ്ര​ദ്ധാ​പൂ​ര്‍​വ​വും വാ​ഹ​നം ഓ​ടി​ച്ചി​ല്ലെ​ങ്കി​ല്‍ വ​ന്‍ അ​പ​ക​ട​ങ്ങ​ളാ​കും ക്ഷ​ണി​ച്ചു​വ​രു​ത്തു​ക. ഹെ​ല്‍​മ​റ്റ് അ​ണി​ഞ്ഞും മു​ന്‍​ക​രു​ത​ലു​ക​ള്‍ സ്വീ​ക​രി​ച്ചും വാ​ഹ​നം ഡ്രൈ​വ് ചെ​യ്യേ​ണ്ട​തു കാ​ല​വ​ര്‍​ഷ​ത്തി​ല്‍ അ​ത്യ​ന്താ​പേ​ക്ഷി​ത​മാ​ണ്. യാ​ത്രി​ക​ര്‍ ഒ​രു കാ​ര​ണ​വ​ശാ​ലും ഹെ​ല്‍​മ​റ്റ് ഉ​പ​യോ​ഗ​ത്തി​ല്‍​നി​ന്നു പി​ന്തി​രി​യ​രു​തെ​ന്നു മാ​ത്ര​മ​ല്ല സാ​ധ്യ​മെ​ങ്കി​ല്‍ പി​ന്നി​ലി​രു​ന്നു യാ​ത്ര ചെ​യ്യു​ന്ന​വ​ര്‍​കൂ​ടി ഹെ​ല്‍​മ​റ്റ് ഉ​പ​യോ​ഗി​ക്ക​ണ​മെ​ന്ന് അ​ധി​കൃ​ത​ര്‍ പ​റ​യു​ന്നു. പ​രി​ശോ​ധ​ന​ക​ളെ പേ​ടി​ച്ച് ഹെ​ല്‍​മ​റ്റ് ഉ​പ​യോ​ഗി​ക്കുന്ന​വ​രാ​ണു ബൈ​ക്ക് യാ​ത്രി​ക​രി​ല്‍ അ​ധി​കം​പേ​രും. അ​പ​ക​ടം ക്ഷ​ണി​ച്ചു​വ​രു​ത്തു​ക എ​ളു​പ്പ​മാ​ണെ​ങ്കി​ലും ഇ​തി​ല്‍​നി​ന്നു ര​ക്ഷ​പ്പെ​ടു​ക പ​ല​പ്പോ​ഴും അ​സാ​ധ്യ​വു​മാ​ണ്. കാ​ല​വ​ര്‍​ഷ​ത്തി​ല്‍ ബൈ​ക്ക് യാ​ത്രി​ക​ര്‍ സ്വീ​ക​രി​ക്കേ​ണ്ട മു​ന്‍​ക​രു​ത​ലു​ക​ള്‍ സം​ബ​ന്ധി​ച്ച് ഒ​രെ​ത്തി​നോ​ട്ടം...

ഡൂ​പ്ലി​ക്കേ​റ്റ് ഒ​ഴി​വാ​ക്ക​ണം

ഹെ​ല്‍​മ​റ്റു​ക​ള്‍ വാ​ങ്ങു​മ്പോ​ള്‍ ഡൂ​പ്ലി​ക്കേ​റ്റ് ഒ​ഴി​വാ​ക്കേ​ണ്ട​ത് അ​ത്യ​ന്താ​പേ​ക്ഷി​ത​മാ​ണ്. ഗു​ണ​നി​ല​വാ​ര​മു​ള്ള​വ വാ​ങ്ങ​ണം. കാ​ണാ​ന്‍ ഷോ​യ്ക്കു വ​യ്ക്കു​ന്ന ഹെ​ല്‍​മ​റ്റു​ക​ളും ഇ​രു​ണ്ട ഗ്ലാ​സോ​ടു​കൂ​ടി​യ ഹെ​ല്‍​മ​റ്റു​ക​ളും മ​ഴ​ക്കാ​ല​ത്ത് ഉ​പ​യോ​ഗി​ക്കാ​തി​രി​ക്കു​ന്ന​താ​ണു ന​ല്ല​ത്. കൂ​ടു​ത​ല്‍ കാ​ഴ്ച പ്ര​ദാ​നം ചെ​യ്യു​ന്ന വൃ​ത്തി​യാ​യ പ്ലെ​യി​ന്‍ ഗ്ലാ​സോ​ടു​ കൂ​ടി​യ ഹെ​ല്‍​മ​റ്റ് നി​ര്‍​ബ​ന്ധ​മാ​യും ഉ​പ​യോ​ഗി​ക്ക​ണ​മെ​ന്നു മാ​ത്ര​മ​ല്ല സ്ട്രാ​പ്പ് ഇ​ല്ലാ​ത്ത ഹെ​ല്‍​മ​റ്റ് ഉ​പ​യോ​ഗി​ക്കു​ന്ന​തു ക​ഴി​വ​തും ഒ​ഴി​വാ​ക്കു​ക​യും ചെ​യ്യ​ണ​മെ​ന്ന് അ​ധി​കൃ​ത​ര്‍ വ്യ​ക്ത​മാ​ക്കു​ന്നു. സ്ട്രാ​പ്പ് ഉ​ണ്ടെ​ങ്കി​ലും ഇ​തു പ​ല​രും ഉ​പ​യോ​ഗി​ക്കു​ന്നി​ല്ലെ​ന്ന​താ​ണു സ​ത്യം. സ്ട്രാ​പ്പ് ഇ​ടു​ന്ന​ത് ഒ​ഴി​വാ​ക്ക​രു​തെ​ന്നും നി​ര്‍​ഭാ​ഗ്യ​വ​ശാ​ല്‍ അ​പ​ക​ടം സം​ഭ​വി​ച്ചാ​ല്‍ ഹെ​ല്‍​മ​റ്റി​ന്‍റെ പൂ​ര്‍​ണ സം​ര​ക്ഷ​ണം ല​ഭി​ക്കാ​ന്‍ സ്ട്രാ​പ്പ് ഇ​ട​യാ​കു​മെ​ന്നും വി​ദ​ഗ്ധ​ര്‍ ചൂ​ണ്ടി​ക്കാ​ട്ടു​ന്നു. വി​ല അ​ല്‍​പ്പം കൂ​ടു​ത​ലാ​ണെ​ങ്കി​ലും ഐ​എ​സ്‌​ഐ മാ​ര്‍​ക്കു​ള്ള ഹെ​ല്‍​മ​റ്റു​ക​ള്‍ മാ​ത്രം ഉ​പ​യോ​ഗി​ക്കു​ക. വേ​ഗ​ത്തി​ല്‍ സ​ഞ്ച​രി​ക്കു​വാ​ന്‍ ത​ത്പ​ര​രാ​യ ന്യൂ​ജ​ന്‍ യു​വാ​ക്ക​ള്‍ ബൈ​ക്ക് യാ​ത്ര​യി​ല്‍ ഹെ​ല്‍​മ​റ്റ് ഉ​പ​യോ​ഗി​ക്കേ​ണ്ട​ത് അ​ത്യ​ന്താ​പേ​ക്ഷി​ത​മാ​ണ്. ബൈ​ക്കു​ക​ള്‍ വാ​ങ്ങു​മ്പോ​ള്‍ വാ​ഹ​ന ഡീ​ല​ര്‍​മാ​ര്‍ ന​ല്‍​കു​ന്ന ഹെ​ല്‍​മ​റ്റു​ക​ളി​ല്‍ ഭൂ​രി​ഭാ​ഗ​വും സു​ര​ക്ഷാ മാ​ന​ദ​ന​ണ്ഡ​ങ്ങ​ള്‍ പാ​ലി​ച്ചു​ള്ള​വ​യാ​കും.

പ്ര​ക​ട​ന​ങ്ങ​ള്‍ അ​പ​ക​ടം

പെ​ണ്‍​കു​ട്ടി​ക​ളു​ടെ​യും സു​ഹൃ​ത്തു​ക്ക​ളു​ടെ​യും മു​ന്നി​ല്‍ ആ​ളാ​കാ​നാ​യി യാ​ത്ര​യ്ക്കി​ടെ ന​ട​ത്തു​ന്ന വി​വി​ധ പ്ര​ക​ട​ന​ങ്ങ​ള്‍ പ​ല​പ്പോ​ഴും അ​പ​ക​ടം ക്ഷ​ണി​ച്ചു​വ​രു​ത്തു​ന്ന​തി​ന് ഇ​ട​യാ​കും. ഇ​തു പൂ​ര്‍​ണ​മാ​യി ഒ​ഴി​വാ​ക്ക​ണ​മെ​ന്നു മാ​ത്ര​മ​ല്ല ബൈ​ക്ക് ഓ​ടി​ക്കു​മ്പോ​ള്‍ ശ്ര​ദ്ധ മ​റ്റൊ​ന്നി​ലും ആ​ക​രു​തെ​ന്നും വി​ദ​ഗ്ധ​ര്‍ പ​റ​യു​ന്നു. മഴ നനയാതിരിക്കാൻ വി​വി​ധ ത​ര​ത്തി​ലു​ള്ള മാ​ര്‍​ഗ​ങ്ങ​ള്‍ ബൈ​ക്ക് യാ​ത്രി​ക​ര്‍ സ്വീ​ക​രി​ക്കാ​റു​ണ്ട്. ക​ണ്ണി​നു മു​ക​ളി​ല്‍ ഒ​രു കൈ ​പി​ടി​ച്ച് വാ​ഹ​നം ഓ​ടി​ക്കു​ക, ഒ​രു കു​ട കൈയില്‍ പി​ടി​ച്ചും മ​റ്റേ കൈയിൽ ആ​ക്‌​സി​ലേ​റ്റ​റു​മാ​യും വാ​ഹ​നം ഓ​ടി​ക്കു​ക തു​ട​ങ്ങി​യ അ​ഭ്യാ​സ​ങ്ങ​ളൊ​ക്കെ ഒ​ഴി​വാ​ക്ക​ണം. വാ​ഹ​ന​ത്തിന്‍റെ പി​ന്‍​സീ​റ്റി​ല്‍ ഇ​രു​ന്നു കു​ട നി​വ​ര്‍​ത്തി ഡ്രൈ​വി​ംഗി​നെ സ​ഹാ​യി​ക്കു​ന്ന​വ​രും ശ്ര​ദ്ധി​ക്കേ​ണ്ട​തു​ണ്ട്. കാ​റ്റ് കൊ​ണ്ടു കു​ട വ​ശ​ങ്ങ​ളി​ലേ​ക്കും മ​റ്റും ചെ​രി​യു​മ്പോ​ള്‍ ഡ്രൈ​വ​റു​ടെ ശ്ര​ദ്ധ തെ​റ്റി​പ്പോ​യി അ​പ​ക​ട​ങ്ങ​ള്‍ ഉ​ണ്ടാ​കാ​ന്‍ സാ​ധ്യ​ത​യേ​റെ​യാ​ണ്. ഒ​രു കൈ​യി​ല്‍ മാ​ത്രം ബൈ​ക്ക് നി​യ​ന്ത്രി​ക്കു​ന്ന​തു വ​ന്‍ അ​പ​ക​ട​മാ​കും ഉ​ണ്ടാ​ക്കു​ക. മ​ഴ​യി​ല്‍ റോ​ഡി​ന്‍റെ ശ​രി​യാ​യ അ​വ​സ്ഥ മ​ന​സി​ലാ​ക്കാ​തെ അ​പ​ക​ട​ത്തി​ല്‍​പ്പെ​ടാ​നു​ള്ള സാ​ധ്യ​ത​യേ​റെ​യാ​ണ്. അ​പ​ക​ടം ക്ഷ​ണി​ച്ചു​വ​രു​ത്തു​ന്ന മ​റ്റൊ​രു വ​ഴി​യാ​ണു ബ്‌​ളൂ​ടൂ​ത്ത് ഉ​പ​ക​ര​ണ​ത്തിന്‍റെ ഉ​പ​യോ​ഗം. പാ​ട്ടു​കേ​ട്ടും യാ​ത്ര​യ്ക്കി​ടെ വ​രു​ന്ന കോ​ളു​ക​ള്‍ സ്വീ​ക​രി​ക്കാ​മെ​ന്ന​താ​ണു ബ്‌​ളൂ​ടൂ​ത്ത് ഉ​പ​യോ​ഗം വ​ര്‍​ധി​ക്കു​ന്ന​ത്. ഇ​തും അ​പ​ക​ട​കാ​ര​ണ​മാ​യേ​ക്കാം. വി​ല കൂ​ടി​യ മൊ​ബൈ​ല്‍ ഫോ​ണു​ക​ള്‍ ന​ന​യാ​തി​രി​ക്കാ​ന്‍ സു​ര​ക്ഷി​ത സ്ഥാ​ന​ങ്ങ​ളി​ല്‍ മൊ​ബൈ​ല്‍​വ​ച്ച്, അ​തി​ല്‍​നി​ന്നും ഇ​യ​ര്‍​ഫോ​ണ്‍ കു​ത്തി പാ​ട്ട് കേ​ട്ട് വാ​ഹ​നം ഓ​ടി​ക്കു​ന്ന​വ​ര്‍ കു​റ​വ​ല്ല. ഇ​ത്ത​രം പ്ര​വൃ‍​ത്തി​ക​ള്‍ ചെ​യ്യു​ന്ന​വ​രോ​ട് പ​റ​യാ​നു​ള്ള​ത് ഒ​ന്നു​മാ​ത്രം-​ജീ​വി​ത​കാ​ലം മു​ഴു​വ​ന്‍ കി​ട​പ്പി​ല്‍ ത​ന്നെ പാ​ട്ട് കേ​ള്‍​ക്കേ​ണ്ടി​വ​രു​മെ​ന്ന​തി​നാ​ല്‍ അ​ത്ത​രം ശീ​ല​ങ്ങ​ള്‍ ഒ​ഴി​വാ​ക്കു​ക.

നിയമങ്ങൾ പാലിക്കുക

കു​തി​ച്ചുപാ​യു​ന്ന ടൂ​വീ​ല​ര്‍ വി​രു​ത​ന്മാ​ര്‍​ക്കു ട്രാ​ഫി​ക് സി​ഗ്ന​ലു​ക​ളും സ്പീ​ഡ് പ​രി​ധി​ക​ളും ഒ​രു പ്ര​ശ്‌​ന​മേ​യ​ല്ല. മു​ന്നോ​ട്ടു​പോ​കു​ന്ന​തി​നു​ള്ള അ​നു​മ​തി​ക്കാ​യി സി​ഗ്‌​ന​ലു​ക​ളി​ലും ജം​ഗ്ഷ​നു​ക​ളി​ലും കാ​ത്തു​കി​ട​ക്കു​മ്പോ​ള്‍ ഏ​റ്റ​വും ആ​ദ്യം കു​തി​ച്ചുപാ​യു​വാ​ന്‍ വെ​മ്പു​ന്ന​വ​രാ​ണു ബൈ​ക്ക് യാ​ത്രി​ക​ര്‍. ഇ​ത് ഒ​ഴി​വാ​ക്ക​ണം. സ​ഞ്ചാ​ര​ത്തി​നി​ടെ വാ​ഹ​നം റോ​ഡു​ക​ളി​ല്‍ ലൈ​ന്‍ മാ​റ്റു​മ്പോ​ള്‍ അ​പ​ക​ട​ങ്ങ​ളു​ടെ സാ​ധ്യ​ത​യും വ​ര്‍​ധി​ക്കു​ന്നു. ഇ​തൊ​ക്കെ അ​റി​യാ​മെ​ങ്കി​ലും ബ്ലോ​ക്കു​ക​ളി​ലും മ​റ്റും ലൈ​ന്‍ വെ​ട്ടി​ച്ചു വെ​ട്ടി​ച്ച് മു​ന്നേ​റു​ന്ന ഒ​ട്ടേ​റെ ടൂ​വീ​ല​ര്‍ യാ​ത്രി​ക​രെ കാ​ണാം. ഇ​ത്ത​ര​ത്തി​ല്‍ എ​ത്തു​ന്ന ബൈ​ക്ക് യാ​ത്രി​ക​ർ കാ​ര്‍ യാ​ത്രി​ക​ര്‍ ഉ​ള്‍​പ്പെ​ടെ​യു​ള്ള വ​ലി​യ വാ​ഹ​ന​ങ്ങ​ളു​ടെ ഡ്രൈ​വ​ര്‍​മാ​രു​ടെ ശ്ര​ദ്ധ​യി​ല്‍​പ്പെ​ടി​ല്ലെ​ന്ന​തും അ​പ​ക​ടം ഉ​ണ്ടാ​കാ​നു​ള്ള സാ​ധ്യ​ത വ​ര്‍​ധി​പ്പി​ക്കു​ന്നു. ശ്ര​ദ്ധ​യോ​ടെ ലൈൻ മാ​റ​ണ​മെ​ന്നു മാ​ത്ര​മ​ല്ല മു​ന്‍​കൂ​ര്‍ ഇ​ന്‍​ഡി​ക്കേ​റ്റ​റു​ക​ള്‍ പ്ര​കാ​ശി​പ്പി​ച്ച് മാ​ത്രം റൈഡ് ചെയ്യുക.


മു​ന്‍​വി​ധി​യ​ല്ല വേ​ണ്ട​ത്

‌നി​ര​ത്തു​ക​ളി​ല്‍ പോ​ലീ​സോ മോ​ട്ടോ​ര്‍ വാ​ഹ​ന വ​കു​പ്പോ ഉ​ണ്ടാ​കി​ല്ലെ​ന്ന ധാ​ര​ണ​യി​ല്‍ ഹെ​ല്‍​മ​റ്റ് ഇ​ല്ലാ​തെ​യും മ​ദ്യ​പി​ച്ചു​മാ​ണു പ​ല​രും നി​ര​ത്തു​ക​ളി​ലേ​ക്കു വാ​ഹ​ന​ങ്ങ​ളു​മാ​യി ഇ​റ​ങ്ങു​ന്ന​ത്. ഇ​ത് ഒ​ഴി​വാ​ക്ക​ണ​മെ​ന്നു മാ​ത്ര​മ​ല്ല ഇ​ത്ത​രം തെ​റ്റാ​യ തീ​രു​മാ​ന​ങ്ങ​ള്‍ അ​പ​ക​ട​ത്തി​നും കാ​ര​ണ​മാ​കും. ഇ​തി​നു​പു​റ​മെ ഗ​ട്ട​റു​ക​ളും മ​റ്റും വെ​ള്ളം നി​റ​ഞ്ഞു കി​ട​ക്കു​ന്ന​തു​കൊ​ണ്ടു ടൂ ​വീ​ല​ര്‍ ഡ്രൈ​വ​ര്‍​മാ​ര്‍ ര​ണ്ടു കൈയും ഹാ​ന്‍​ഡി​ലി​ല്‍ മു​റു​ക്കെ പി​ടി​ച്ചാ​ക​ണം വാ​ഹ​നം ഓ​ടി​ക്കേ​ണ്ട​ത്. ഗ​ട്ട​റു​ക​ളും ഹം​പും മ​റ്റും അ​വ​സാ​ന നി​മി​ഷം വെ​ട്ടി​ച്ച് ഓ​ടി​ക്കു​ന്ന​തി​നേ​ക്കാ​ള്‍ എ​പ്പോ​ഴും ന​ല്ല​ത് സ്പീ​ഡ് കു​റ​ച്ച് അ​തി​ലൂ​ടെ ക​യ​റ്റി ഇ​റ​ക്കി കൊ​ണ്ടു​പോ​കു​ന്ന​താ​ണ്. ഏ​തെ​ങ്കി​ലും ത​ര​ത്തി​ല്‍ വാ​ഹ​ന​ത്തി​ന്‍റെ നി​യ​ന്ത്ര​ണം ന​ഷ്ട​മാ​കാ​തി​രി​ക്കാ​ന്‍ ഇ​തു സ​ഹാ​യ​ക​​മാ​കും.

ഒ​രു​ങ്ങു​ക ഒ​പ്പം ഒ​രു​ക്കു​ക

മ​ഴ​ക്കാ​ല​ത്തു ബൈ​ക്ക് യാ​ത്രി​ക​ര്‍ മാ​ത്രം ഒ​രു​ങ്ങി​യാ​ല്‍ പോ​രാ. വാ​ഹ​ന​വും സ​ജ്ജ​മാ​ക്കേ​ണ്ടി​യി​രി​ക്കു​ന്നു. വാ​ഹ​ന​ത്തി​ന്‍റെ ട​യ​ര്‍, ബ്രേ​ക്ക്, ഹെ​ഡ് ലൈ​റ്റ്, ഇ​ന്‍​ഡി​ക്കേ​റ്റ​റു​ക​ള്‍ എ​ന്നി​വ​യെ​ല്ലാം പ​രി​ശോ​ധി​ച്ച് ഇ​വ ശ​രി​യാ​യി പ്ര​വ​ര്‍​ത്തി​ക്കു​ന്നു​വെ​ന്ന് ഉ​റ​പ്പ് വ​രു​ത്ത​ണം. തെ​ന്നി​ക്കി​ട​ക്കു​ന്ന റോ​ഡു​ക​ളി​ല്‍ ബ്രേ​ക്ക് ചെ​യ്താ​ല്‍, ന​മ്മ​ള്‍ ഉ​ദ്ദേ​ശി​ക്കു​ന്ന സ്ഥ​ല​ത്തു ബൈ​ക്ക് നി​ല്‍​ക്ക​ണ​മെ​ങ്കി​ല്‍ ട​യ​ര്‍ മി​ക​ച്ച​താ​വ​ണം. വാ​ഹ​ന​ത്തി​ന്‍റെ ബ്രേ​ക്ക് ലൈ​ന​റു​ക​ള്‍ മാ​റാ​നു​ണ്ടെ​ങ്കി​ല്‍ മാ​റ്റി​യി​ട​ണം. മ​ഴ​ക്കാ​ല​ത്തു മു​ന്നി​ലെ​യും പി​ന്നി​ലെ​യും ബ്രേ​ക്ക് ഒ​രു​മി​ച്ചു പ്ര​യോ​ഗി​ക്കു​ന്ന രീ​തി​യാ​ണ് അ​വ​ലം​ബി​ക്കേ​ണ്ട​ത്. ക​ണ്ണ​ഞ്ചി​പ്പി​ക്കു​ന്ന ഹെ​ഡ് ലൈ​റ്റ് ഒ​രു കാ​ര​ണ​വ​ശാ​ലും ഉ​പ​യോ​ഗി​ക്ക​രു​ത്. എ​തി​ര്‍​വ​ശ​ത്തെ വാ​ഹ​ന​ത്തി​ന്‍റെ ഡ്രൈ​വ​റും റോ​ഡ് ശ​രി​യാ​യി ക​ണ്ടാ​ല്‍ മാ​ത്ര​മേ അ​പ​ക​ട​ങ്ങ​ള്‍ ഒ​ഴി​വാ​കു​ക​യു​ള്ളൂ. ഹെ​ഡ് ലൈ​റ്റ് ഇ​ട​യ്ക്കി​ടെ ഡി​പ് ചെ​യ്തു ശ്ര​ദ്ധ കൂ​ട്ടു​ന്നതു ന​ല്ല​താ​കും. ഇ​ന്‍​ഡി​ക്കേ​റ്റ​റു​ക​ള്‍ കൃ​ത്യ​മാ​യും പ്ര​വ​ര്‍​ത്തി​ക്കു​ന്നു​ണ്ടെ​ന്ന് ഉ​റ​പ്പു വ​രു​ത്ത​ണം. കൂ​ടാ​തെ ശ​രി​യാ​യ ബ​സ​റു​ക​ളു​ടെ ഉ​പ​യോ​ഗം, ഇ​ന്‍​ഡി​ക്കേ​റ്റ​റു​ക​ളു​ടെ ആ​വ​ശ്യ​ത്തി​നു​ശേ​ഷം അ​ത് ഓ​ഫ് ചെ​യ്യു​വാ​ന്‍ ഓ​ര്‍​മി​പ്പി​ക്കു​ന്നു.

റോ​ഡു​ക​ളും സൂ​ക്ഷി​ക്ക​ണം​

ശ​ക്ത​മാ​യ മ​ഴ​യി​ൽ ബൈ​ക്ക് യാ​ത്ര ന​ട​ത്തു​ന്ന​വ​ർ റോ​ഡി​ന്‍റ ഗ​തി സം​ബ​ന്ധി​ച്ച് വ്യ​ക്ത​മാ​യി മ​ന​സി​ലാ​ക്കേ​ണ്ടി​യി​രി​ക്കു​ന്നു. കാ​ല​വ​ർ​ഷ​ത്തി​ന്‍റെ തു​ട​ക്ക​ത്തി​ൽ​ത​ന്നെ ന​ഗ​ര, ഗ്രാ​മ വ്യ​ത്യാ​സ​മി​ല്ലാ​തെ റോ​ഡു​ക​ളെ​ല്ലാം പൊ​ട്ടി​പ്പൊ​ളി​ഞ്ഞ നി​ല​യി​ലാ​ണ്.

സ്ഥി​രം യാ​ത്രി​ക​ർ​ക്കു ത​ങ്ങ​ൾ ക​ട​ന്നു​പോ​കു​ന്ന പ്ര​ദേ​ശ​ത്തെ റോ​ഡു​ക​ളു​ടെ അ​വ​സ്ഥ സം​ബ​ന്ധി​ച്ചു നി​ശ്ച​യ​മു​ണ്ടെ​ങ്കി​ലും സൂ​ക്ഷി​ക്കു​ന്ന​തു ന​ന്നാ​യി​രി​ക്കും. ക​ന​ത്ത മ​ഴ​യും വെ​ള്ള​ക്കെ​ട്ടു​ക​ൾ രൂ​പ​പ്പെ​ടു​ന്പോ​ഴും വേ​ഗ​ം ഏ​റ്റ​വും കു​റ​ച്ചു സ​ഞ്ച​രി​ക്കു​ന്ന​താ​കും ന​ല്ല​ത്. ഈ ​സ​മ​യം റോ​ഡി​ന്‍റെ ഉ​പ​രി​ത​ലം ശ​രി​യാ​യ രീ​തി​യി​ൽ യാ​ത്രി​ക​ർ​ക്കു കാ​ണാ​ൻ സാ​ധി​ക്കി​ല്ല. വേ​ഗ​ം കു​റ​ക്കു​ന്ന​തു കു​ഴി​ലും മറ്റ് അപകട ങ്ങളിലും അ​ക​പ്പെ​ടാ​തി​രി​ക്കാ​ൻ സ​ഹാ​യ​ക​മാ​കും.
മ​ഴ സൗ​ന്ദ​ര്യം ആ​സ്വ​ദി​ക്കാ​ൻ ബൈ​ക്കി​ൽ സ​ഞ്ച​രി​ക്കു​ന്ന​വ​ർ വ​ഴി​യ​റി​ഞ്ഞു​മാ​ത്രം യാ​ത്ര പോ​കു​ക. ഇ​തി​ൽ ന​ഗ​ര, ഗ്രാ​മ പ്ര​ദേ​ശ​ങ്ങ​ളി​ലെ റോ​ഡു​ക​ൾ ത​മ്മി​ലു​ള്ള വ്യ​ത്യാ​സം അ​റി​ഞ്ഞി​രി​ക്കേ​ണ്ട​തു പ്ര​ധാ​ന​മാ​ണ്. ന​ഗ​ര​ങ്ങ​ളി​ൽ വ​ള​വു​ക​ളും ക​യ​റ്റ​വും കു​റ​ഞ്ഞ റോ​ഡു​ക​ളാ​ണു കൂ​ട​ത​ലെ​ങ്കി​ൽ ഇ​ടു​ക്കി, വ​യ​നാ​ട് പോ​ലു​ള്ള ജി​ല്ല​ക​ളി​ൽ കു​ത്ത​നെ ക​യ​റ്റ​വും കൊ​ടും വ​ള​വു​ക​ൾ നി​റ​ഞ്ഞ റോ​ഡു​ക​ളാ​ണ് ഏ​റെ​യും.

റോബിൻ ജോർജ്


Loading...